1
۱۔ اوُں ویلے یسوع سبت آلے ڈینہ فصلاں دے وچوں ویندا پیا ہا اَتے اوُں دے چیلیاں کوُ بھُک لگی اوہ کنک دے سٹے توڑ کے کھاون لگے۔
2
۲۔ فریسیاں نے اِے ڈیکھ کے یسوع کوُں آکھیا ڈیکھ تیڈے چیلے اوہ کم کریندِن جیہڑا سبت آلے ڈینہ کرنا جائز نئیں۔
3
۳۔ یسوع نے اُنہاں کوُ آکھیا کیا تُساں اِے نئیں پڑھیا کہ جیہڑے ویلے داؤد تے اوُں دےسنگتی بھکے ہَن تاں اُنہاں نے کیا کیتے؟۔
4
۴۔ کیویں اوہ خدا دے گھر دے وچ گیا تے نذر دے ٹکر کھادے جو اوُں دے کیتے جائز نہ ہَن تے نہ اوُں دے چیلیاں کیتے پر صرف کاہناں کیتے ای جائز ہائی؟۔
5
۵۔ کیا تُساں توریت اِچ پڑھیا کہ نئیں پڑھیا کہ کاہن سبت آلے ڈینہ ہیکل اِچ سبت دی بےحرمتی کر دے ہِن تے اوہ بے قصور راہندِن؟ ۔
6
۶۔ میں تہاکوں آدھا ہاں کہ اِتھاں اوہ ہِے پیا جیہڑا ہیکل تھوں وی بہوں وڈا ہِے۔
7
۷۔ پر اگر تساں اِیں دے معنی جان دے کہ میں قربانی نئیں بلکہ رَحم پسند کریندا ہاں تاں بے قصوراں کوُ قصوروار نہ ٹہراوؤ ہا۔
8
۸۔ کیوں جو اِبنِ آدم سبت دا مالک ہِے۔
9
۹۔ یسوع اُتھوں ٹُر کے اُنہاں دے عبادت خانے وچ گیا۔
10
۱۰۔ اَتے ڈیکھو اُتھاں ہِک بندہ ہا جندا ہتھ سُکا ہویا ہا۔ اُنہاں نے اوُں دے تے الزام لاون دے ارادے نال اِے پُچھیا کہ کیا سبت آلے ڈیں شفا ڈیونا جائز ہِے؟
11
۱۱۔ یسوع نے وَل اُنہاں کو آکھیا! تہاڈے وِچوں ایہو جیا کون ہِے جنیدے کول ہِک بھیڈ ہوے تاں اوہ سبت دے ڈینہ ٹوئے وچ ڈھیہ پووے تاں اوہ اوُں کوُں پکڑ کہ نہ کڈھے؟۔
12
۱۲۔ بندے دی عزت تاں اوُں بھیڈ کولوں بہوں زیادہ ہِے ۔ ایں پاروں سبت آلے ڈینہ چنگا کم کرنا جائز ہِے۔
13
۱۳۔ تاں یسوع نے اوُں بندے کوُ آکھیا اپنا ہتھ وَدھا۔اوُں ہتھ وَدھایا تے اوہ ڈوجھے ہتھ وانگوں چنگا تھی گیا۔
14
۱۴۔ اَتے فریسی باہر گئے تے اُوں دے خلاف منصوبہ بنائے کہ اوُں کوُں کیویں ہلاک کرؤں۔
15
۱۵۔ جڈاں یسوع کوُ اِیں گالہیں دا پتہ لگے تاں اوہ اُتھوں لگا گیا اَتے بہوں سارے لوگ اوُں دے پچھو ں ٹُر پئے اوُں نے ساریاں کوُں چنگا کر ڈِتے۔
16
۱۶۔ اُنہاں کو آکھیا کہ میکوں ظاہر نہ کرائے۔
17
۱۷۔ تاں جو یسعیاہ نبی دی راہئیں جو آکھیا گیا ہِے اوہ پورا تھی وے کہ ۔
18
۱۸۔ ڈیکھو اے میڈا نوکر ہِے جئیں کوُں میں چُن گِدے۔ میڈا پیارا جیندے تھوں میڈا دل خوش ہِے۔ تے میں اپنی روح اُوں اُتے سٹیساں اَتے وَل اوہ غیر قوماں کوُ انصاف دی خبر ڈیسی ۔
19
۱۹۔ ایہہ نہ جھگڑا کریسی تے نہ ای شور اَتے نہ ای بازاراں وِچ کوُئی اِیندی آواز سُن سی۔
