15
1
Тодады вайытӥсько, вынъёсы, Ӟеч Иворэз, кудзэ мон тӥледлы вайи, кудзэ тӥ басьтӥды, кудаз тӥ юн золомиды,
2
кудыныз спасаться кариськиськоды, сётэмез бордын возиськиськоды-ке озьы, кызьы мон благовествовать кари вал тӥледлы, пайдатэк гинэ ӧд-ке оскелэ,
3
малыке шуоно мон нырысь-ик сётӥ сое тӥледлы, мае ачим принять кари, Христос кулӥз шуыса асьмелэн сьӧлыкъёсмы понна, Писание гожтэмъя,
4
но Со ватэмын вал, но улӟыса кулэмысь султӥз куинетӥ нуналаз, кызьы Писаниын гожтэмын вал,
5
но Кифа доры возьматскиз, собере Даскыкъёслы,
6
собере одӥг дыре адӟиськиз вынъёслы, кудъёсыз витьсюлэсь тросс вал, кудъёсыз пӧлысь тросэз улэпесь на, нош куд огез кулӥзы ни;
7
собере адӟиськиз Иаковлы, озьы-ик ваньмызлы Апостолъёслы;
8
нош ваньмыз бере возьматскиз мыным но, дырызлэсь вазь вардскем нунылы кадь.
9
малыке шуоно мон самой покчиез апостолъёс пӧлысь, Апостол лыдъяськыны но уг сылӥськы, уго мон Инмарлэсь Черксэ улляса ветлӥ.
10
Нош Инмарлэн благодатезъя мон вань, кыӵе вань; но мон пушкын Солэн благодатез юнме ӧвӧл, мон тырши ваньмызлэсь тросгес, мон ӧй тыршы, нош Инмарлэн благодатез, кудыз монэным.
11
Мон яке соос - ми озьы проповедовать кариськомы, но тӥ озьы оскиды.
12
Верамын ке, Христос кулэмысь улӟыса султӥз шуыса, соку малы куд огез тӥ пӧлысь верало, кулэмъёс пе улӟыса уг султо?
13
Кулэмъёс ке улӟыса уг султо, соку Христос но ӧз шат улӟыса султы?
14
Христос ке улӟыса ӧз султы, соку милям вераммы но юнме, юнме асьмелэн осконмы но.
15
Соку дыръя ми луысалмы на Инмар сярысь пӧяса верасьёс, уго ми вераллясалмы Инмар сярысь, Со улӟытыса ӝутӥз Христосэз шуыса, Кудзэ улӟытыса ӧз ӝуты, кулэмъёс улӟыса уг-ке султо.
16
Уго кулэмъёсты улӟытыса уг-ке луы ӝутыны, соку Христос но кулэмысь улӟыса султэмын ӧй вал.
17
Христос кулэмысь улӟытыса ӝутэмын ӧвӧл-ке, соку тӥляд оскемды юнме, озьыен тӥляд сьӧлыкъёсты но тӥ пушкы кылемын.
18
Озьы бере, Христослы оскыса кулэмъёс но бырӥзы.
19
Христослы оскиськыса таяз дуннеын гинэ ке ми улӥськомы, соку ми вань калыкъёслэсь шудтэмесь.
20
Нош Христос зэм-ик кулэмысь улӟыса султӥз, нырысетӥез кулэмъёс пӧлысь.
21
Кызьы дуннее кулон вуиз одӥг адями пыртӥ, озьы-ик кулэмысь улӟыса султон но вуиз одӥг Адями пыртӥ.
22
Кызьы Адам пыртӥ ваньмыз куло, озьы-ик Христос пыртӥ ваньмыз улон доры берытскозы,
23
котькудыз аслаз радызъя: нырысь ик Христос, собере, куке Со лыктоз выльысь, ваньмыз, кинъёс Солэн луо,
24
нош собере пумыз вуоз, куке Со быдтоз котькыӵе кивалтӥсьёсты, котькыӵе власьтез но кужымез, сётоз Царствоез Инмарлы но Атайлы.
25
Уго Христослы царствовать карыны сётэмын отчёзь, пока вань тушмонъёсты Аслаз пыд азяз уз мыкырты.
26
Нош берпуметӥез тушмон - кулон - быдтэмын луоз,
27
малыке шуоно Инмар ваньзэ вормыса нюртӥз Солэн пыд азяз. Куке верамын "ваньмыз вормемын шуыса", соку валамон, Инмарэз гинэ ӧвӧл шуыса, Кудыз вормыса сётӥз Христослы ваньзэ.
28
Нош куке ваньмыз Солэн ки улаз сётэмын луоз, соку Ачиз Пи покориться кариськоз Инмарлы, Кудыз ваньзэ сётоз кивалтыны Солы, Инмар мед луоз шуыса ваньмыз ваньмаз.
