¹ ۱۔ اُنہاں کوُ یاد ڈیوا کہ حاکماں تے اختیار والیاں دے تابع راہون اَتے اُنہاں دا حکم منن تے ہر ہک نیک کم کیتے تیار راہون۔ ² ۲۔ کئیں دی بدگوئی نہ کرن۔ تکراری نہ ہوون بلکہ نرم مزاج ہوون اَتے ساریاں دے نال بہوُں حلیمی دے نال آون۔ ³ ۳۔ کیونکہ اساں وی پہلے نادان۔ نافرمان۔ فریب کھاون آلے تے رنگ برنگ دی خواہشاں تے عیش وعشرت دے بندے ہَن۔ نفرت دے لائق ہَن اَے آپس اِچ دشمنی رکھیندے ہاسے۔ ⁴ ۴۔ پر جڈاں ساڈے مُنجی خدا دی مہربانی تے انسان دے نال اوُں دی اُلفت ظاہر تھئی۔ ⁵ ۵۔ تاں اوُں نے ساکوُ نجات ڈِتی پر راستبازی دے کماں دے پاروُں نئیں جیہڑے اساں آپ کیتے بلکہ اپنی رَحمت دے مطابق نویں سرے توں جمن تے غُسل تے روح القدس دے ساکوُ نواں بناون دے وسیلے نال۔ ⁶ ۶۔ جیویں اوُں نے ساڈے مُنجی یسوع مسیح دی معرفت ساڈے تے بہوُں زیادہ نازل کیتے۔ ⁷ ۷۔ تاں جو اساں اوُں دے فضل نال راستباز ٹھہ کے ہمیشہ دی زندگی دی اُمید دے مطابق وارث بنوں۔ ⁸ ۸۔ ایہہ گالہہ سچ ہِے اَتے میں چاہندا ہاں کہ تُو انہاں گالہیں دا یقینی طور تے دعویٰ کرے تاکہ جنہاں نے خدا دا یقین کیتا ہِے اوہ چنگے کماں اِچ لگے راہون دا خیال رکھن۔ ایہہ گالہیں چنگیاں تے بندیاں دے کیتے فائدہ مند ہِن۔ ⁹ ۹۔ پر بےوقوفی دی بحث تے نسب نامیاں تے جھگڑیاں تے اُنہاں لڑائیاں دے پاروُں جو شریعت دی بابت ہوون پرہیز کر۔ اِیں کیتے کہ ایہہ لاحاصل تے بےفائدہ ہِن۔ ¹⁰ ۱۰۔ ہِک ڈوُ واری نصیحت کر کے بدعتی بندے توں کنارہ کر۔ ¹¹ ۱۱۔ ایہہ جان کے کہ ایہو جئیا بندہ بگڑ گیا ہِے اَتے اپنے آپ کوُ مُجرم ٹھہرا کے گناہ کریندہ راہندا ہِے۔ ¹² ۱۲۔ جڈاں میں تیڈے کول اَرتِماس یا تخکُس کوُ بھجیساں تاں میڈے کول نِیکُپُلس آون دی کوشش کریں کیونکہ میں اُتھائیں سردیاں پوری کرن دا ارادہ کر گِدے۔ ¹³ ۱۳۔ زیناس شریعت دا عالم تے اُپلوس کوُ کوشش کر کے بھیج ڈے۔ اِیں طرح کہ اُنہاں کوُ کئیں شئے دی حاجت نہ راہوے۔ ¹⁴ ۱۴۔ اَتے ساڈے لوگ وی ضرورتاں کو پورا کرن کیتے چنگے کماں اِچ لگے راہونا سِکھن تاکہ بے پھل نہ راہون۔ ¹⁵ ۱۵۔ میڈے سارے ساتھی تیکوُ سلام آدھے ہِن جو ایمان دی روُ نال ساکوُ عزیز رکھیندِن اُنہاں کوُ سلام آکھ۔ تُساں ساریاں تے فضل تھیندا راہوے۔