¹ Gin yan ci gǝmghǝni daɗi kǝ vik wusni kǝ Yesu ɗaŋ nǝ ɓorghǝni kuni Cognvon. ² Ɗaŋ gii ɗaŋ nǝ dlyaaɗkǝni a tagarta Ishaya murghǝ shinngǝni Cognvon. ''yeli, migha shinndar ghǝn murghǝ shinngǝnetn a ken waa, gyo ɗaŋ wo ndǝrghǝ datǝpm waa mǝn. ³ Yeres kǝ murghǝ cimngǝni dlek ndǝǝr, ''Naa ndǝrǝn datǝpi nǝ durghǝ Daadǝn. sularǝn datǝpm woshi taŋ-taŋ.'' ⁴ Yohanna, aa man cigha baɓtisma dlǝk ndǝǝr tǝ fuughǝn zarsǝ tǝ kaɓ ndaɗkǝn woshi nǝ duryo tu tǝ dlaa loŋsǝ kusǝŋsǝ ngǝtn washi. ⁵ Kaɓ yatl kǝ Yahudiyes, tǝ ɓuruk zarsǝ ghǝ Urshelima tǝ nywaal tǝ tlii ɓastǝ. A ta fishi baɓtisma mǝn laar Urdun, kǝnnda cii kwaan kusǝŋsǝ ngǝtn wasǝŋ. ⁶ Yohanna a tayi tǝ luu ɗaŋ tǝ ndǝr tǝ mbitlǝŋ Rakumi tǝ laaɗ ɗaŋ a naɗi a mis wos, ata yaa ciin zai tǝ duum. ⁷ A ta yaa wul tu, ''gon cigha manngǝnɗi ɗaŋ a moɓm vartǝ fona gyo ɗaŋmǝ tul ɗaŋ mǝ zuɓ mǝ tǝrǝŋ tlǝrǝŋ kwate wos hŋ. ⁸ Mya fii ki baɓtisma tǝzha, beɗ tǝ gi wo fii ki baɓtisma mǝn tǝ Zhipti var.'' ⁹ Ata yia mbuɗkənes she Yesu taa mbwaaɗi Nazareɗ a giɗ yatl Galilii.Yohanna taa fitǝ baɓtisma mǝni rupm urdun. ¹⁰ Ɗaŋ Yesu tayi a nyolghǝnni ɗa zhai, she gaami tsogn taa ŋǝǝri kǝnnda zhipti var cigha shinngǝni ɓastǝ ɗaŋ kumri. ¹¹ Yer won wul ɗi ɗa tsokes tu, ''kinǝ ŋaatn ɗaŋ mya suu na vik lyai hŋ. A polǝm ɓaskə monnda.'' ¹² Kǝnnda Zhipti var taa caa tǝ ghai tǝ tlii dlǝk ndǝǝr. ¹³ A taa yi ɗavndǝǝres nǝghǝ mbuɗkǝnni tashi wuɓsǝ, kǝnnda shetan a taa yaa ɗiɓtǝ. A taa yi tǝ gya tluŋsǝ ndǝǝr kǝnnda Zhipti shingǝni Cognvon caa paŋtǝ ¹⁴ Ɗaŋ tǝǝ taa ngaɓ Yohannai, Yesu a taa ndai Galilii ci ɓashi fuughǝni vik wusni kǝ Cognvon. ¹⁵ Cigha wulghǝn tu, ''kiles a yungari, guŋdə Cognvon yi mel. Gaan kusǝŋsǝ ngǝti a caa raai a vik wusni.'' ¹⁶ Ɗaŋ cigha righǝni a ɓil dlǝllǝk zha Galilii, a yel Siman tǝ Andarawus yeskǝ Simanes a gǝmgǝni ngǝtn ghǝ nyomgǝn gyas ɗa zhai, nǝ duryo tu tǝǝ taa yi nǝ mǝn nyomngǝǝn gyaas. ¹⁷ Yesu wul shi tu, ''manǝn, laaɓm, maa surki waani nǝ mǝn nyomngǝn zarsǝ.'' ¹⁸ Kyaɗ tǝǝ gaa gya ngǝtn nyomngǝn gyashe shi tǝ laaɓtǝ. ¹⁹ Daŋ Yesu ɓǝɗtǝ ghai ŋaa njwaan, she a yel Yakuɓ kuni Zabadi tǝ Yhanna yesashi, tǝǝ taa yi giɓ zhirgi cigha ndǝrghǝn gya ngǝtn ghǝ nyomngǝn gyaas. ²⁰ A cimshi she tǝǝ taa tlii gya wasǝŋ Zabadiɗa giɓ zhirges tə mən yo ɗaŋ caa fii shi laa mǝn, she tǝǝ laaɓ tə. ²¹ She tǝǝ taa man kafanahun , shedzaŋ wolngi , she a ndai vin ladi yahudawa kǝnnda yi giɗ shi ghai. ²² Giɗkǝn woshes taa kwasarshi nǝ duryo tu a