¹ ۱۔ کجھ لوگ یہودیہ تھوں انطاکیہ وِچ آئے تے بھراواں کوُ ایہہ آکھ کے سِکھایا کہ " کہ یہڑے ویلے تک تُساں موسیٰ دے رواج تے طہور نہ کرویسو تُساں بچ نہ سگسو۔ ² ۲۔ وَل جڈاں پولُس تے برنباس اوُنہاں دا سامنا کیتا تاں اوُنہاں نال بہوں تُوں تکرار کیتی تے بھراواں فیصلہ کیتا کہ پولُس تے برنباس تے کجھ بئے لوگ اِیں مسلئے کیتے رسولاں تے وڈیریاں دے کول یروشلیم ویسن۔ ³ ۳۔ وَل اوہ کلیسیا دی طرف گھلے گئے اَتے اوہ فنیکے تے سامریہ تھوں لنگھے تے غیر قوماں وِچ رجوع گھن آون دا پرچار کیتا، اُنہاں دے پاروں سارے بھرا بہوں خوش ہَن۔ ⁴ ۴۔ جیہڑے ویلے اوہ یروشلیم آئے تاں اُنہاں دا استقبال کلیسیا، رسولاں تے بزرگاں نے کیتا ا۔تے اُنہاں نے اوہ ساریاں گالہیں ڈسیاں جیہڑیاں خدا نے اُنہاں دے نال کیتیاں ہَن۔ ⁵ ۵۔ لیکن کجھ لوگ جیہڑے ایمان گھن آئے ہَن اوہ فریسیاں دے گروہ نال تعلق رکھیندے ہَن اُنہاں نے کھڑے تھی کے آکھیا " ایہہ ضروری ہِے کہ اِنہاں دا طہور کیتا ونجے اَتے اِنہاں کوُ حکم ڈِتا ونجے کہ اوہ موسیٰ دی شریعت دی پابندی کرن۔ ⁶ ۶۔ پس رسول تے بزرگ ایں معاملے دی سوچ کیتے کٹھے تھئے۔ ⁷ ۷۔ کافی بحث کرن دے بعد پطرس کھڑا تھیا اَتے اُنہاں کوُ آکھن لگا " بھراؤ! تُساں جان دے ہیوے کہ بہوں پہلے خدا نے تُہاڈے وِچ ہک فیصلہ کیتا ہاکہ میڈے مُنہ تھوں غیر قوماں انجیل دا پیغام سُنسن اَتے ایمان گھن آسن۔ ⁸ ۸۔ خدا جو دِلاں کوُ جان دا ہِے اُنہاں کوُ گواہی ڈیندا ہِے اَتے اُنہاں کوُ روح القدس وی ڈیندے جیویں اوُں نے ساکوُ ڈِتے۔ ⁹ ۹۔ اَتے اُنہاں دے دِلاں کوُ ایمان نال پاک کریندے ہویاں اوُں نے ساڈے تے اُنہاں دے وِچ کوُئی فرق نہ رکھیا۔ ¹⁰ ۱۰۔ اَتے ہُن تُساں کیوں خدا کوُ آزماندے ہیوے تے اپنا بوجھ شاگرداں دی گردناں تے رکھیندے ہو جیکوں نہ اساں تے نہ ساڈے پیو ڈاڈا برداشت کر سگدے ہَن؟۔ ¹¹ ۱۱۔ پر اساں ایمان رکھیندے ہئیں جو اساں وی اُنہاں دی طرح مسیح یسوع دے فضل دے وسیلے تھوں ہی بچائے ویسوں۔ ¹² ۱۲۔ سارے لوگ چپ تھی گئے اَتے پولُس تے برنباس کوُ سنا جیہڑے ویلے اوہ انہاں گالہیں کوُ بیان کرن لگے کہ خدا نے اُن عجائب تے نشانات کوُ غیر قوماں اِچ اُنہاں دے وسیلے ظاہر کیتے۔ ¹³ ۱۳۔ جڈاں اُنہاں نے بولنا بند کیتا تاں یعقوب نے ایہہ آدھے ہوئے جواب ڈِتا " بھراؤ، میڈی سنو۔ ¹⁴ ۱۴۔ اوُں نے ساکوُ ڈسایا ہِے کہ کیویں خدانے پہلے اپنے فضل دے نال غیر قوماں دی مدد کیتی تاں جو اُنہاں وِچوں اپنے ناں دی کاطر لوگاں کوُ گھنے۔ ¹⁵ ۱۵۔ نبیاں دی گالہیں وی اُنہاں دے نال اتفاق کریندِن جیویں لکھا ہِے۔ ¹⁶ ۱۶۔ اِنہاں ساریاں گالہیں دے بعد میں واپس آساں اَتے میں داؤد دے خیمہ کوُ وَلا قائم کریساں جیہڑا ڈھے پیا ہِے میں اوُں کوُ وَلا کھڑا کریساں اَتے اوُندی تباہی دی مرمت کریساں۔ ¹⁷ ۱۷۔ تاں جو آدمیاں دا بقیہ خداوند کوُ گولےاوہ وی نال ہوون ساریاں غیر قوماں دے لوگ جیہڑے میڈے ناں تھوں اکھواندے ہِن۔ ¹⁸ ۱۸۔ خداوند ایہہ فرماندے جئیں نے ایہہ سارا کجھ آکھیا ہِے جیندا دا ذکر پُرانے زمانیاں تھوں تھیندا پئے۔ ¹⁹ ۱۹۔ لہذا میڈا مشورا ایہہ ہِے کہ اساں غیر قوماں وِچوں اُنہاں کوُں جیہڑے خدا دے پاسے آندے ہِن، پریشان نہ کروں۔ ²⁰ ۲۰۔ پر اساں اُنہاں کوُں سکھاؤں جو اوہ بُتاں دی آلودگی، جنسی آوارگی، گلا دبا کے ماریاں ہوئیں شئیں تے لہو تھوں دوُر راہون۔ ²¹ ۲۱۔ ہر زمانے وِچ تے ہر شاہر اِچ ایہوجئے لوگ ہِن جیہڑے موسوی شریعت دی تلاوت تے مُنادی ہر سبت کوُ عبادت خانیاں اِچ کریندے راہے ہِن۔ ²² ۲۲۔ پس رسولاں، بزرگاں اَتے ساری کلیسیا نے ایہہ مناسب سمجھے جو کلیسیا دے راہنماواں یعنی یہوداہ جیہڑا برسبا اکھواندا ہِے اَتے سیلاس کوُ پولُس تے برنباس دے نال انطاکیہ بھیج چھوڑوں۔ ²³ ۲۳۔ اُنہاں نے ایہہ لکھے " انطاکیہ، شام(جینکوُ مسیحی روایت اِچ سوریہ وی آکھا ویندا ہِے) اَتے کلکیہ دے رسولاں، بزرگاں، بھراواں اَتے غیر قوماں دے بھراواں کوُ سلام۔ ²⁴ ۲۴۔اساں سُنا ہِے کہ کجھ ایہو جئے لوگ جنہاں کوُ تُساں ایہو جیہا کوُئی حکم نئیں ڈِتا ہا کہ ساڈے وِچوں نکلے ہِن اَتے تُہاکوُ ایہو جئی تعلیمات تھوں پریشان کیتا ہِے جیہڑی تُہاڈے دِلاں کوُ بدل ڈیندی ہِے۔ ²⁵ ۲۵۔ لہذا اساں ساریاں کوُ ایہو چنگا لگے جو مَرداں دے چُنن تے متفق تھی ونجوں اَتے اُنہاں کوُ پیارے برنباس تے پولُس دے نال تہاڈے نال گھلوں۔ ²⁶ ۲۶۔ اوہ بندے جنہاں نے ساڈے خداوند یسوع مسیح کیتے اپنی جان کطرے وِچ پائی ہِے۔ ²⁷ ۲۷۔ پس اساں یہوداہ تے سیلاس کوُ بھیجے جو تہاکوُ ایہا گالہیں ااپنے الفاظ اِچ ڈسیسن۔ ²⁸ ۲۸۔ کیونکہ روح القدس کوُ اَتے ساکوُ وی چنگا لگے کہ تُہاڈے تے اِنہاں ضروری گالہیں دے علاوہ کوُئی بیہا بوجھ نہ سٹوں۔ ²⁹ ۲۹۔ جو تساں مُنہ موڑ گھنو اُنہاں چیزاں تھوں جیہڑیاں بُتاں کیتے قربان کیتیاں ویندِن، خون کنوں، اُنہاں کوُ جنہاں دا گلا دبایا ویندے اَتے جنسی ناپاکی تھوں۔ اگر تساں انہاں چیزاں تھوں دور راہسو تاں تہاڈے کیتے چنگا ہوسی، خدا حافظ ³⁰ ۳۰۔ جیہڑے ویلے اوہ اتھوں ٹُرن لگے تاں انطاکیہ کوُ آئے لوگاں کوُ کٹھا کرن دے بعد اُنہاں نے خط پڑھیا۔ ³¹ ۳۱۔ جیہڑے ویلے اوہ پڑھ گِدے تاں حوصلہ افزائی دے پاروں خوشی منائی۔ ³² ۳۲۔ یہوداہ تے سیلاس نے جو نبی وی ہَن، بھراواں کوُ بہوں ساریاں گالہیں دے بارے وِچ حوصلہ ڈِتا اَتے اُنہاں کوُ مضبوط کیتا۔ ³³ ۳۳۔ ہُن جڈاں اُنہاں نے کجھ ویلا اُتھاں لنگھایا تاں بھراواں نے اُنہاں کوُ سلامتی نال واپس اُنہاں دے کول گھلیا جنہاں نے اُنہاں کوُ اِتھاں گھلیا ہا۔ ³⁴ ۳۴۔ پر سیلاس دا اُتھاں راہونا چنگا لگے۔ (پُرانے نسخیاں اِچ آیت34 شامل نئیں) ³⁵ ۳۵۔ پر پولُس تے برنباس بہوں سارے ڈوجھے لوگاں دے نال انطاکیہ وِچ راہے، اِتھاں اُنہاں نے خداوند دا کلام سکھایا اَتے اوندی مُنادی کیتی۔ ³⁶ ۳۶۔ کجھ ڈیہاں بعد پولُس نے برنباس کوُ آکھیا " اساں ہر اوُں شاہر اِچ جتھاں اساں خداوند دے کلام دی مُنادی کیتی ہائی وَلا اساں بھراواں کوُ ملن کیتے ویندے ہئیں اَتے اُنہاں دا حال احوال دا پتا کریندے ہئیں۔ ³⁷ ۳۷۔ برنباس یوحنا کوُ جیہڑا مرقس وی اکھواندے نال گھن ونجنا چاہندا ہِے۔ ³⁸ ۳۸۔ پر پولُس نے ایہہ مناسب نہ سمجھے جو مرقس کوُ جئیں نے اوُں کوُ پمفیلیہ وِچ چھوڑا ہا اَتے بئے کم اِچ اُنہاں دا ساتھ نہ ڈِتا، اوں کوُ نال گھن ونجوں۔ ³⁹ ۳۹۔ تڈاں ہن بہوں وڈا اختلاف پیدا تھی گئے، اتنا کہ اوہ ڈوہیں الگ الگ تھی گئے اَتے برنباس مرقس کوُ گھن کے سمندر دے راستے کُپرس کوُ لگا گیا۔ ⁴⁰ ۴۰۔ لیکن خدا دے فضل دے حوالے کیتے ونجن دے بعد پولُس نے سیلاس کوُ چُنے اَتے لگا گیا۔ ⁴¹ ۴۱۔ اَتے اوہ شام تے کلکیہ تھوں کلیسیاواں کوُ مضبوط کریندے ہوئے لنگھیا۔