1
۱۔ اوُں ڈینہ یسوع گھر کولوُں نکل کے تے جھیل دے کنڈے تے ونج بیٹھا۔
2
۲۔ تے اوُندے کول بہوں وڈی بندیاں دی بھیڑ کٹھی تھی گئی تاں اوہ ہک کشتی وچ چڑھ بیٹھا تے اوہ سارے لوگ جھیل دے کنارے کھرے تھی گئے۔
3
۳۔ وَل یسوع نے بہوں ساری گالہیں اوُنہاں کُوں مثالاں اِچ بیان کیتیاں۔ڈیکھو ہک بیج بوؤن والا بیج بوؤن نکلے۔
4
۴۔ اَتے بوؤن دے ویلے کجھ دانے راہ دے کنڈے ڈھٹے تے پکھیاں نے اُنہاں کوُ آکے چُگ گِدے۔
5
۵۔ تے کجھ پتھراں آلی زمین تے ڈٹھے جِتھاں اُنہاں کوُں بہوں مٹی نہ ملی تے بہوُں مٹی نہ ملن دے کاروُں جلدی اُگ آئے۔
6
۶۔ اَتے جڈاں سورج نکلے تاں سڑ گئے تے جڑ نہ ہوؤن دے کاروں سُک گئے۔
7
۷۔ اَتے کجھ جھاڑیاں وچ ڈٹھے تے جھاڑیاں نے اوُں کوُ دبا گِدے۔
8
۸۔ اَتے کجھ چنگی زمین تے ڈٹھے تے پھل گھن آئے کجھ سو گناہ کجھ سَٹھ گناہ تے کجھ ترِیھ گناہ۔
9
۹۔ جیندے کن ہون او سن گھِنے۔
10
۱۰۔ چیلاں نے اوُندے نیڑے آکے اوُں کوُں آکھیا تُساں مثالاں وِچ کیوں گالہیں آدھے ہیوے؟۔
11
۱۱۔ اوُں نے جواب اِچ اُنہاں کوُ آکھیا اِیں کیتے کہ تُہاکوُں آسمان دی بادشاہی دی گالہیں دی سمجھ ڈِتی گئی ہِے پر اُنہاں کوُ نئیں ڈِتی گئی۔
12
۱۲۔ کیونکہ جیندے کول ہِے اوُں کوُں ڈتا ویسی تے اوُندے کول زیادہ تھی ویسی اَتے جیندے کول نئیں ہے اوُندے کولوُں اوہ وی گھن گِدا ویسی جیہڑا اوُندے کول ہے۔
13
۱۳۔ میں اُنہاں ناں مثالاں اِچ اِیں کیتے گالہیں کریندا ہاں کے او ڈیدھے ہوئے نئیں ڈیدھے تے سُندے ہوئے نئیں سُندے اَتے ناں ای سمجھدِن۔
14
۱۴۔ اَتے اُنہاں دے حق وِچ یسعیاہ نبی دی پیشین گوئی پوری تھیندی اِے کہ تُساں کناں نال سُنسو پر ہر گز نہ سمجھ سو اَتے اکھیاں نال ڈیکھ سو پر ہر گز پتا نہ کریسو۔
15
۱۵۔ کیونکہ اِنہاں دے دِلاں تے چربی چھا گئی اے تے اوہ کناں تھوں اُچا سُندِن تے اُنہاں نے اَپنیاں اَکھیاں بند کر گِدِن کہ ایویں نہ تھیوے کہ آکھیاں نال ڈیکھن تے کناں نال سُنن تے دل تھوں سمجھِن تے میڈے کول آؤن تے میں اُنہاں کُوں چنگا کراں۔
16
۱۶۔ پر خوش نصیب ہِن تُہاڈیاں اَکھیاں ایں کیتے کے اوہ ڈیدھیاں ہن اَتے کن اس کیتے کے اوہ سُن دے ہن۔۔
17
۱۷۔ میں تُہاکوں سچ آدھا ہاں کے بہوں سارے نبیاں تے دینداراں کوُں آرزو ہائی کے جو کجھ تُساں ڈیدھے ہیوئے اوہ ڈیکھن پر نہ ڈیکھ سگے تے جوگالہیں توُساں سُندے ہیوئے سُنن پر نہ سُن سگے۔
18
۱۸۔ہُن بیج بوؤن آلے دی مثال سنو۔
19
۱۹۔ جیہڑے ویلے کوئی بادشاہی دا کلام سُن دا ہے تے نئیں سمجھدا تاں جو کجھ اوُندے دِل وِچ بویا ویندا ہِے۔اوُں کوُں شیطان آکے چھِک گھِندے۔ اے اوہ ہِن جیڑھے راہ دے کنارے بویا گیا ہا۔
20
۲۰۔ اَتے جیہڑا پتھر یلی زمین وِچ بویا گیا ہِے اوہ ہِے جیہڑا کلام کُو سُندا ہِے تے خوشی نال قبول کر گھندِے۔
21
