1
۱۔ چھی ڈینہ بعد یسوع نے پطرس تے یعقوب تے اوندے بِھرا یوحنا کوُ نال گھِن کے ہِکبہوُں اُچے پہاڑ تے الگ گِھن گیا۔
2
۲۔اَتے اُوندی صورت اُنہاں دے سامنے بدل گئی ہائی تے اوندا مُنہ سِجھ دی کار چمکن لگ پیا تے اوُندے کپڑے نور دی کار چٹے تھی گئے۔
3
۳۔اَتے ڈیکھو اُنہاں کو ایلیاہ تے موسیٰ دے گالہیں کریندیا ہویا ڈِٹھا۔
4
۴۔ پطرس نے یسوع کوُ آکھیا اِے خداوند ساڈا اِتھاں ہوونا چنگا نئیں- توُں چاہویں تاں میں ترائے ڈیرے بناؤں۔ہِک تیڈے کیتے ہِک موسیٰ کیتےتے ہِک ایلیاہ کیتے۔
5
۵۔ اوہ اِے آدھا پیا ہا تے ڈیکھو ہِک نورانی بدل نے اُنہاں دے اُتے چھاں چا کیتی ول اَتے اوُں بدل وِچوں ہِک آواز آئی کہ ایہہ میڈا پیارا پُتر ہِے میں ایندے توں بہوں خوش ہاں ایندی سنو۔
6
۶۔ چیلے ایہہ سُن کے مُنہ دے بھار ڈھے پئےتے بہوُں ڈر گئے۔
7
۷۔ یسوع نےاُنہاں دے کول آیا تے اُنہاں کوُں ہتھ لا کےآکھن لگا اُٹھو تے خوف زدہ نہ تھیوؤ۔
8
۸۔ جیہڑے ویلے اُنہاں نے اپنیاں اکھیاں کوُ چاتیاں تاں یسوع دے سِوا کئیں کوُ نہ ڈِٹھا۔
9
۹۔ جیہڑے ویلے اوہ پہاڑ تھوں لاہندے پئے ہَن تاں یسوع نے اُنہاں کوُں ایہہ حکم ڈِتا کہ جڈاں تائیں ابنِ آدم مُردیاں وچوں جی نہ اُٹھے جو کجھ تُساں ڈِٹھا ہِے کئیں دے نال ایندا ذکر نہ کرائے۔
10
۱۰۔ چلیاں نے اوُں دے کولوُں پُچھیا کہ وَل فقیہ کیوں آدھے ہِن کہ ایلیاہ دا پہلے آونا ذرور ہِے؟۔
11
۱۱۔ یسوع نے جواب ڈِتا تے آکھیا ایلیاہ بے شک آسی تے وَل اوسایاں شئیاں کوُں پورا کریسی۔
12
۱۲۔ پر میں تُہاکوُں آدھا ہاں کہ ایلیاہ تاں آگیا ہِے اَتے تُساں اوُں کوُ نئیں سُجانے بلکہ جو جی وِچ آئے تُساں اوندے نال کیتے۔ایویں اِی ابنِ آدم وی اُنہاں دے ہتھوں مصیبت چاسی۔
13
۱۳۔ تاں چیلے ایہہ سمجھ گئے کے اوُں نے یوحنا بپتسمہ ڈیون آلے دے بارے وِچ آکھے۔
14
۱۴۔ جڈاں اوہ بھیڑ دے کول آیا تاں ہِک بندہ گوڈیاں دے بھار جھک کے اوُں کو آکھن لگا۔
15
۱۵۔ اَے خداوند میڈے پُتر تے رَحم کر کیوں جو اوہ مرگی دے نال بہوں مصیبت وچ ہِے تے ہر ویلے ڈکھ برادشت کریندے۔ اوہ ہر ویلے اگ تے پانی دے وچ ڈھاندا راہندِے۔
16
۱۶۔ اَتے میں تیڈے چلیاں کول گِھن کے گیا ہامی پر اوہ اوُں کوُں چنگا نہ کر سگے۔
17
۱۷۔ یسوع نے جواب اِچ اُنہاں کوُ آکھیا اَے بے اعتقادو تے شریر نسل میں کیہڑے ویلے تائیں تُہاڈے نال راہساں؟ کڈاں تائیں میں تُہاکوں برداشت کریساں۔ ایں کوُ میڈے کول گِھن آؤ۔
18
۱۸۔ یسوع نے اوُں کوُں جھڑکیا اَتے بدروُح اوندے وچوں نکل گئی تے اوہ جوان اوُں ویلے ای چنگا تھی گیا۔
19
۱۹۔ تاں چیلے اوندے کول آئے تے علیحدگی وِچ آکھیا؟ اَساں ایں کوُ کیوں نہ کڈھ سگے؟۔
20
۲۰۔ اوُں نے اُنہاں کوُ آکھیا تُہاڈے گھٹ ایمان دی وجہ تھوں کیونکہ میں تُہاکوُ سچ آدھا ہاں کہ اگر تُہاڈے وِچ رایئ دے دانے جیہا وی ایمان ہوسی تاں اِیں پہاڑ کوُ آکھسو کہ اِتھوں ہَٹ کے اُتھاں لگا ونج تاں کوئی وی گالھ تُہاڈے کیتے ناممکن نہ تھیسی ۔
21
۲۱۔(پر ایہہ قسم دعا تے روزے تھوں بغیر نہ نکل سگے ہا)۔
22
۲۲۔ اَتے جڈاں اوہ گلیل دے وِچ روکے ہوئے سَن یسوع نے اُنہاکوں آکھیا ابنِ آدم بندیاں دے حوالے کیتا ویسی۔
23
۲۳۔ اَتے اُوہ اوُں کوُ قتل کر ڈیسن پر اوہ تریجھے ڈینہ زندہ کیتا ویسی۔ چیلے ایں گالھ تھوں بہوں ارمانی تھے۔
24
۲۴۔ اَتے جیہڑے ویلے کفرنحوم دے وِچ آئے تاں ادھا مثقال چنگی گھنن والے پطرس کول آکے آکھیا کیا تُہاڈا اُستاد ادھا مثقال چنگی نئیں ڈیندا؟
25
۲۵۔ اوُں نے آکھیا ہاں ڈیندا تاں ہِے اَتے جیہڑے ویلے اوہ گھر وِچ آیا تاں یسوع نے اُندے بولن کولوں پہلے اکھے شمعون توں کیا اُکھا تو کیا سمجھدا ہئیں؟زمین دے بادشاہ کیندے کولوں محصول یا جزیہ یا گھِندے ہِن؟ اپنے پُتراں کولوں یا غیراں کولوں۔
26
۲۶۔ جڈاں اوُں نے اکھیا غیراں کولوں تاں یسوع نے اوُں کوُ اکھیا کہ پُتر اوُں کوُں ادا کرن تھوں آزاد ہے۔
27
۲۷۔ وَل ایویں نہ تھیوے کہ اَساں اُنہاں کیتے تھُڈے دا باعث نہ بنوں توں جھیل تے ونج کےکنڈا سَٹو تے جو پہلی مچھی اُتے آوے اوُں کوُں پکڑ گھِنو اَتے جیہڑے ویلے توُں اوُں دا منہ کھو لیسیں تاں تو اوُندے مُنہ وِچ ہِک مثقال پاسیسں۔ اوہ گِھن کے تے میڈے تے اپنے کیتے اُنہاں کوُ ڈے۔