1
۱۔ قیصریہ شاہر وِچ کرنیلس ناں ہک بندہ ہا، جیہڑا اطالوی دستے دا صوبہ دار ہا۔
2
۲۔ اوہ ہک خدا ترس بندہ ہا، تے اوہ اپنے سارے خاندان سمیت خدا دی حمد کریندا ہا۔ تے اوہ یہودی لوگاں کوُ بہوں خیرات ڈیندا تے ہرروز دُعا منگدا ہا۔
3
۳۔ ڈینہ دے تریجے پَہر، اوُں رویا اِچ صاف صاف ڈِٹھا خدا دے فرشتے کوُ اپنے کول آندیاں ڈِٹھا۔ فرشتے اوُں کوُ آکھیا۔ " کُرنیلیس "!۔
4
۴۔ کرنیلیس فرشتے کوُں غور نال ڈِٹھا تے ڈر گیا تے آکھیا، " سائیں ایہہ کیا ہِے؟ " فرشتے اوُں کوُ آکھیا، " تیڈیاں دعاواں تے غریباں کیتے ڈِتے گئے تحفے آسمان تے خدا دے حضور یادگار نذرانے دت طور تے اَپڑ گئِن۔
5
۵۔ ہُن یافا شاہر دُو بندے پَٹھ تے شمعون ناں دے بندے کوُں جیکوں پطرس آہدِن سڈوا گھن۔
6
۶۔ اوہ ہک چمڑا رنگن آلے کوُں جیندا ناں شمعون ہِے راہندا پیا ہِے،جیندا گھر سمندر دے کنڈھے تے ہِے۔
7
۷۔ جئیں ویلے فرشتہ لگا گیا جئیں اوُندے نال گالہیں کیتیاں ہَن تے کرنیلیس اپنے گھر دے ڈُو نوکراں تے ہک سپاہی کوُں جیہڑا اُنہاں سارے سپاہیاں اِچوں جیہڑے اوُں دی خدمت کریندے ہَن، خدا دی حمد کریندا ہا۔ سڈوایا۔
8
۸۔ کرنیلیس اُنہاں کوُں اوہ سب کجھ جیہڑا اوں دے نال تھیا ہا ڈسایا تے اُنہاں کوُں یافا گھلا ڈِتا۔
9
۹۔ تے اگلے ڈینہ ڈیہاڑی دے چھیویں گھنٹے دے قریب جئیں ویلے اوہ سفر تے ہَن تے کٹھےشاہر دے نیڑے اَپڑے، اوُں ویلے پطرس مکان دی چھت تے دُعا کیتے گیا۔
10
۱۰۔ اوُں کوُ بُھوک لگی تے کجھ کھاون چاہندا ہا، پَر لوگ اَجن تائیں کھانا تیار کریندے پئے ہَن تے اوُں کوُ ہک رویا ملی۔
11
۱۱۔ تے اوُں آسمان کوُں کُھلدیاں ڈِٹھا، تے ہک وڈی چادر آلی کارکوُئی شئے چار کونیاں توں زمین تے لاہندی پئی ہا۔
12
۱۲۔ اوندے وِچ ہر قسم دے چوکھر، زمینی کیڑے مکوڑے تے پکھی ہَن۔
13
۱۳۔ وَل ہِک آواز آئی، " پطرس، اُٹھی اِنہاں کوُ کوہ تے کھا"۔
14
۱۴۔ پَر پطرس آکھیا، " کائی ناں خداوند " میں کڈائیں اینجی شئے نئیں کھادی جیہڑی پلیت تے حرام ہووے۔
15
۱۵۔ لیکن ڈوجی وار اوُں کوُ ایہہ آواز آئی ، " جینکوُ خدا پاک کیتا ہِے، اوُں کوُ حرامنہ آکھ"۔
16
۱۶۔ اِیں ترئے وار تھیا، تے وَل اوہ شئے فوراً آسمان تے چا گِدی گئی۔
17
۱۷۔ تے پطرس حیران تھیندا پیا ہا کہ جیہڑی رویا اوُں ڈِٹھی ہِے ایندا کیا مطلب تھی سگدے، تے ڈیکھو، اوہ بندے جنہاں کوُں کرنیلیس گھلیا ہا، گھر دا رستہ پوچھیندیاں ہویا دروازے تے آن کھڑے تھئے۔
18
۱۸۔ اُتھاں سِدھ مار کے آکھیا جو کیا شمعون جینکوُ پطرس آہدِن اِتھائیں راہندا پیا ہِے۔
19