۲۱۔ پر اپنے اندر جڑ نہیں رکھیندا بلکہ تھوڑے ڈیواراں دا ہِے اَتے جیہڑے ویلے کلام دے پاروُں ڈُکھ یا ظلم برپا تھیندا ہِےتاں چھیتی نال تھُڈا کھاندا ہِے۔
22
۲۲۔ اَتے جو جھاڑیاں وِچ دبایا گیا ہِے اوہ ہِے جیہڑا کلام کوُ سُندا ہِے تے دُنیا دی فکرتے دولت دا فریب اُوں کلام کوُ دبا ڈیندا ہِے اِتے اوہ پھل نئیں گِھن آندا ۔
23
۲۳۔ اَتے جیہڑا چنگی زمین وِچ بویا گیا ہِے اوہ ہِے جیہڑا کلام کوُ سُندا تے سمجھدا ہِے اَتے پھل وی گِھن آندے۔ کوُئی سوگُناہ تے کوُئی سَٹھ گُناہ تے کوئی تریِھ گُناہ۔
24
۲۴۔ وَل یسوع نے ہک بئی مثال اُنہاں دے سامنے پیش کیتی تے آکھیا آسمان دی بادشاہی اوُں بندے دی کار ہے جئیں نےاَپنی زمین وِچ چنگا بیج بوئے۔
25
۲۵۔پر بندیاں دے سُوتے ہوئے دشمن آیا تے کنک وِچ کوڑے دانےے وی بو گیئے۔
26
۲۶۔ وَل جیہڑے ویلے پتیاں نکلیاں تے پھلپیاں تے اوہ کڑوے دانے وی ڈکھائی ڈِتے ۔
27
۲۷۔ نوکراں نے آکے گھر دے مالک کوُں آکھیا اَے خداوند کیا توُں اپنے کھیت وِچ چنگا بیج نئیں بویا ہا؟ اوُندے وِچ کڑعے دانے کِتھں آ گئے؟۔
28
۲۸۔ یسوع نے اوُنہاں کوُ آکھیا ایہہ کئیں دُشمن دا کم ہِے نوکراں نے اوُں کوُ آکھیا کیا توں چاہندا ہیں کہ اَساں ونج کے اوُنہاں کو اکٹھا کروُں؟۔
29
۲۹۔ اوُں نے آکھیا نئیں اِیویں نہ تھیوے کہ کڑوے دانے جمع کریندے ہویاں تُساں اُنہاں دے نال کنک وی اُکھاڑ ڈیوو۔
30
۳۰۔ کٹائی دے ویلے تک ڈوہاں کوُں اکٹھا ودھن تےڈیوو تے کٹائی کرن آلیاں کُو آکھ ڈیوو کے پہلے کڑوے دانے جمع کر گھِنو تے جلاون دے کیتے اُنہاں دے گٹھے بَدھ گھِنو اَتے کنک کوُ میڈے کیتے جمع کر گھِنو۔
31
۳۱۔ یسوع نے ہک بئی مثال اُنہاں دے سامنے پیش کیتی کے آسمان دی بادشاہی اوُں رائی دے دانے کار ہِے جیکوُں کے آدمی نےگِھن کے اپنے کھیت اِچ پُور ڈِتا۔
32
۳۲۔ اوہ سارے بیجاں وِچوں چھوٹا تاں ہِے پر جیہڑے ویلے ودھدا ہے تاں ساریاں سبزیاں کولوُں وڈا تے ایہو جیہا درخت تھی ویندے کہ ہوا دے پنکھی آکے اوُندے اُتے آکے بسیرا کریندے ہِن۔
33
۳۳۔ وَل اوُں نے ہِک بئی مثال اُنہاں کوُ سُنائی کہ آسمان دی بادشاہی اوُں خمیر دی کار ہِے جیکوُوں کئیں تریہمت نے گھِن کے تریئے پیمانے آٹے وِچ مِلا ڈِتا تاں تھیندے تھیندے سارا خمیر تھی گیا۔
34
۳۴۔ ایہہ ساریاں گالہیں یسوع نے بھیڑ کو مثالاں وِچ آکھیاں اَتے بغیر مثال دے اوہ اوُنہاں کوُ کجھ نہ آدھا ہا۔
35
۳۵۔ تاں جو نبی دے پاروُں آکھا گیا ہا اوہ پورا تھیوے کہ میں مثالاں اِچ اپنا مُنہ کھولیساں۔ میں اُنہاں گالہیں کوُ ظاہر کریساں جو شروع تھوں ہی لُکیاں رہیاں ہَن۔
36
۳۶ ۔ اوُں ویلے اوہ رش کو چھوڑ کے گھر گیا تے اوُندے چیلیاں نے اوُندے کول آکے آکھیا کھیت دے کڑوے دانیاں دی مثال ساکوُں سمجھا ڈے۔
37
۳۷۔ وَل یسوع نے جواب وِچ آکھیا کہ چنگے بیج دا پوُرن آلا ابنِ آدم ہے۔
38
