1
۱۔ اوُں ویلے چلیے یسوع دے کول آکے آکھن لگے کے آسمان دی بادشاہی وِچ وڈا کون ہِے۔
2
۲۔ اوُں نے ہک بال کوُ اپنے کول سَڈ کے اُنہاں دے وچ کھڑا کیتا۔
3
۳۔تے آکھیا میں تُہاکوُ سچ آدھا ہاں کہ اگر تُساں توبہ نہ کریسو تے بالاں دی کار نہ بنسو تاں آسمان دی بادشاہی وِچ ہرگز داخل نہ تھیسو۔
4
۴۔ ول جیہڑا کوُئی اپنے آپ کوُ اِیں بال دی کار چھوٹا بنیسی اوُہو آسمان دی بادشاہی وِچ وڈا ہوسی۔
5
۵۔ اَتے جیہڑا کوُئی اِیں بال کوُ میڈے ناں تُھوں قبول کریندا ہِے اوہ میکوُں قبول کریندا ہِے۔
6
۶۔ پر جو کوُئی اِنہاں نِکیاں وِچوں جیہڑے میڈے تے ایمان گِھن آئے ہِن کئیں کوُ ٹھوکر کھویندا ہِے اوُں کیتے اے چنگا ہے کہ وڈی چکی دا پاٹ اوندے گلے وچ لٹکایا ونجے تے اوُں کوُ ڈونگے سُمندر اِچ سٹ ڈِتا ونجے۔
7
۷۔ ٹھوکراں دے پاروُں دُنیا تے افسوس ہِے کیونکہ ٹھوکراں دا ہوونا ضرور ہِے پر اوُں بندے تے افسوس جیندے پاروُں ٹھوکر لگے۔
8
۸۔ پس اگر تیڈا ہتھ یا تیڈا پیر تیکوں ٹھوکر کھلاوے تاں اوُں کوُں کپ کے اپنے کولوں اَنج کر کے سٹ چھوڑ۔ ٹُنڈایا لنگڑا تھی کے زندگی دے وِچ داخل تھیوناں تیڈے کیتے اِیں کولوں چنگا ہے کہ ڈوُ ہتھ یا ڈوُ پیر رکھیندے ہویاں تُوں ہمیشہ دی بھا وِچ سٹیا ونجے۔
9
۹۔ اَتے اگر تیڈی آکھ تیکوں ٹھوکر کھلاوے تاں اوُں کوُ کڈھ کے اپنے کولوں سَٹ ڈے کاناں تھی کے زندگی وِچ داخل تھیوناں تیڈے کیتے ایندے کوکوں چنگا ہِے کہ ڈو آکھیاں رکھیندیاں ہویاں توُ جہنم دی بھا وِچ سٹیا ونجے۔
10
۱۰۔ خبردار اِنہاں نِکیاں وِچوں کئیں کوُ ناچیز نہ جاننا کیونکہ میں تُہاکوُ آدھا ہاں کہ آسمان تے اُنہاں دے فرشتے میڈے آسمانی باپ دا مُنہ ہر ویلے ڈیدھے ہِن۔
11
۱۱۔ (کیونکہ ابنِ آدم جیہڑے لوگ گُم تھی گئے ہِن اوُنہاں کوُ گولن تے نجات ڈیون آیا ہے)۔
12
۱۲۔ تُساں کیا سمجھدے ہیوئے؟ اگر کئیں بندے دیاںسو بھیڈاں ہوون تے اُنہاں وِچوں ہِک گُم تھی ونجے تاں کیا اوہ نناوےکوُں چھوڑ کے پہاڑاں تے وَنج کے اوُں گُم تھئی ہوئی کوُ نہ گویسی؟۔
13
۱۳۔ اَتے اگر ایں وے تِھیوے کہ اوُں کوُ گول گھِنے، تاں مَیں تُہاکوُ سچ آدھا ہاں کہ اوہ اُنہاں ننانویاں دے پاروں جیہڑی گُم تھی گئی ہا ایں بھیڈ دی زیادہ خُوشی کریسی۔
14
۱۴۔ ایِں کیتے تُہاڈا آسمانی باپ ایہہ نئیں چاہندا کہ ایناں نِکیاں وِچوں ہک وی ہلاک تھیوئے۔
15
۱۵۔ جے تیڈا بِھرا تیڈا گناہ کرے تاں ونج تے آنجھ تھی کے اوُندے نال گالھ کر تے اوُں کوُں سمجھا۔ اگر اوہ تیڈی سُن گھنے تاں تُو اپنے بھرا کوُ پا گدے۔
16
۱۶۔ اَتے اگر اوہ نہ سُنے تاں ہک ڈوُ بندیاں کوُں اپنے نال گھِن وَنج تاں جو ہر ہِک گالھ ڈوُ تریے گواہاں دی زبان تھوں ثابت تھی ونجے۔
17
۱۷۔ اگر اوہ اُنہاں دی سُنن تھوں وی انکار کرے تاں کلیسیا کوُ آکھ اَتے اگرکلیسیا دی وی سُنن تھوں انکار کرے تاں تُوں اوُں کوُں غیر قوماں آلے تے چونگی گھنن والے دے برابر جان۔
