1
ہوں نافرمان تے پلیت تے ظالم شہر تے افسوس۔
2
ہوں نے آکھیا نہ منیا تے ادب نہ من یا تے خدا تے یقین نہ کیتا تے اپنڑے خدا دے نال نہ آیا۔
3
ہوندے سردار ہوندے وچ وسنڑ آلے شیر ہین۔ ہوندے انصاف کرڹ آلے رات کوں نکلنڑ آلے بھڑیئے ہین۔جہیڑے سویرے تک کجھ نا چھوڑیسن۔
4
ہوندے نبی کوڑے تے فراڈ ی ہین۔ہوندے پادری پاک کوں ناپاک کریندےتے شریعت کوں موڑیندن۔
5
ہوندے وچ خداوند ہی سچا ہے او برائی کائینی کریندا ۔ او ہر سویرے نال اپنڑی مرضی ڈیکھیندا ہے۔ ولا کڈاہیں دیر کائنی کریندا۔ہوندے وچ کوئی برائی کائنی۔
6
مائیں نے قومیں کوں برباد کر ڈیتا ہے۔ ہنیں دے تھمبلے تباہ کیتے گئے ہین۔ مائیں نے ہنیں دی گلیاں کوں خالی کر ڈیتا ہے۔اے تک ہوندے وچوں کوئی کائنی لہنگدا۔ہنیں دے شہر برباد تھی گین۔ولا ہوندے وچ نہ کوئی بندہ ہے نہ کوئی رہونڑ آلا۔
7
مائیں آکھیئے کہ توں مائیں کنوں ڈرسیں تے ادب قبول کریسں۔ تو ہناں ساریاں آنگر مائیں جہیڑا ہوناں دے حق اچ گھنداہاں ہوناں دی آبادی کپی نا ویسی ۔ جیویں ہناں نے جلد بازی کر تے اپنڑا رستہ بگاڑ ڈیتے۔
8
بس میڈی تانگ اچ راہو۔خداوند دا اکھنڑ اے ہوں ڈینھ کیتے مائیں گواہی کیتے اٹھساں۔جیویں کے میڈا حکم اے کہ مائیں قومیں کوں کٹھا کراں تے ملکیں کوں ڈیواں۔تاکہ اپنڑے ظلم دی ساری طاقت ہوناں تے نازل کریساں۔ جیویں میڈی غیرت دی بھاہ ساری دھرتی کوں کھا ویسی۔
9
یقننا مائیں ہوں روز قومیں دے ہونٹ پاک کریساں۔ تاکہ او سارے دے سارے خداوند دا ناں گھینن۔تے ہک ہی مونڈھے دے نال عبادت کرین۔
10
گوش تے فوط دے دریاویں دے پروں قربانیاں آنیاں ویسن۔
11
ہوں ڈینھ توں کہیں وی اینجھے کم دے نال جیندے کنوں تو میڈ ا گہنگار ہوسیں ولا شرمند ہ نہ تھیوڑاں پوسی ہیں سانگوں مائیں ہوں ویلے تیڈے درمیان کنوں تیڈے غرور کرڹ آلے کوں کڈھ ڈیساں ولا توں میڈے پاک پہاڑ تے غرور نہ کریسی۔
12
مائیں تیڈے اچ صرف غریب تے مسکین عوام کوں چھوڑ ڈیساں۔
13
تے اسرائیل دا بچیا ہویا خداوند دے ناں تے یقین کریسی۔بعد اچ نہ او گناہ کریسی نہ اوجھوٹ بولیسن۔تے نہ ہناں دے منہ وچ دھوکے دی زبان ہوسی۔بلکہ او چرسن تے سوتے راہسن ولا کوئی نہ ہوسی جہیڑا ہنیں کوں ڈریسی۔
14
اے دھی صہیون نغمہ ڳا۔اے اسرائیل تو پکار اے دھی یروشلیم اپنڑے یکے دل کنوں خوشی منا تے خوش تھی۔
15
خداوند نے تیڈے اتے کیتی ہوئی غلطی کوں ختم کر ڈیتا ہے،ہوں نے تیڈے دشمن کوں کڈھ ڈیتا ہے۔خداوند شاہ اسرائیل تیڈے وچ اے۔توں ولا مصیبت کوں کائنا ڈیکھسیں۔
16
ہوں ڈینھ یروشلیم کوں آکھیا ویسی۔کہ اے صہیون ڈر نہ ۔تیڈے ہتھ ڈھیلے نہ ہوین۔
17
خداوند تیڈا خدا تیڈے درمیان ہے۔ولا کریم ہے کہ نجات ڈے۔او تیڈے کیتے خوش تھی تے پکارے گا۔او ہولے ہولے محبت رکھیسی۔او ولا عید دے ڈینھ تیڈے کیتے خوش تھی تے ناچسی۔
18
جہیڑے تیکوں ماریندن مائیں ہنیں کوں تائیں کنوں پریں کر ڈیساں او جہیڑے تیڈے اتے وزن تے الزام لیندے ہن
19
ڈیکھ جہیڑا ظلم کریندےہن ہوں ڈینھ مائیں ہنیں ساریں کوں ختم کر ڈیساں۔مائیں جیہڑی لنگڑاتی ہن بچساں۔مائیں ہنیں کوں جیڑیں کوں ہکلیاں گیا ہن ڈیساں۔ولا جیتھاں کتھائیں او دنیا وچ ذلیل ہوئی تھیں مائیں ہنیں کوں عزت تے نامور کریساں۔
20
ہوں ویلے مائیں تیڈے ہدایت کریساں ۔ ہوں ویلے مائیں تیکوں ڈیساں۔ ہیں سانگوں مائیں تیڈے ڈیکھدئیے ڈیکھدئیے تیڈی قسمت بدل ڈیساں۔تے تیکوں عوام دنیا دے وچ نامور تے عزت ڈیساں۔خداوند دا آکھنڑ ہے۔+