۱۹۔ اجن پطرس اِیں رویا بارے سوچیندا پیا ہا، کہ روح اوُں کوُ آکھیا، "ڈیکھ ترئے بندے تیکوُ گولیندے پئے ہِن۔
20
۲۰۔ اُٹھی تے تھلے ونج تے اُنہاں نال لگا ونج، اُنہاں نال ونجن تھوں ڈر ناں کیوں جو میں آپ اُنہاں کوُ گھلیا ہِے"۔
21
۲۱۔وَل پطرس تھلے لہہ کے اُنہاں کول گیا تے آکھیا، "میں اوہ ہاں جینکوُں تُساں گولیندے پئے ہیوے، تُساں کیوں آئے ہیوے؟"۔
22
۲۲۔ اُنہاں آکھیا، "کرنیلیس ناں دا ہک بندہ جیہڑا راستباز تے خدا دی حمد کرن آلا تے یہودیاں دی قوم وِچ وڈی عزت آلا ہا، تیڈے بارے اِچ خدا دے فرشتے اوُں کوُ ہدایت کیتی جو تیکوں اپنے گھر سڈوائے تے تئیں کنے کلام سُنے"۔
23
۲۳۔وَل پطرس اُنہاں اندر آن ے اُنہاں کوُں نال راہون دی دعوت ڈِتی۔اگلے ڈینہ اوہ اُٹھی کے اُنہاں دے نال لگا گیا، تے یافا اِچوں کجھ بھرا وی اوندے نال لگے گئے۔
24
۲۴۔ اوُں ڈینہ ہی اوہ قیصریہ اِچ آئے، کرنیلس اپنے رشتہ داراں تے قریبی سنگت آلیاں نال بیٹھا اُنہاں دا انتطار کریندا پیا ہا۔
25
۲۵۔ جئیں ویلے پطرس اندر داخل تھیا تے ایویں تھیا کہ کرنیلس اوُں کوُ ملیا تے اوُں دے پیراں وِچ ڈھے کے سجدہ کیتا۔
26
۲۶۔ لیکن پطرس اوُں کوُ اُتاں چا کےآکھیا، "کھڑا تھی" میں وی تیڈی کار انسان ہاں۔
27
۲۷۔ جئیں ویلے پطرس اُنہاں نال گالہیں کریندا پیا ہا، اوہ اندر گیا تے بہوں سارے لوگاں کوُ کٹھیا ڈِیکھیا۔
28
۲۸۔ اوُں نے اُنہاں کوُں آکھیا، تُساں جان دے ہیوے جو کئیں یہودی دا کئیں غیر قوم آلے نال صحبت رکھنا یا اوُندے کول ونجنا جائز نئیں۔پر خدا میڈے تے ایہہ گالھ ظاہر کیتی، جو میکوُں کئیں کوں وی غلیظ یا ناپاک نئیں آکھنا چاہیدا۔
29
۲۹۔ اِیں وجہ کنے میں بغیر دلیل نال آ گیاں، میں ایہہ گالھ پوچھیندا ہاں جو توں میکوُں کیوں سڈوایا ہِے؟۔
30
۳۰۔ کرنیلس آکھیا، "چار ڈینہ پہلاں اِیں ویلے، میں ڈینہ دے تریجے پہر اپنے گھر اِچ دعا منگدا پیا ہامی، تاں ڈِٹھا کہ ہک بندہ چمکیلے کپڑے پا کے میدے سامنے آکھڑا تھیا۔
31
۳۱۔ اوُں آکھیا، کرنیلیس، تیڈی دعا سُن گِدی ہِے تے غریباں کوُ ڈِتی گئی تیڈی امداد خدا کوُ تیڈی یاد ڈیوائی ہِے۔
32
۳۲۔ اِیں واسطے کئیں کوُ یافا بھیج تے شمعون ناں دا ہک بندہ جیہڑا پطرس اکھویندا ہِے سڈوا گھن، اوہ سمندر دی مُنڈھ تے چمڑا رنگن آلے دے گھر راہندا پیا ہِے۔ (کجھ پُرانے ختیارات وی شامل ہَن:) جئیں ویلے اوہ آسی تے اوہ تیڈے نال گالھ کریسی۔
33
۳۳۔اِیں واسطے ہِک دَم میں تیڈے کیتے بندے بھیجے، تہاڈی مہربانی ہِے جو تُساں آگئے ہیوے۔ تے ہُن اساں سارے اِتھاں خدا دی نظر اِچ حاضر ہئیں جو اوہ سب کجھ سنوں، جو وی خداوند تیکوں آکھن دی ہدایت کیتی ہِے"۔( کجھ پُرانے اختیارات وی شامل ہِن)