18
۱۸۔ میں تُہاکوُ سچ آدھا ہاں کہ جو کجھ تُساں زمین تے بدھیسو اوہ آسمان تے بدھا ویسی اَتے جو کجھ زمین تے کھولیسو اوہ آسمان تے کھولا ویسی۔
19
۱۹۔ وَل میں تُہاکوُ آدھا ہاں کہ اگر تُہاڈے وِچوں ڈوُ بندے زمین تے کئیں گالھ دے کیتے جیکوں اوہ چاہندے ہوون مِل ونجن تاں اوہ میڈے باپ دی طرفوں جیہڑا آسمان تے ہِے اُنہاں دے کیتے تھی ویسی ۔
20
۲۰۔ کیونکہ جِتھاں ڈوُ یا تریے میڈے ناں تے اکٹھے ہِن میں اُنہاں دے وِچ موجود ہاں۔
21
۲۱۔ اوُں ویلے پطرس نے نیڑے آکے اوُں کُوُں آکھیا اَے خداوند اگر میڈا بھِرا میڈا گناہ کریندا راہوے تاں میں کتنی واری اوُں کوُں معافی ڈیواں؟۔کیا سَت واری؟۔
22
۲۲۔ یسوع نےاوُں کوُ آکھیا میں تیکوُ اِے نئیں آدھا کہ سَت واری بلکہ سَت واری دے ستر وار۔
23
۲۳۔ پس آسمان دی بادشاہی اوُں بادشاہ دی کار ہِے جئیں اپنے نوکراں کولوں حساب گھنناں چاہندا ہا۔
24
۲۴۔ اَتے جیہڑے ویلے حساب گھنن لگا تاں اوُندے سامنے ہِک قرض دار حاضر کیتا گیا جیندے تے اوُندے ڈاہ ہزار توڑے آندے ہَن۔
25
۲۵۔ پر اوُندے کول ڈیون کیتے کجھ وی نہ ہا اِیں کیتے اُوُندے مالک نے حکم ڈِتا کہ ایہہ تے ایندی ذال تے بال بچے تے جو کجھ ایندا ہے سارا کجھ ویچیا ونجے اَتے قرض گھِن گدا ونجے۔
26
۲۶۔ پس نوکر نے ڈھے کے سجدہ کیتا تے آکھیا اَے خداوند میکوُں مہلت ڈے میں تیڈا سارا قرض ادا کر ڈیساں۔
27
۲۷۔ اوُں نوکر دے مالک نے ترس کھا کے اوۃں کوُ چھوڑ ڈِتا تے اوُندا قرض معاف کر ڈِتا۔
28
۲۸۔ جیہڑے ویلے نوکر باہر نکلے تے اوُندے نال خدمت کرن آلیاں وچوں ہک اوُں کوُ ملے جیندے تے اوُندے سو دینار آندے ہَن ۔اوُں نے اوُں کوُ پکڑ کے اوُندی گِچی چا دبائی تے آکھیا جو کجھ میڈا ہِے میکوُ ایں ویلے ہی ڈے۔
29
۲۹۔ اوُندے نال خدمت کرن آلے نے اوُندے اُگوں ڈئیھ کے اوُندی منت کیتی تے آکھیا میکوُں کجھ مُہلت ڈے میں تیکوُں ڈے ڈیسساں۔
30
۳۰۔ پر اوہ نہ منیا ہتھوں ونج کے اوُں کوُ جیل وِچ سَٹ ڈِتا کہ جڈاں تائیں توں قرض ادا نہ کر ڈیسیں قید وِچ راہسیں۔
31
۳۱۔ اوُندے ہم خدمت ایہہ حال ڈیکھ کے بہوُ ڈُکھی تھی گئے آتے اپنے مالک کوُ ونج سارا کجھ جو تھیا ہا ڈسایا ۔
32
۳۲۔ ایہہ سُن کے اوُندے مالک نے اوُں کوُ اپنے کول سڈاہ تے اوُں کوُ آکھیا کے ایہہ شریر نوکر میں سارا قرض تیکوُں ایں کیتے بخش ڈِتا ہا کہ تئیں میڈی منت کیتی ہائی۔
33
۳۳۔ کیا تیڈے کیتے ضروری نہ ہا جو کہ جیویں میں تیڈے تے رَحم کیتا ہا توں وی اپنے ہم خدمنت تے رَحم کرے ہا؟ ۔
34
۳۴۔اَتے اوُندے مالک نے غصے تھی کے اوُں کوُ جلاداں دے حوالے کر ڈِتا کہ جڈاں تائیں سارا قرض چُکا نہ ڈیوے قید وِچ راہوے
35
۳۵۔ میڈا آسمانی باپ وی تُہاڈے نال ایویں ای کریسی اگر تُہاڈے وِچوں ہر کوئی اپنے بھرا کوُ دِل نال معاف نہ کرے۔