20
۲۰۔ اوہ گھٹے ہوئے سرکنڈےکو نہ توڑیسی وَل اوہ دھواں ڈیندے ہوئے سن کونہ بجھا سی جڈاں تائیں اوہ انصاف دی فتح نہ کرا ڈیسی۔
21
۲۱۔ اَتے غیر قوماں اِیں دے ناں تھوں بھروسہ رکھ سن۔
22
۲۲۔ ول ہِک انہے تے گونگے کوُ جیندے وچ بدروح ہا۔ یسوع دے کول گھن آئے اوُں نے اوُں کوں چنگا کرڈِتا۔تے جیندے پاروں گونگا بولن تے ڈیکھن لگ پیا۔
23
۲۳۔ اِتے ساری بھیڑ حیران تھی تے ول آکھیا اے بندہ داؤد دا پتر ہو سگدے؟۔
24
۲۴۔ فریسیاں نے اِیں معجزے دے پارے وچ سن کے آکھیا اِے بندہ جناں دے شہزا دے بعلز بول دے سوا جناں کوں نیں کڈھ سگدا۔
25
۲۵۔ یسوع نے اُنہاں دے خیال جان کے اُنھاں کو آکھیا کہ جئیں بادشاہی وچ پھُٹ پوندی ھے اوہ تباہ تھی ویندی ہِے اَتے اوُں وے ای جئیں شہر یا گھر جندے وِچ پُھٹ پوسی او قائم نہ راہسی۔
26
۲۶۔ اَتے اگر شیطان ای شیطان کو کڈھ ڈیوے تاں اوہ آپ ای اپنا مخالف تھی ویسی۔ وَل اوُندی بادشاہی کیویں قائم راہسی ؟۔
27
۲۷۔ اَتے جے کر میں بعلز بول دی مدد دے نال جناں کو کڈھیندا ہاں تاں توہاڈے پُتر کئیں دی مدد نال کڈھیندِن؟ ایندے پاروں اوہو توہاڈے منصف ہوسن۔
28
۲۸۔ جے گر میں خدا دی روح نال جن کڈھندا ہاں تاں وَت خدا دی بادشاہی تُہاڈے کول آگئی ہِے۔
29
۲۹۔ یا کیویں کوئی ڈھاڈا زور آلا بندہ کئیں دے گھر وڑھ کے اوں دا مال لُٹ سگدے جڈاں تائیں کہ پہلے اوُں زور آور کوُ بدھ نہ گھِنے؟ وِل اوہ اوُں دا گھر لُٹ گھِنسی۔
30
۳۰۔ جیہڑا میڈے نال نئیں اوہ میڈا دشمن ہِے۔تے جیہڑا میڈے نال جمع نہیں کریندا اوہ بکھریندا ہِے۔
31
۳۱۔ ایں کیتے میں تُہاکوں آدھا ہاں کہ بندیاں دا ہر گناہ تے کفر معاف کیتا ویسی پر جو کُفر روح دے حق وِچ ہوسی اوہ معاف نہ کیتا ویسی۔
32
۳۲۔ اَتے جیہڑا کوئی ابنِ آدم دے خلاف بولیسی اوُں کوُں معاف کر ڈِتا ویسی۔ پر جو کوئی پاک روح دے خلاف کجھ بولیسی اوہ تاں کڈائیں وی معاف نہ کیتا ویسی ۔نہ اِیں دنیا وچ نہ جیہڑی آون آلے جہان وِچ۔
33
۳۳۔ یا تاں جھاڑ کوُں چنگا آکھواَتے اوُندے پھل کوُ وی چنگا آکھو، یا وَل جھاڑ کوُ وی بُرا آکھو تے اوُندے پھل کو وی بُرا آکھو کیونکہ جھاڑ اپنے پھل تھوں سنجھانا ویندے۔
34
۳۴۔ اے نانگ دے بالو تُساں بُرے تھی کے چنگیاں گالہیں آکھ سگدےھو؟ کیونکہ جیہڑا دل اِچ ہووے اوھو منہ تے آندے۔
35
۳۵۔ چنگا بندہ چنگے خزانے وچوں چنگیاں شئیاں کڈھیندے اَتے بُرا بندہ بُرے خزانے وِچوں بُریاں شئیاں کڈھیندے۔
36
