¹ خداوند دا کلام جہیڑا شاہ یہوداہ یُوسیاہ بن امُون دے ݙیہاڑے وچ صفنیاہ داپتر کوشی دا پترجدلیاہ دا پتر امریاہ دا پتر حزقیاہ تے نازل ہویا۔ ² مائیں ساری دھرتی کنوں مکا ڈیساں ۔ خداوند دا ایہوآکھنڑ ہے۔ ³ مائیں انسانیں تے جانوریں کو مکا ڈیساں۔ مائیں ہوا دے پکھی تے سمندر یں دے مچھلیئں کوں مکا ڈیساں ۔ مائیں بے دینیں کو سٹ ڈیساں۔ ساری زمین دے بندیں کوں مکا ڈیساں ۔خداوند دا ایہو آکھنڑ ہے ⁴ مائیں یہوداہ تے یروشیلم دے سارے بندیں تے ہتھ چلیساں ولا ہوں جاہ توں بعل دے پچھوں کوں ہوندے پجاریں دے ناں کوں مٹا ڈیساں۔ ⁵ جیویں ہنائیں دےجہیڑے گھریں دی چھتیں تے آسمانی ٹولے کوں سجدہ کریندن۔ولا ہنیں کوں وی جہیڑے خداوند کوں سجدہ کریندن۔ولا ملکوم دی قسم کھندن۔ ⁶ تے او وی خداوند کنوں انکار کرتے خداوند کوں نہ گُولیندن نہ پچھدن۔ ⁷ مالک خداوند دے سامنڑیں چپ راہو۔ہیں سانگوں خداوند دا ڈینھ نال ہے۔ خداوند نے قربانی آلے جانویں کوں تیار کیتاتے اپنڑیں خاص مہمانیں کوں سڈیا۔ ⁸ تے خداوند دے قربانی آلے جانویں دےڈینھ وچ امیر تے شاہی خاندان تے ہناں ساریاں کوں جہیڑے بیگانہ کپڑے پیندن سزا ڈیساں۔ ⁹ مائیں ہوں ڈینھ ہنیں کوں سزا ڈیساں۔جہیڑے دروازے تے پیر کائنی رکھندے۔تے اپنڑے خدا دے گھر کوں ظلم تے دھوکہ نال بھر یندن۔ ¹⁰ ولا ہوں ڈینھ خداوند دا آکھنڑ ہے مچھی دروازے کنوں روونڑ دی ولا ڈوجھے حصے کنوں ماتم کررنڑ پہاڑیں تے وݙے شور دی آواز اوسی۔ ¹¹ اے ہاون دے راہونڑ آلو ماتم کرو۔ہیں سانگوں سارے تجارت کرڹ آلے کپ ڈیتے گئے ہین۔جہیڑے چاندی کنوں بھرے ہوئے ہن او سارے مر گئے ہین۔ ¹² ولا ہوں ویلے ڈیوا گھن تے یروشلیم وچ ڳولیساں ولا جتنے اپنڑیں تلچھٹ تے ڄم گے ولا دل وچ آکھدے ہین کہ خداوند نیکی کریسی نہ برائی۔ ہنیں کوں سزا ڈیساں۔ ¹³ ولا ہنیں دی دولت لٹی ویسی ۔ ہنیں دے گھر خالی تھی ویسن۔ او گھر بنڑیسن تے ہوندے وچ کائینا راہسن او انگوریں دے باغ لیسن تے ہنیں دا رس کائینا پیسن۔ ¹⁴ خداوند دا آخرت دا ڈینھ قریب ہے۔ او قریب ہے تے تیزی نال اندے۔ سنڑو خداوند دے ڈینھ دا شور تے دلیر وی وڈا روسی۔ ¹⁵ او ڈینھ قہر دا ڈینھ ہے۔غم تے پریشانی دا ڈینھ ہے۔ تباہی تے بربادی دا ڈینھ ہے۔ گمراہی تے ظلم دا ڈینھ ہے۔ روشنی تے اندھارے دا ڈینھ ہے۔ ¹⁶ باڑے آلے شہر یں دے کھمبیں دے خلاف باجے تے شور دا ڈینھ۔ ¹⁷ مائیں نوع بشر تے مصبیت سٹیساں تے او اندھے آنگور چلسین۔ ہیں سانگوں او خداوند دے گناہ گار تھی گین۔ ہنیں دا خون مٹی آنگر تے ہنیں دا گوشت فضلہ آلی کار سٹیا ویسی۔ ¹⁸ ہنیں دے چاندی سونے ہنیں کوں کائینا بچا سگسین۔ خداوند دے قہر دے ڈینھ ہنیں دی غیرت دی بھاہ ساری زمین کوں کھا ویسی ۔ ہیں سانگوں او زمین دے سارئیں راہوڑنڑ آلیں کوں پورا کر ڈیسی۔