29
Мар соку лэсьто соос, кинъёс креститься карисько кулэмъёс понна? Кулэмъёс улӟыса уг ке султо, соку малы крестится карисько соос понна?
30
Малы асьмеос но котькуд дыре кышкытлыкъёсты чидаськомы?
31
Нуналлы быдэ кулонэ нуись кышкытлык мон сьӧры уиське: данъяськисько тӥленыд, вынъёсы, асьмелэн Иисус Христос, Куземы пушкын. ?????
32
Мон адямиослэн малпамъёссыя гинэ-ке нюръяськи кыр пӧйшуръёсын Ефесын, кыӵе мыным пайда, кулэмъёс улӟыса-ке уг султо? Соку ойдолэ сиом но юом, уго ӵуказе куломы!
33
Эн пӧяське: урод огазеяськонъёс ӟеч сямъёсты саптало.
34
Чёс-чёс садьяське но сьӧлык эн лэсьтэ, малыке шуоно, тӥлед возьыт луыны кулэ, тӥ пӧлысь куд огез Инмарез уг тодо.
35
Нош шуоз кин-ке: Кызьы кулэмъёс улӟёзы? Но кыӵе соослэн мугорзы луоз?"
36
Визьтэм! Мае тон кизиськод, уз уда, ӧз ке кулы.
37
Но куке тон кизиськод - тон уд кизиськы вуоно мугор, нош голик тысь, кыӵе пӧрмоз, чабей яке кыӵе-ке мукет.
38
Нош Инмар сётэ солы мугор кызьы мылыз потэ - котькыӵе кидыслы аслыз мугор.
39
Ваньмыз мугоръёсс одӥг кадесь ӧвӧл, адямиослэн асьсэлэн мугоръёссы, пудоживотъёслэн мукет мугоръёссы, ӵёрыгёслэн мукет, тылобурдоослэн мукетэсь.
40
Вань ин мугоръёс но вань музъём мугоръёс, нош инмысезлэн данэз мукет, музъёмысезлэн - мукет.
41
Шундылэн данэз одӥг, Толызьлэн мукет, кизилиослэн мукет, кизили кизилилэсь но данзы пӧртэм луэ.
42
Озьы ик луоз, куке кулэмъёс улӟыса султозы: сисьмон понна кизиське, нош сисьмисьтэм улӟыса султэ;
43
дантэк кизиське, улӟе данэн; кизиське кынартэк, кужымен улӟе;
44
кизиське лул мугор, султэ духовной мугор. Вань лул мугор, духовной но вань мугор.
45
Озьы ик гожтэмын:" нырысетӥез адями Адам луло лул луиз", нош берпуметӥез Адам луиз улон сётӥсь Дух.
46
Нырысь ик духовноез ӧвӧл, нош душевноез, нош собере гинэ - духовноез.
47
Нырысетӥ адями лэсьтэмын вал сюйлэсь, музъемлэн; кыктэтӥ адями - Кузё-Инмар инмысь.
48
Музъемлэсь адямиос нырысетӥ музъемлэсь кадь, нош инлэнъёсыз луозы сыӵеесь ик, кыӵе инмысь лыктэмез.
49
Кызьы асьмеос нуллӥськомы тусбуйзэ музъемлэсьсэ, озьы ик асьмеос нулломы тусбуйзэ инлэсьсэ.
50
Верало тӥледлы, вынъёсы, мугор но вир Инмарлэн Царстваяз пырыны уг быгато, сисьмоноез но сисьмонтэмаз пырыны уг быгато.
51
Али мон верасько лушкемзэ: асьмеос ваньмы ум кулэ, нош ваньмы воштӥськомы,
52
син кынён куспын, куке берпуметӥ гумы куара кылӥськоз, кулэмъёс улӟыса султозы сисьмонтэмесь, нош асьмеос воштӥськом.
53
Уго та сисьмоноезлы пӧрмыны кулэ сисьмисьтэм, но кулоноезлы пӧрмыны кулэ бырисьтэм.
54
Куке та сисьмисез пӧрмоз сисьмисьтэм, но кулӥсез пӧрмоз бырисьтэм, соку быдэсмоз гожтэм кыл:" кулон ньылэмын вормонэн".
55
"Кулон, кытын тынад шиед? Ад, кытын тынад вормонэд?"
56
Кулонлэн шиез - сьӧлык, нош грехлэн кужымез - закон.
57
Тау Инмарлы, Кузё - Инмармы Иисус Христос пыртӥ милемлы вормон сётэмез понна.
58
Соин ик, яратоно вынъёсы, луэлэ юнэсь но шонаськисьтэмесь, сюлмысь тыршэлэ Кузё-Инмар понна, но тодэ, тӥляд тыршемды юнме уз луы Кузё-Инмар азьын.