1
۱۔ اِیں کیتے اگرپّا نے پولُس کوُ آکھے،" تُہاکوں اپنے کیتے بولن دی اجازت ہِے"۔ وَل پولُس نے اپنے ہتھ ودھا کے تے اپنا دفاع کیتا۔
2
۲۔ میں اَج بادشاہ اگرپّا دے سامنے یہودیاں دی طرفوں لگائے گئے سارے الزامات دے خلاف اپنے مقدمے کوُ پیش کر کے بہوں خوش ہاں۔
3
۳۔ خاص کر ایِں کیتے کہ کیونکہ تُساں یہودی رسم ورواج اَتے سوالات اِچ ماہر ہو، اِیں کیتے میں تُہاکوُ آدھا ہاں کہ میڈی گالھ تسلّی نال سُنو۔
4
۴۔ حقیقت اِچ سارے یہودی جان دے ہِن کہ میں اپنی جوانی تھوں اپنی قوم تے یروشلیم اِچ کیویں راہندا ہامی۔
5
۵۔ اوہ میکوُ شروع ہی تھوں ای جان دے ہَن۔ اَتے اُنہاں کوُ ایہہ گالھ مَن گھننی چاہیدی ہِے کہ میں ہِک فریسی دی طرح زندگی گذریندا ہامی جیہڑا ساڈے مذہب دا بہوں سخت فرقہ ہا۔
6
۶۔ ہُن میں اِتھاں انصاف کیتے کھڑا ہاِں اَتے ہُن میں اوُں وعدے دی تلاش اِچ ہاں جیہڑا خدا نے ساڈے پیئو ڈاڈا نال کیتا ہا۔
7
۷۔ اِیں وجہ تھوں ساڈے بارہ قبائل نے سچّے دِل نال ڈیں رات خدا دی خدمت کیتی ہِے اَتے ساکوُ اوُں تک پہنچن دی اُمید ہِے، اِے بادشاہ اِیں اُمید تھوں یہودیاں نے میدے تے الزام لگائے۔
8
۸۔تُساں ایہو جیا کیوں سوچیندے وے کہ خدا مُردیاں کوُ زندی کریندا ہِے اَتے ایہہ تُہاڈے کیتے بہوں عجیب گالھ ہِے۔
9
۹۔ کڈائیں میں اِے سوچیندا ہامی کہ میں ناصرت دے نبی یسوع دے خلاف بہوں ساریاں گالہیں کراں۔
10
۱۰۔ میں ایہہ یروشلیم اِچ کیتیاں ہَن۔ میں بہوں سارے ایمانداراں کوُں جیلاں اِچ بند کرائے۔ اَتے میکوُ اے اختیار سردار کاہناں دی طرفوں ڈِتا گیا ہا اَتے جیہڑے ویلے اُنہاں کوُں قتل کیتا گیا ہا میں وی اُنہاں دے خلاف رائے ڈِتی ہائی۔
11
۱۱۔ میں اکثر اُنہاں کوُ عبادت کانیاں وِچ سزا ڈِتی اَتے میں ایہہ کوشش کیتی جو اوہ کُفر کرن۔ میکوُ اُنہاں تے بہوں غصہ ہا، اَتے میں باہر دے شاہراں تک اُنہاں دا پیچھا کیتے۔
12
۱۲۔ جیہڑے ویلے میں ایہہ کریندا پیا ہامی تاں وَل میں سردار کاہناں دے احکامات تے اختیار دے نال دمشق کوُ گیا۔
13
۱۳۔ اَتے رستے وِچ اُتھاں ڈوپاہر کوُ، اے بادشاہ اساں اُتھاں وڈی روشنی ڈِٹھی اوہ سِجھ کولوں ڈھیر چمکدار ہائی اَتے میڈے تے اُنہاں بندیاں دے پاسے چمکدی ہائی جیہڑے میڈے نال سفر کریندے پئے ہَن۔
14
۱۴۔ جیہڑے ویلے اساں زمین تے ڈھیہ پئے تاں میکوُ ہِک آواز سُنائی ڈِتی جیہڑی کہ عبرانی زبان وِچ ہا، کہ ساؤل ساؤل توں میکوُ کیوں ستاندا ہئیں؟ پینے دی آڑ تے جنگ مارنا تیڈے کیتے مشکل ہِے۔
15
۱۵۔ پر میں اوُں کوُ آکھیا اے مالک توں کون ہئیں؟ خداوند نے جواب ڈِتا میں یسوع ہاں جیکوں توں ستاندا ہئیں۔
16
۱۶۔ اُٹھ تے اپنے پیراں تے کھڑ تھی کیوں جو میں اِیں مقصد کیتے تیڈے سامنے ظاہر تھیا ہاں تاں جو تیکوُ اُنہاں شئیاں دا وی خادم تے گواہ مقرر کراں جئیں دی گواہی کیتے میں تیڈے تے ظاہر تھیندا راہساں۔