taa yaa giɗ shi ghai daŋ gyo daŋ ci vartǝ, yin ɗaŋ kǝ malǝmshi kǝ ngǝtn ɗaŋ Musa dlaaɗ hŋ. ²³ Swaaɗ kyaɗ, she gon ɗaŋ citǝ mǝndǝ a gǝǝm riŋ, ²⁴ ci gha wulghǝni tu, nii kǝnnda maa fii tǝ kyan Yesu mǝn Nazareɗe? kǝ man a datsǝmi wopiyan? maa yisǝŋngǝi ki nǝ nui. Kinǝ kaɓkǝ ndzǝkni kǝ Cogn von'' ²⁵ Yesu dlwaa yer mǝndes a wul tu ''mwali kelak, nyoli ɓastǝ!'' ²⁶ mǝndes taa mbi tǝ ngaa yatl she nyoli ɓastǝ cigha ngwaarghǝni tlyaa-tlyaa. ²⁷ Zarshes ɓuruk a ta kwasaarshi she tǝ cǝɗ dlǝŋ sǝ wasǝŋ tu ''gin nǝ nii? Nǝgiɗkǝni won nǝ muri tǝ varta? caa ɗyaa wul mǝnɗǝŋsǝ caa wumti'' ²⁸ Vi adulgamas taa kaɓ ko teɗo a yatl Galilii ²⁹ Ɗaŋ tǝ nywaliɗi ɗi ɗa vin ladi yahudawos tǝǝ tlii dǝn gya Siman tǝ Andarawus tǝǝ gya Yakub tǝ Yohanna. ³⁰ Kawa Siman a taa yi gha ɓuɗkǝn caa gon, she tǝ fuu Yesu. ³¹ She a taa man, she ngaɓ taas woshi shisher ti, dlǝrni shegonngǝnes taa ɓaani, she a fiishi ngǝtn cighǝni mǝn. ³² Ɗa suuti dzaŋ gi, ɗaŋ yir dzaŋ a mali, tǝ taa lǝǝr kaɓ gya ɗaŋ citǝ mǝndǝŋsǝ. ³³ Mǝn yatli ɓuruk tǝ taa jwaamshi ɗa kenɓiles. ³⁴ A ta fuuɗ mǝn gonngǝni ɗaŋ citǝ gonngǝni mari-mari, nyolar mǝndǝŋ monnda, beɗ tǝ gi a taavgaa gya mǝndǝŋshes tǝ wul vi hŋ nǝ duryo tu taa yisǝŋti. ³⁵ A ta shishi tǝ ɓǝtlndi ɗaŋ lǝɓ dyaghas nǝ ji, a taa nyol tlii a lǝɓ won ngǝtn wos kǝnnda a kara Cogn. ³⁶ Siman tǝ gya gyo ɗaŋ tǝǝ taa yi cimshi tǝ taa nguɓtǝ ŋalghǝni. ³⁷ Tǝǝ taa tutii, she tǝ wul tə tu,''konu ci ɓaskǝ ŋalghǝni.'' ³⁸ A wul shitu, ''mǝǝ nywalǝnni a lǝɓi gya gon , a yatli gya gi ɗaŋ tǝ ngirǝŋ mi wopi, nǝ dur yo tu mǝ fuushi vik Cogn von ɗaŋ.De yo ɗaŋ a caa mǝ nyolɗi ³⁹ ɗuun nghǝnɗi. A taa ngelaŋ ko teɗo Galilii, yi fuushi vik Cogn a vin ladi wasǝŋ yi ndǝr nyolar mǝnɗǝŋsǝi. ⁴⁰ Ndomtsǝ won man ɓastǝ. a ta yi ɓastǝ karaghǝni, a nguɓni yatl , she wul tu, ''ǝŋ yan kya suu, ka sular mi kaɗ-kaɗ. ⁴¹ Ɗaŋ gwanɗǝ wos mbi raa woshi, Yesu taa taas tintǝ ghai, cigha wulghǝni wos tu, ''mya suu naai kaɗ-kaɗ. ⁴² Swaaɗ kyaɗ ndomci taa ɓani, ataa naai kaɗ-kaɗ. ⁴³ Yesu taa caa tǝ yir, kǝnnda gaa tǝ tlii. ⁴⁴ A wul tǝ tu, ''ko njwatn a wul vi tǝ gon hŋ, beɗ tǝ gi tlǝ a giɗvgaama a pǝris, a ndǝr a vǝr ngǝnngǝ vǝrghǝni ɗaŋ Musa kon, tǝ giɗ tu katu byatl kǝni wai ⁴⁵ Beɗ tə gi, a taa nyol kǝnndi yi fuu konu, kǝnnda yi basaŋ ves monnda ɗaŋ Yesu taa ya man kǝǝm man nda yatl won ɗa sǝrghǝde ɗa hŋ. Nǝ durghǝ gi Yesu taa ya paŋ nǝ lǝɓigya gon kǝnnda yi tsǝtn ngai, zarsǝ tǝ yi man ɓastǝ a ko te lǝbi gyo.