۳۶۔ اَتے میں تُہاکوں آدھا ہاں عدالت آلے ڈنیہ ہر کہیں کوں اپنی ہر بُری گل دا حساب ڈیونا پوسی۔
37
۳۷۔ کیونکہ تُوں اپنی گالہیں دے پاروں دین دار ٹھہرایا ویسیں اَتے اپنیاں گالہیں دے پاروُں قصور وار ٹھہرایا ویسیں۔
38
۳۸۔ تے وَل کجھ فقیہاں تے فریسیاں نے یسوع کوں جواب ڈِتا تے آکھیا۔اَے اُستاد اساں تُہاڈے کولوں ہِک نشان ڈیکھنا چاہندے ہاں۔
39
۳۹۔ یسوع نے اُنہاں کوُ جواب ڈِتا تے آکھیا اِیں زمانے دے بُرے تے زِنا کارقوم نشان منگدِن پر یوناہ نبی دے نشان دے سوا بیئا کوئی نشان نہ ڈِتا ویسی۔
40
۴۰۔ کیونکہ جیویں یوناہ ترائے دیہاڑے تے ترائے راتیں مچھی دے ڈِھڈ وچ ریہا اوُں وے ای ابنِ آدم ترائے دیہاڑے تے ترائے راتیں زمین کے اندر راہسی۔
41
۴۱۔ عدالت کے ڈینہ نینوہ دے لوگ اِیں زمانے دے لوگاں دے نال کھڑے تھی کے اِنہاں کوُ مُجرم ٹھہراسن کیوں جو اُنہاں نے یوناہ دی مُنادی تے توبہ کیتی پر ڈیکھو اِتھاں اوہ ہِے جیہڑا یوناہ تھوں وی وڈا ہِے ۔
42
۴۲۔ دکھن دی ملکہ عدالت آلے ڈینہ اِیں زمانے دے لوگاں دے نال جیوائی ویسی تے اُنہاں کوُں مُجرم ٹھہرآسی۔ کیوں جو اوہ زمین دی اخیر تھوں سلیمان دی حکمت کوُ سُنن آئی اَتے ڈیکھو جیہڑا اِتھاں ہِے جیہڑا سلیمان تھوں وہی وڈا ہِے۔
43
۴۳۔ جڈاں ہِک پلید روُح بندے وِچوں نکلدی ہِے تاں خشک جاہ تے آرام گوُلیندی پھردی ہِے اَتے اوُں کوُ نئیں مِلدی۔
44
۴۴۔ تے وَل اِے آدھی ہِے کہ میں پِچھاں اپنے گھراِچ وَل ویساں جتھوں میں آئی ہامی ۔اوہ واپس آئی تے اوہ اپنے گھر کوُں صاف ستھرا پاندی ہِے۔
45
۴۵۔ وَل اوہ اپنے گھر ویندی اے تے اپنے نال ست بُریاں روحاں کوُں گھِن ویندی ہِے۔جیہڑیاں اِیں تھوں وی بہوں بُریاں ہونیدِن تے وَل اوہ ساریاں اُتھاں آن کے راہندِن اَتے اوُں بندے دی اخیری حالت پہلے کولوں وہی زیادہ بُری تھی ویندی ہِے۔ اِیں زمانے دے بُرے لوگاں دا حال ضرور ایویں ای ہوسی۔
46
۴۶۔ جڈاں یسوع بھیڑ نال گالہیں کریندا پیا ہا اوُندی ماں تے بِھرا باہر کھڑے ہَن اَتے اوندے نال گالھ کرنا چاہندے ہَن۔
47
۴۷۔ کئیں نے اوُں کوُں آکھیا تیڈی ماں تے تیڈے بھرا باہر کھڑے ہِن کہ تیڈے نال گالھ کرنا چاہندِن۔
48
۴۸۔ وَل یسوع نے اُنہاں کوُ آکھیا کون ہِے میڈی ماں تے کون ہِن میڈے بھرا؟۔
49
۴۹۔ تے وَل اوُں نے اپنے چلیاں دی طرف اشارہ کیتا تے اپنیاں ہتھ ودھا کے آکھیا ڈیکھو اِے ہِے میڈی ماں تے اِے ہِن میڈے بھرا۔
50
۵۰۔ کیوں جو کوئی وی میڈے باپ دی مرضی تے چلدے، اوہ ای میڈا بھرا تے میڈی بھین تے ماں ہِے۔