¹ ۱۔ پولُس دی طرفوں جیہڑا خدا دا بندہ تے یسوع مسیح دا رسول ہِے۔ خدا دے چُنے ہوئے ایمان تے اوُں ھق دی پچھان دے مطابق جو دینداری دے موافق ہِے۔ ² ۲۔ اوُں ہمیشہ دی زندگی دی اُمید تے جئیں دا وعدہ شروع توں ہی خدا نے کیتا ہا جو کوُڑ نئیں بول سگدا۔ ³ ۳۔ اَتے اوُں نے مناسب ویلے تے اپنے کلام کوُ اوُں پیغام اِچ ظاہر کیتے جو ساڈے مُنجی خدا دے حکم دے مطابق میڈے سپرد تھیا۔ ⁴ ۴۔ ایمان دی شِرکت دی روُح نال سچے پُتر طِطُس دے ناں۔ فضل تے اطمینان خدا باپ تے ساڈے مُنجی مسیح یسوع دی طرفوں تیکوُ مِلدا راہوے۔ ⁵ ۵۔ میں تیکوُ کریتے وِچ اِیں کیتے چھوڑ آیا ہامی کہ تُو باقی ساریاں گالہیں کوُ ٹھیک کرے اَتے میڈے حُکم دے مطابق شاہر بہ شاہر ایہو جئے بزرگاں کوُ مقرر کرے۔ ⁶ ۶۔ جو بےالزام تے ہک ہک ذال دے پئے ہوون اَتے اُنہاں دے بال ایماندار تے بُری راہ تے سرکشی دے الزام توں پاک ہوون۔ ⁷ ۷۔ کیونکہ نگہبان کوُ خدا دا مختار ہوون دی وجہ توں بےالزام ہوونا چاہیدے نہ اوُندے و، اپنی رائے ہووے۔ نہ غصہ کرن آلا ہووے۔ نہ نشے وِچ شور مچاون آلا ہووے۔ نہ مارپیٹ کرن آلا تے نہ ناجائز نفع دا لالچی ہوئے۔ ⁸ ۸۔ بلکہ مسافر پرور۔ خیردوست۔ متقی۔ انصاف دے مزاج آلا۔ پاک تے ضبط کرن والا ہووے۔ ⁹ ۹۔ اَتے ایمان دے کلام تے جو اِیں تعلیم دے موافق ہِے قائم ہووے تاکہ صحیح تعلیم دے نال نصیحت وی کر سگے تے مخالفاں کوُ قائل وی کر سگے۔ ¹⁰ ۱۰۔ کیونکہ بہوُں سارے لوگ سرکش تے بےہودہ گالہیں کرن آلے اَتے دغاباز ہِن خاص کر اُنہاں وِچوں جنہاں دا طہور نئیں تھیا۔ ¹¹ ۱۱۔ اُنہاں دا مُنہ بند کرنا چاہیدا ہِے۔ ایہہ لوگ ناجائز نفع دی خاطر بُریاں گالہیں سکھا کے گھر دے گھر تباہ کر ڈیندے ہِن۔ ¹² ۱۲۔ اُنہاں وِچوں ہی میں ہک بندے نے آکھیا ہا جو خاص اُنہاں دا نبی ہا کہ کریتی ہمیشہ کوُڑے۔ زہریلے جانور۔ احدی کھاؤ ہوندے ہِن۔ ¹³ ۱۳۔ ایہہ گواہی سچ ہِے۔ پس اُنہاں کوُ سخت ملامت کیتا کر تاکہ اُنہاں دا ایمان ٹھیک تھی ونجے۔ ¹⁴ ۱۴۔ اَتے اوہ یہودیاں دیاں کہانیاں تے اُنہاں بندیاں دے حُکماں تے توجہ کرن جیہڑے حق توں گمراہ تھی ویندِن۔ ¹⁵ ۱۵۔ پاک لوگاں کیتے ساریاں شئیاں پاک ہِن پر گناہ گار تے بےایمان لوگاں کیتے کجھ وی پاک نئیں بلکہ اُنہاں دی عقل تے دِل ڈوحیں گناہ آلودہ ہِن۔ ¹⁶ ۱۶۔ اوہ خدا دی پچھان دا دعویٰ تاں کریندِن پر اپنے کماں توں اوُں دا انکار کریندِن کیونکہ اوہ مکروہ تے نافرمان ہِن اَتے کئیں نیک کم دے قابل نئیں۔