17
۱۷۔ اَتے میں تیکوُ اُنہاں لوگاں تھوں تے غیر اقوام تھوں بچاساں جیندے کول میں تیکوُ بھجیندا پیا ہاں۔
18
۱۸۔ اُنہاں دیاں اکھیاں کھولن کیتے تے اُنہاں کوُں اندھارے توں سوجھلے دے پاسے لاون کیتے شیطان دی طاقت تھوں خدا دی طرفوں گناہ دی معافی حاصل کر سگن اَتے اوہ وراثت جیہڑی میں اُنہاں کوُں ڈیندا ہاں جئیں کوُایمان دے باجھوں علیحدہ کر گدا ہِے۔
19
۱۹۔ اِیں کیتے بادشاہ اگرپّا میں آسمانی رویا دی نافرمانی نئیں کیتی۔
20
۲۰۔ پر اوہ جو پہلے دمشق اِچ ہَن وَل یروشلیم تے یہودیہ دے سارے مُلک اِچ تے غیر اقوام اِچ وی میں ای تعلیم ڈِتی کہ توبہ کرن تے خدا دے کول آؤن، توبہ دے موافق کم کرن۔
21
۲۱۔اِیں وجہ تھوں یہودیاں نے ہیکل اِچ میکوُ گرفتار کیتے اَتے میکوُ قتل کرن دی کوشش کیتی۔
22
۲۲۔ خدا نے ہُن تائیں میڈی مدد کیتی ہِے ہُن میں کھڑا ہاں اَتے عام تے خاص لوگاں دے سامنے گواہی ڈیندا ہاں تے اِیں تھوں زیادہ کجھ نئیں آدھا جو کجھ انبیاء تے موسیٰ نے آکھے واقع تھیسی۔
23
۲۳۔ کہ مسیح ڈُکھ چاسی اَتے اوہ پہلا ہِے جیہڑا مُردیاں وِچوں زندہ تھیئے تے یہودی لوگاں تے غیر اقوام تے اپنا نوُر چمکائے۔
24
۲۴۔ جڈاں پولُس نے اپنا دفاع مکمل طور تے کر گِدے تاںفیتس نے زور دار آواز نال آکھے۔ "پولُس توں پاگل ہئیں" تیڈے بہوں زیادہ علم نے تیکوُ پاگل بنا ڈِتا ہِے۔
25
۲۵۔ لیکن پولُس نے آکھے " میں پاگل نئیں ہاں جناب فیتُس" لیکن وڈے حوصلے دے نال میں سچ تے سنجیدگی دے نال آدھا پیا ہاں۔
26
۲۶۔ چونکہ بادشاہ اِنہاں گالہیں دے بارے جان دا ہِے، اِیں طرح میں آزادی دے نال اُنہاں دے نال گالھ کریندا ہاں۔ میکوُ یقین ہِے کہ اوُندے کولوں کجھ وی لُکایا ہویا نئیں کیونکہ ایہہ سارا کجھ ہِک کونے وِچ نئیں تھیا۔
27
۲۷۔ اِے بادشاہ اگرپّا، کیا تیکوُ انبیاء تے یقین ہِے؟ میکوُ پتا ہِے کہ تیڈا یقین ہِے۔
28
۲۸۔ اگرپّا نے پولُس کوُں آکھیا توں تھوڑی جئیں نصیحت کر کے میکوُ مسیحی بنا گھننا چاہندا ہئیں؟
29
۲۹۔ پولُس نے آکھیا،" میں خدا تھوں دعا کریندا ہاں کہ تھوڑی نصیحت تھوں یا زیادہ تھوں نہ صرف توں بلکہ اوہ سارے لوگ وی جیہڑے میڈی ایہہ گالہیں سُندے پئے ہِن، اِنہاں زنجیراں تھوں علاوہ میڈی طرح تھی ویسن۔
30
۳۰۔ وَل بادشاہ، گورنر تے برنیکس تے اوہ جیہڑے اُنہاں بیٹھے ہَن، کھڑے تھی گئے۔
31
۳۱۔ جڈاں اوہ ہال تھوں روانہ تھئے، اُنہاں نے ہک ڈوجھے نال گالہیں کیتیاں اَتے آکھیا،" اِیں نے ایہو جیا کوُئی کم نئیں کیتا جیہڑا قتل یا قید دے لائق ہووے۔
32
۳۲۔اگرپّا نے فیتُس کوُں آکھے،" اگر اِیں بندے نے قیصر دے سامنے اپیل نہ کیتی ہووے ہا تاں ایہہ بندہ ازاد نہ تھی سگے ہا"۔