1
۱۔ فریسی تے صدوقی اوُندے کول آئے تے اوُں کوُں آزماون دے کیتے اوُں کوُں آکھن لگے کے ساکوُں آسمان دی طرفُوں کوئی نشان ڈِکھا۔
2
۲۔ اوُں نے اُنہاں کوُں جواب ڈِتا کے جیہڑے ویلے شام تھیندی ہِے تے تُساں آدھے ہیوتے کے موسم چنگا ہوسی کیونکہ آسمان رَتا ہے۔
3
۳۔ وَل فجر کوُ تُساں آدھے ہیوے کہ اندھاری آسی کیونکہ آسمان رَتا تے دھندلا ہے۔تُسان آسمان دی ظاہری حالت دی تمیز کرنا جان دے ہیوے پر ویلے دے نشان دی تمیز نئیں وے کر سگدے۔
4
۴۔ اِیں زمانے دے بُرے تے زناکار لوگ نشان منگدِن پر یوناہ دے نشان تھوں سِوا کوئی بئیا نشان اُنہاں کُوں نہ ڈِتا ویسی وَل اوہ اُنہاں کوُ چھوڑ کے لگا گیا۔
5
۵۔ وَل چیلے پار ویندے ہویاں ٹُکر نال گھینناں بھُل گئے ہن۔
6
۶۔ یسوع نے اُنہاں کوُں آکھیا خبردار فریسیاں تے صُدقیاں دے خمیر تھوں ہوشیار راہوائے۔
7
۷۔ اوہ آپس اِچ اینج آکھن لگے کہ اَساں ٹُکر نئیں گِھن آئے۔
8
۸۔ یسوع نے اِے پتا کر کے آکھیا اے گھٹ ایمان رکھن آلیو تُساں آپس اِچ کیوں آدھے ہیوے کہ ساڈے کول ٹُکر نئیں۔
9
۹۔ کیا تُساں ہُن تک نئیں وے سمجھدے اَتے اُنہاں پنج ہزار بندیاں دیاں پنج روٹیاں یاد نئیں تے نہ اِے کہ کتنی ٹوکریاں چاتیاں ہَن؟۔
10
۱۰۔ اَتے نہ اُنہاں چار ہزار بندیاں دیاں سَت روٹیاں اَتے نہ ایہہ جو کتنے ٹوکرے چاتے ہَن؟۔
11
۱۱۔ کیا وجہ ہِے جو تُساں ایہہ نئیں وے جان دے کہ میں تُہاکوں روٹی دے کیتے نئیں آکھیا؟ فریسیاں تے صدوقیاں دے خمیر تھوں خبردار راہو۔
12
۱۲۔ وَل اُنہاں دی سمجھ وِچ آیا کہ اوُں روٹی دے خمیر تھوں نئیں بلکہ فریسیاں تے صدوقیاں دی تعلیم تھوں خبردار راہون تھوں آکھیا ہا۔
13
۱۳۔ جیہڑے ویلے یسوع قیصریہ فلپی دے علاقے وچ آیا تاں اوُں نے اپنے چیلیاں کولُوں ایہہ پُچھیا کہ لوگ ابنِ آدم کوُ کیا آدھِن؟۔
14
۱۴۔ اُنہاں نے آکھیا کہ بہوں سارے یوحنا بپتسمہ ڈیون آلہ آدھِن تے بعض ایلیاہ تے بعض یرمیاہ یا نبیاں دے وِچوں کوُئی۔
15
۱۵۔ اوُں نے اُنہاں کوُں آکھیا پر تُساں میکوُں کیا آدھے ہیوے۔
16
۱۶۔ شمعون پطرس نے جواب ڈِتا توں زندہ خدا دا پُتر مسیح ہئیں۔
17
۱۷۔ یسوع نے جواب اِچ اوُں کوُ آکھیا بھاگاں آلا ہئیں توں شمعون بر یوناہ کیونکہ اے گالھ گوشت اور خُون نے نئیں ہتھوں میڈے باپ نے جیہڑا آسمان اُتے ہے تیڈے تے ظاہر کیتی ہِے۔
18
۱۸۔ اَتے میں وی تیکوُ آدھا ہاں کہ توں پطرس ہئیں تے میں ایں پتھر تے اپنی کلیسیا بنیساں اَتے عالم ارواح دے بوہے اوُندے تے غالب نہ آسن۔
19
۱۹۔ میں آسمان دی بادشاہی دئیاں کُنجیاں تیکوُ ڈیساں وَل جو کجھ توں زمین تے بدھیسیں اوہو آسمان اتے بدھیسی اَتے جو کجھ تُوں زمین تے کھولیسں اوہو آسمان تے کھُل ویسی۔
20
۲۰۔ اوُں ویلے چیلاں کو حکم ڈِتا کے کئیں کوُ نہ ڈسائے جو میں مسیح ہاں۔
21
۲۱۔ اُوں ویلے کولوُں یسوع اپنے چیلاں تے ظاہر کرن لگا کہ اوُں کوُ ضرور ہے کہ یروشلیم کوُ ونجے تے بزرگاں تے سردار کاہناں تے فقیہیاں دی طرفوں بہوُں ڈکھ چاوے تے قتل کیتا ونجے اَتے تریجھے ڈِیں زندہ تھی ونجے۔
22
۲۲۔ ایں گالھ تے پطرس اوُںکوُ آنجھ گھِن کے گیا تے بُرا بھلا آکھن لگا کہ اے خُداوند خدا نہ کرےکے اِے تیڈے نال تھیوے۔
23
۲۳۔ اوُں پھِر کے پطرس کوُں آکھیا اِے شیطان میڈے کوُلوں پر تے تھی۔ توں میڈے کیتے تُھڈے دا باعث ہئیں کیونکہ توں خُدا دی گالہیں دا نہیں بلکہ بندیاں دی گالہیں دا خیال رکھینداں ہئیں۔
24
۲۴۔ اوُں ویلے یسوع نے اپنے چیلیاں کوُں آکھیا کہ اگر کوُئی میڈے پیچھے آوناں چاوے تاں اپنی خودی کوُ چھوڑ ڈیوے اَتے اپنی صلیب چاوے تے میڈے پیچھوں تھی ونجے۔
25
۲۵۔ کیونکہ جیڑ اپنی جان بچاونا چاوے او اوُں کوُں ونجا ڈیسی تے جیڑا میڈی خاطر اپنی جان کُو ومجیسی اوہ اوُں کوُ پا گھنسی ۔
26
۲۶۔ تے وَل اگر بندہ ساری دُنیا پا گھِنے اَتے اپنی جان دا نقصان چاوے تاں اوُں کوُ کیا فائدہ تھیسی؟۔
27
۲۷۔ کیونکہ ابنِ آدم اپنے باپ دے جلال وِچ اپنے فرشتیاں دے نال آسی۔اوُں ویلے ہر ہِک کُوں اوُں دے کماں دے حساب نال بدلہ ڈِتا ویسی۔
28
۲۸۔ میں تُہاکوُ سچ آدھا ہاں کہ جیہڑے اِتھاں کھڑے ہِن اُنہاں وِِچوں بعض ایہو جئے ہِن جیہڑے ویلے تائیں ابنِ آدم کوُ اوُندی بادشاہی وِچ آندے ہوئے نہ ڈیکھ گھنن سن موت دا مزہ ہر گز نہ چکھسن۔