34
۳۴۔ وَل پطرس اپنا منہ کھولیا تے آکھیا، ''ایہہ گالھ سچ ہِے، میکوں آگاہی تھئی ہِے جو خدا کئیں دی وی طرفداری نئیں کریندا۔
35
۳۵۔ ایندی بجائے، ہر قوم اِچوں جو کوُئی وی عبادت کریندا تے راستبازی دے کم کریندا ہِے، اوہ اوُں کوُں قابل قبول ہِ۔
36
۳۶۔ تُساں اوُں پیغام کوُ جان دے ہیوے، جو اوُںاسرائیلی لوگاں کوُ گھلیا، جئیں ویلے اوُں یسوع مسیح اِچ صلح دی خوشخبری دا ہوکا ڈِتا، جیہڑا ساریاں دا خداوند ہِے۔
37
۳۷۔تُساں اُتھاں سارے واقعات تھوں جیہڑے تھئے ہَن، واقف ہیوے۔ جیہڑے یوحنا دے بپتسمے تھوں بعد گلیل کنے شروع کر کے تے سارے یہودیہ اِچ تھئے، اوہ سارے واقعے ناصرت دے یسوع دے متعلق ہَن۔
38
۳۸۔ جو کیویں خدا اوُں کوُں روح القدس تے قدرت نال مَسح کیتا تے اوُں ونج کے ساریاں لوگاں کوُں شفا ڈِتی جیہڑے شیطان دے قبضے وِچ ہَن کیوں جو خدا اوندے نال ہا۔
39
۳۹۔ اَساں اُتھاں سارے کماں دے گواہ ہئیں، جیہڑے اوُں یہودیاں دے مُلک تے یروشلیم اِچ کیتے ہَن۔ اُتھاں اوُں کوُ صلیب ڈے کے مار ڈِتا۔
40
۴۰۔ اوُں کوُ خدا تریجھے صِیں زندہ کیتا تے ظاہر وی کیتا۔
41
۴۱۔ سارے لوگاں تے نئیں، پر اُنہاں گواہاں تے جیہڑے پہلاں تھوں خدا دے چُنے ہوئے ہَن۔ اساں جنہاں اوُندے مویاں وِچوں زندہ تھیون توں بعد اوندے کٹھے کھادا پیتا۔
42
۴۲۔ اوُں ساکوں حکم ڈِتا ہِے جو لوگاں اِچ مُنادی کرو تے گواہی ڈیوؤو جو ایہہ اوُہو ہِے جیہڑا خدا دی طرفوں جیوندیاں تے مویاں دا مُنصف چُنیا گیا ہِے۔
43
۴۳۔ اوندے متعلق سارے نبیاں گواہی ڈِتی کہ جیہڑا وی اوندے تے ایمان گھن آسی اوندے ناں دے سببوں گناہاں دی معافی حاصل کریسی۔
44
۴۴۔ جئیں ویلے پطرس ایہہ آدھا ای پیا ہا، کہ پاک روح اُنہاں ساریاں تے نازل تھیا جیہڑے کلام سُن دے پئے ہَن۔
45
۴۵۔ اوہ لوگ جیہڑے طہور گروہ دے منن آلے ہِن تے پطرس دے نال آئے ہَن حیران تھئے، کیوں جو پاک روح دی نعمت غیر قوماں کوُ وی ڈِتی گئی ہِے
46
۴۶۔ کیوں جو اوہ غیر قوماں کوُ وی ڈوجیاں بولیاں وِچ خدا دی تعریف کریندیاں سُن دے ہَن۔ پطرس جواب ڈِتا۔
47
۴۷۔ کیا کوُئی اِنہاں لوگاں کوُں پانی کنے روک سگدے؟ جو اِنہاں کوُں بپتسمہ نئیں گھننا چاہیدا ہِے ، جنہاں کوُں ساڈی آلی کار روح القدس ملیا ہِے۔
48
۴۸۔وَل اوُں اُنہاں کوُ حکم ڈِتا، جو یسوع مسیح دے ناں اَچ اُنہاں کوُں بپتسمہ ڈیوؤ۔ وَل اُتھاں اوُں کوُ آکھیا جو کجھ ڈینہ اُنہاں دے کٹھے راہوے۔