1
۱۔ یہوداہ دی طرفوں جیہڑا یسوع مسیح دا بندہ تے یعقوب دا بھرا ہِے ۔ اونہاں سڈیاں ہوئیاں دے ناں جیہڑے خُدا باپ اِچ پیارے اَتے یسُوعؔ مسیح اِچ محفوظ ہِن ۔
2
۲۔ رَحم تے تسلی تے محبت تہاکوُ ڈھیر ساری مِلدی راہوے۔
3
۳۔ اے پیارو! جیہڑے ویلے میں تہاکوُ اوُں نجات دے بارے اِچ لکھن دی بہوں کوشش کریندا پیا حامی جیندھے وچ اساں سارے شریک ہاسے تاں میں تہاکوُ اِے نصیحت لکھنا ضروری سمجھے اوُں ایمان دے کیتے جان توڑ کوشش کرو جیہڑا پاک لوگاں کوُ ہک ای وار ڈِتا گیا ہائی ۔
4
۴۔ کیونکہ کُجھ ایہو جئے بندے ساڈے وچ چُپ چپیتے آ ملِن ایہہ اوہ ہین جِنہاں دی سزا بارے پہلاں ای پُرانے زمانے اِچ لکھ ڈتا گیِا ہائی۔ ایہہ بے دین ہِن اَتے ساڈے خُدا دے فضل کُو شہوت پرستی اِچ بدل ڈیندے ہِن ۔ اَتے ساڈے ہِکو اکلوتے مالک تے خُداوند یسُوعؔ مسیح دہ انکار کریندے ہِن۔
5
۵۔ پس تُساں ہن ایہہ ساری گالہیں جان گئے ہیوے تاں وی ایہہ گال یاد ڈلاونا چاہندا ہاں کہ خداوند نے ہک اُمت کوُ مصر وچوں چھڑاون دے بعد اُنہاں کوُ مار سٹے جیہڑے ایمان نہ گھن آئے۔
6
۶۔ وَل جنہاں فرشتیاں نے آپنے اختیار کُوں قائم ناں رکھیا بلکہ اپنی خاص جاہ کُو چھوڑ ڈِتے۔ خدا نے اوہناں کُوں عدالت دے وڈے ڈیں کیتے جکڑ کے اندھارے اِچ سَٹ ڈیتے۔
7
۷۔ ایویں ای مُلک سدوُمؔ تے عمُورہؔ اَتے اُنہاں دےآسے پاسے دے شہراں جیہڑے اُنہاں دی طرح حرامکاری وچ پَے گئے اِتے ڈوجھے دےجسم دے پچھوں لگ کے ہمیشہ دی اَگ دی سزا اِچ گرفتار تھی کے ہک مثال بن گئے۔
8
۸۔ وَل ایویں ای ایہہ خواب ڈیکھن والے اپنے جِسم کو پلید کریندے ہِن جو اختیار والیاں کوُں وی رد کردے ہِن وَل اوہ ہَر قِسم دی بُری گال عزت دار لوگاں دے بارے اِچ کریندے راہندے ہِن۔
9
۹۔ وَل ہک خاص فرشتہ میکائیلؔ نے شیطان تھوں مُوسیٰؔ دی لاش دی بابت بحث کریندیاں ہویاں اوُں کوُں بُرا بھلا نہ آکھیا۔بلکہ آکھیا کہ خُداوند تیکُوں ملامت کرے۔
10
۱۰۔ پر ایہہ لوگ اوہناں تے لعن طعن کریندے ہِن جنہاں گلاں کُوں ایہہ نئیں جان دے پر جنہاں کوُں بےعقل جانوراں دے وانگُوں طبعی طور تے سمجھدے ہِن اُنہاں وچوں اپنے آپ کوُ خراب کردے ہِن۔
11
۱۱۔ ڈکھ اینہاں تے کہ ایہہ کائِن دی راہ تے ٹُرے اَتے مزدوری دے کیتے بڑی لالچ نال بلعام جیہی گمراہی اختیار چا کیتی اِتے قورح دی طرح برخلاف تھی کے برباد تھی گئے۔
12
