Tatao Nono'i lao mia sao ina no sao tou ¹ Boe ma hei sao ina-sao ina, ta,alok soa neu sao tou ma. sebab, kalu sia hei taladama, hambu sira nda mana tao tungga Susura Meumare, sira hambu tao hendi lao mia tatao ma nono'i sao ina nda pake dedea ma o'ola sa, ² sebab sira rita tatao meumare no tatao nono'i nene pandang. ³ Afi tao meulauma lao mia deama nema. ona'a iri langgama, pake bua mbilas, do pake bua lo'as feli'na manaen seli. ⁴ Tehu, tao meulauma lao mia rala temeao manema, ona'a meulau fo nda mana male sa, fo mana lao mia dula dale mana neloe nedae ao'o no matu-matu. Na'ka fo mana na'ena feli'i sia Ama Lamatua matan. ⁵ Sebab, ona'a na ina-ina meumare'ra mia fai ma'ahulun, fo ara tao sira huhule o'o'en neu'a Ama Lamatua, tao menulau sira ao arun; ona'a ara ta'alok soa neu sira sao toun. ⁶ Ona'a Sara ta,alok soa neu sao'na, Abraham, de ana no'e na nae 'tuan'. Hei adalah Sara ana nara de hei afi fe nemetaus'a eko feo nalanggi watu hei mae tao meulau na'ka. ⁷ Ona'na soa neu hei, hai sao tou-sao tou, mori mu'u bue mo sao inam sofe no mahine karna sira adalah atahori mana masa loe banggana'u ru.Pandan si dadi ona torono mana simbo momori bebe'i bara'ai huna hei huhule o'o'em nda nene empang sa. Susa sona karna tao meulau ⁸ Ma'a buina, basa hei mi'ena dudu'at esa, susue lai, susue odi a'a, rala matafanggi, no neloe nedae ao. ⁹ Afi tada de'ulaka no de'ulaka, do rarai o'ole no rarai o'ole. Boema, hei nene lala lima'a sebab soa neu na hei nene no'e fo dadi mi mana to'u ua manale'a. ¹⁰ Sebab Susura meumare'a nafade,"Soa neu seka sue momorin, no ana hi nita fai-fai meulau', ana harus nanea ma'na mia de'ulaka nema, no nudu bafa'na mia dedea o'ola mana peko leleko. ¹¹ Ana boe harus na'a dodo ao'na mia de'ulaka rala boema ana tao meulau'u. Boema ana sangga mole dame'a, fo ana use sambe hambue. ¹² Sebab, Lamatua matan mete soa neu atahori-atahori ndos, no ndiki-Na rena soa neu huhule o'oe na'ra. tehu, mata-Na tantang atahori-atahori fo mana tao de'ulaka."Mazmur 34:13-17". ¹³ Seka mana tao'nggo mu'u tunu musu le'u kalu hei tao meulau'u? ¹⁴ Tehu, kalu hei harus susa sona soa neu meu mare'a, na hei hambu ua manale."Afi mimitau ma afi nggengger soa neu sira mana tao nggi susa ma sona." ¹⁵ Tehu, tao Kristus mandela masa'a na sia rala'ma rala! Minea fo fe netas soa neu seka mesan lapor hei karna bebei bara'ai yang hei simbo, ¹⁶ tehu tao tungga mendi'i be'u te langga ma neloe nedae ao, boema mu'ena rala matafanggi fo sia fai beka ma hei nene o'ola,a, atahori mana rarai hei momori meulauma sia Kristus rala, ana dadi mae. ¹⁷ Sebab, lebe bae susa sona karna tao meulau, kalu na tebe-tebe hihi ma nanau mia Ama Lamatua nema, dari pada susa sona karna tao de'ulaka. ¹⁸ Kristus boe susa sona Karna hita sala kilun, lao esa soa neu basa atahori, ndo tetu'a mate soa neu sala kilu'a, huna de Ana hambu nendi hita tisi'i Ama Lamatua. Ao sisin ara tati mbaue, tehu Ana fela bali mia Dula dale'a rala. ¹⁹ Mia Dua dale'a rala, Ana lao no Ana na'a lolosa haralin soa neu dula dale-dula dale mana sia bui, ²⁰ fo sira yang ma'a hulu'na nda rena watu Ama Lamatua sabar nahani sira mia zaman Nuh, fo Nuh fe'e tao ofa'na. Mia ofa'a na'ka, aka ruma'a, yaitu aka sira falu, fo ara salamat mia tasi'a lunala raefafo'a. ²¹ Tasi'a lu nala raefafo na'ka dadi neu lambang sarani fo mana fe'nggi momori sia fai ia. Sarani'a, nda soa neu sasafe sasa manggenggeo sia hita aon, tehu ana dadi neu huhule o'oe soa neu Ama Lamatua fo rala matafanggi meulau mia Yesus Kristus fefelan nema, ²² yaitu Eni yang fai ia ana hene nisi'i nusa tetun do inggu temen neu fo ana sia Ama Lamatua lima onan; fo basa Malaikat, basa manaparenda'ra, no basa mana koasa'ra ara ta'alok soa neu-E.