۳۸۔ تے کھیت دُنیا ہے تے چنگا بیج بادشاہی دے پُتر ہِن تے کڑوے دانے اوُں شیطان دے پُتر ہِن۔
39
۳۹۔ جئیں دُشمن نے اُنہاں کوُ بویا اوہ شیطان ہےتے کٹائی دنیا دا آخیر ہِے تے کٹن آلے فرشتے ہِن۔
40
۴۰۔ وَل جیویں کڑوے دانے جمع کیتے ویندِن تے آگ وِچ ساڑے ویندِن اوُں ویں ای دُنیا دے آخیر وِچ ہوسی۔
41
۴۱۔ ابنِ آدم اپنے فرشتیاں کوُں بھجیسی تے اوہ سارے ٹھوکر کھلاون آلی شیئیاں تے بدکاراں کوُ اوُں بادشاہی وچ جمع کریسی۔
42
۴۲۔ اَتے اُنہاں کوُ بھا دی بھٹی وِچ سٹ ڈیسن۔ اُتھاں رووناں تے دنداں دا پیسنا ہوسی۔
43
۴۳۔ اوُں ویلے دیندار اپنے باپ دی بادشاہی وِچ سِجھ دی کار چمک سن۔ جیندے کن ہوون اوہ سُن گھِنے۔
44
۴۴۔ آسمان دی بادشاہی کھیت وِچ لُکے ہوئے خزانے دی کار ہے جیکوُں کئیں بندے نےگھِن کے لُکا ڈِتے اَے خوشی دے مارے جو کجھ اوُں دا ہا ونج کے وِچ ڈِتے تے اوُں کھیت کوُ مُل گھِن گِدے۔
45
۴۵۔ وَل آسمان بادشاہی اوُں سوداگری دی کار ہے جیہڑا چنگے موتیاں دی تلاش وچ ہا۔
46
۴۶۔ جیہڑے ویلے اوُں کوُں ہک بہو قیمتی موتی ملے تاں اوُں نے ونج کے جو کجھ اُوندا ہا ویچ ڈِتے تے دَل اوُں کوُں مُل گھِن گِدے۔
47
۴۷۔ وَل آسمان دی بادشاہی اوُں وڈے جال دی کار ہے جیہڑا دریا وِچ سٹیا گیا تاں اوُں نے ہر طرح دیاں مچھیاں گھیر گِدیاں۔
48
۴۸۔ تے جیہڑے ویلے اوہ بھریج گئے تاں اوُں کوُں کنارے وَل چھِک کے گھن آئے تے بہہ کے چنگی چنگی تاں تھانوں وِچ جمع کر گِدیاں تے جیہڑیاں خراب ہن او سٹ ڈِتیاں ۔
49
۴۹۔ دنیا دے آخیر وِچ ایویں تھیسی۔ فرشتے نکل سن تے شریراں کوُ دینداراں کولوں اَنج کریسن اَتے اُنہاں کوُ بھا دی بھٹی وِچ سٹ ڈیسن۔
50
۵۰۔ اُتھاں رووناں تے ڈنداں دا پیسنا ہوسی۔
51
۵۱۔ کیا تُساں ایہہ ساری گالہیں جان گئے ہیوے؟ اُنہاں نے اوُں کوُ آکھیا ہاں۔
52
۵۲۔ اوُں نے اُنہاں کُوں آکھیا اِیں پاروُں ہر فقیہ جیہڑا آسمان دی بادشاہی دا چیلا بنا ہِے اُوں گھر دے مالک کارہے جیہڑا اپنے خزا نے وچوں نویاں تے پرانیاں شیئیاں کڈھیندا ہِے۔
53
۵۳۔ یسوع جیہڑے ویلے اے مثالاں ڈے چُکے تاں ایویں تھیا کے اُُتھوں لگا گیا۔
54
۵۴۔ اَتے اپنے وطن وِچ آکے اُنہاں دے عبادت خانہ وِچ اُنہاں کوُ ایہو جئی تعلیم ڈیون لگے کہ اوہ حیران تھی کہ آکھن لگے کے ایندے وِچ ایہہ حکمت تے معجزئے کِتھوں آگئین۔
55
۵۵۔ کیا اِے ترکھان دا پُتر نئیں؟ تے ایندی ماں دا ناں مریم تے ایندے بھِرا یعقوب تے یوسف تے شمعون تے پہُوداہ نئیں؟۔
56
۵۶۔ اَتےکیا ایندیاں ساریاں بھینیں ساڈے کول نئیں ؟وَل ایہہ سارا کجھ ایندے وِچ کِتھوں آئے؟۔
57
۵۷۔ اَتے اُنہاں نے اوُندے پاروُں تُھڈا کھادے۔ پر یسوع نے اُنہاں کوُں آکھیا کہ نبی اپنے وطن اِچ تے اپنے گھر دے سیوا کِتھائیں وی بےعزت نئیں تھیندا۔
58
۵۸۔ اَتے اوُں نے اُنہاں نے دی بے اعتقادی دے پاروُں اُتھاں بہوں سارے معجزے نہ ڈِکھائے۔