۱۲۔ ایہہ تہاڈی محبت دی دعوتاں اِچ تُہاڈے نال کھاندے پیندے ویلے ایویں ہِن جیویں دریا دیاں لُکیاں ہویاں چٹاناں ہِن۔ ایہہ بے ڈر تھی کے اپنا ڈھِڈ بھرن آلے آجڑی ہِن۔ ایہہ اوہ بدل ہِن جنہاں اِچ پانی کئے نئیں اینہاں کوں ہوا اُڑا کے گھن ویندی ہِے۔ ایہہ اوہ درخت ہِن جنہاں دے پَت جھڑ گئے ہوؤن ایہہ ڈوہاں طرح موئے ہوئے تے جڑ تھوں اُکھڑے ہوئے ہِن۔
13
۱۳۔ ایہہ سمُندر دیاں اُوہ اکھڑ لہراں ہِن جو اپنی بے شرمی دی جاگ اُچھالدیاں ہِن۔ ایہہ اوہ بھون آلے تارے ہِن جنہاں کیتے بہوں جھِکا اندھارا رکھا گیا ہِے۔
14
۱۴۔ انہاں دے بارے حنُوکؔ نے وی جیہڑا آدمؔ تھوں ستویں لڑی اِچ ہا ایہہ نبوت کیتی کہ ڈیکھو ۔ خُداوند اپنے لکھاں پاک بندیاں دے نال آیا۔
15
۱۵۔ تاں سارے بندیاں دا انصاف کرے اَتے سارے بے دین بندیاں کوُں اوہناں دی بےدینی دے سارے کماں دے پاروں جیہڑے اُنہاں نے بےدینی دے نال کیتے ہَن تے اُنہاں ساریاں ڈاڈھیاں گالہیں دےپاروں جیہڑیاں بے دین گناہگاراں نے اُنہاں دی مخالفت اِچ آکھیاں ہَن مُجرم ٹھہرائے۔
16
۱۶۔ ایہہ بُڑ بڑ تے شکایت کرن والے ہِن۔ اَتےاپنی بُری خواہشات دے نال ٹُر دے ہِن اَتے اپنے مُنہہ تھوں وڈے بول بولیندےے ہِن جیہڑے اپنے فائدے کیتے ڈوجہے بندیاں دا لحاظ کریندے ہن۔
17
۱۷۔ وَل تُساں پیاریو! اُنہاں لفظاں کوُ یاد رکھو جو ساڈے خُداوند یسُوع مسیح دے رسول پہلے آکھ چُکے ہِن۔
18
۱۸۔ اوہ تہاکُوں آدھے ہن کہ اخیر زمانے اِچ ہنسی مذاق کرن والے آسن جیہڑے اپنی بے دینی ڈی خواہشاں دے مطابق چلسن۔
19
۱۹۔ ایہہ اوہ بندے ہِن جیہڑے بندیاں اِچ تفرقے پا ڈہندے ہِن اَتے نفسانی ہِن تے روح نئیں رکھیندے۔
20
۲۰۔ پر تُساں اے پیاریو! اپنے ودھیرے پاک ایمان اِچ ترقی کرکےتے روُح القدس اِچ دُعا کرکے۔
21
۲۱۔ اپنے آپ کوُ خدا دی محبت اِچ قائم رکھو اَتے ہمیشہ دی حیاتی کیتے ساڈے خُداوند یسُوع مسیح دی رحمت دی اُڈیک رکھو۔
22
۲۲۔ بہوں سارے بندےجیہڑے شَک کریندے ہِن اوہناں تے رحم کرو۔
23
۲۳۔بعض کوُں پھڑ کے آگ اِچوں کڈھو بعض تے خوف کھاکے رَحم کرو ہتھوں اوُں کپڑیاں تھوں وی نفرت کرو جیہڑے جسم دے سببوں داغی تھی گئے ہِن۔
24
۲۴۔ ہُن تُہاکوُں جیہڑا ٹھوکر کھاون تھوں بچا سگدا ہِے تے اپنی جلالی حضوری اِچ کمال خُوشی دے نال بےعیب کرکے کھڑا کر سکدا ہے۔
25
۲۵۔ اوُں واحد خُدا دا جیہڑا ساڈا منجی ہِے جلال تے عظمت وَل سلطنت وَل اختیار ساڈے خداوند یسوع مسیح دے وسیلے نال جیہوں جیہا ازل تھوں ہِے ہُن وی ہووے وَل ابد تک مُوجُود راہوے۔آمین۔