¹ ۱۔ میں بزرگ دی طرفوں اوُں پیارے گیُس دے ناں جیندے نال میں سچی محبت رکھیندا ہاں ² ۲۔ اے پیارے! میں دُعا کریندا ہاں کہ جیویں توں رحانی طور تے ودھدا پئیں اوؤیں ایں توں ساریاں گالیں ودھیں تے چنگا راہویں ³ ۳۔ کیومکہ جڈا بھراواں نے آ کے تیڈی اوُں سچائی دی گواہی ڈِتی ہِے جیندے تے توں حقیقت اِچ ٹردا ہیں تاں میں بہوں خوش تھیِا ⁴ ۴۔ میڈے کیتے ایندے کولوں ودھ کے کوُئی خوشی نئیں کہ میں اپنے پُتراں کوُں سچائی تے ٹردیاں ہویاں سُناں۔ ⁵ ۵۔ اے پیارے! جو کجھ توں اُنہاں بھراواں دے نال کریندا ہئیں جیہڑے پردیسی وی ہن او دیانت نال کریندا ہئیں ⁶ ۶۔ اُنہاں نے کلیسیا دے سامنے تیڈی محبت دی گواہی ڈِتی ہائی۔ اگر توں اُنہاں کوُں ایویں بھجیسیں جیویں خدا دے لوگاں کوں مناسب ہِے تاں چنگا کریسیں ⁷ ۷۔ کیوں جو او اُوں ناں دی خاتر نکلے ہئیں اَتے غیر قوماں کولوں کجھ نئیں منگدے ⁸ ۸۔ ایہو جئے بندیاں دی خدمت کرنا ساڈے تے فرض ہِے تاں جو اساں وی حق دا ساتھ ڈیندیاں ہویاں اُنہاں دے ہم خدمت ہوؤں۔ ⁹ ۹۔ میں کلیسیا کوُ کجھ لکھا ہائی پر دیُترفیس جیہڑا اُنہاں وچوں وڈا بننا چاہندا ہائی ساکوں قبول نئیں کریندا ¹⁰ ۱۰۔ وَل جڈاں میں آساں تاں اوندے کماں کوُں جیہڑے او کریندا پئے یاد ڈیویساں کہ ساڈے حق وچ بُری گالیں بکدا پیئے اَتے اِنہاں تے قناعت نہ کرکے آپ وی بھراواں کوُں قبول نئیں کریندا اَتے جیہڑے قبول کرنا چاہندے ہن اُنہاں کو روکیندا ہِے اَتے کلیسیا وچوں کڈھ ڈیندا ہِے۔ ¹¹ ۱۱۔ اے پیارے! بدی دی نئیں ہتھوں نیک کماں دی راہ تے ٹُر۔ نیک کم کرن آلا خدا تھوں ہِے بدی کرن آلے نے خدا کوُ نئیں ڈِٹھا ¹² ۱۲۔ دیمیتریُس دے بارے ساریاں نے تے آپ حق نے وی گواہی ڈِتی ہِے تے اساں وی گواہی ڈیندے ہاں اَتے توں جان دا ہئیں بئی ساڈی گواہی سچی ہِے۔ ¹³ ۱۳۔ میکوں لکھنا تاں تیکوں بہوں کجھ ہائی پر سیاہی تے قلم دے نال لکھنا نئیں چاہندا ¹⁴ ۱۴۔ بلکہ تیکوں جلدی ملن دی اُمید رکھیندا ہاں اوُں ویلے اساں آمنے سامنے گالیں کریسوُں ¹⁵ ۱۵۔ تیکوں تسلی ملدی راہوے ۔