1
۱۔ پولُس دی طرفوں جیہڑا ساڈے مُنجی خدا تے ساڈے اُمیدگاہ مسیح یسوع دے حکم نال مسیح یسوع دا رسول ہِے۔
2
۲۔ تیمتھیس دے ناں جیہڑا ایمان دے لحاظ نال میڈا سچا پُتر ہِے۔ فضل رَحم تے اطمینان خدا باپ تے ساڈے خداوند مسیح یسوع دی طرفوں تُہاکوُ مِلدا راہوے۔
3
۳۔ جیویں میں مُکدُنیہ ویندے ویلے تیکوُ نصیحت کیتی ہائی کہ اِفسس اِچ رِہ کے بعض بندیاں کوُ حکم کر ڈیوے کہ بئی طرح دی تعلیم نہ ڈیون۔
4
۴۔ اَتے اُنہاں کہانیاں تے بہوُں زیادہ نسب نامیاں تے لحاظ نہ کرنجو تکرار دا باعث تھیندِن تے اوُں الٰہی انتظام دے موافق نئیں جو ایمان تے مبنی ہِے اوُں وے ای ہُن وی کریندا ہاں۔
5
۵۔ حکم دا مقصد ایہہ ہِے کہ پاک دِل تے نیک نیت تے ریاکاری توں بغیر ایمان نال محبت پیدا تھیوے۔
6
۶۔ اِنہاں کوُ چھوڑ کے بعض بندے بےہودہ بکواس دی طرف توجہ ڈیون لگ پئے۔
7
۷۔ اَتے شریعت دے معلم بننا چاہندِن حالانکہ جیہڑیاں گالہیں آدھِن تے جنہاں دا یقینی طور نال دعویٰ کریندے ہِن اُنہاں کوُ سمجھدے وی نئیں۔
8
۸۔ پر اساں جان دے ہئیں کہ شریعت چنگی ہِے پر شرط ایہہ ہِے کہ کوُئی اوُں کوُ شریعت دے طور تے کم تے لاوے۔
9
۹۔ یعنی ایہہ سمجھ کے کہ شریعت راستبازاں کیتے مقرر نئیں تھئی بلکہ بےشرع تے سرکش بندیاں تے بےدیناں تے گناہگاراں تے ناپاک بندیاں تے بے دین تے ماں پیو دے قاتلاں تے خونیاں۔
10
۱۰۔ تے حرام کاراں تے لونڈے بازاں تے بال چاون آلیاں تے کوڑیاں تے کوُڑی قسم کھاون آلیاں تے اِنہاں دے علاوہ صحیح تعلیم ڈے کے تے برخلاف کم کرن آلیاں دے کیتے ہِے۔
11
۱۱۔ ایہہ خدائے مُبارک دے جلال دی اوُں خوشخبری دے موافق ہِے جو میڈے سپرد تھئی۔
12
۱۲۔ میں اپنے طاقت بخشن آلے خداوند مسیح یسوع دا شکر کریندا ہاں کہ اوُں نے میکوُ دیانتدار سمجھ کے اپنی خدمت واسطے مقرر کیتے۔
13
۱۳۔ اگرچہ میں پہلے کُفر آلا تے ستاون آلا تے بےعزت کرن آلا ہامی تاں وی میڈے تے رَحم تھیا اِیں کیتے کہ میں بےایمانی دی حالت اِچ نادانی نال ایہہ کم کیتے ہَن۔
14
۱۴۔ اَتے ساڈے خداوند دا فضل اوُں ایمان تے محبت دے نال جیہڑا یسوع مسیح اِچ ہِے بہوُں زیادہ تھیا۔
15
۱۵۔ ایہہ گالہہ سچ تے ہر طرح نال قبول کرن دے لائق ہِے کہ مسیح یسوع گناہگاراں کوُ نجات ڈیون کیتے دُنیا وِچ آیا جنہاں وِچوں ساریاں توں وڈا میں ہاں۔
16
۱۶۔ پر میڈے تے رَحم اِیں کیتے تھیا کہ یسوع مسیح میڈے جئے وڈے گناہگار اِچ اپنا کمال تحمل ظاہر کرے تاکہ جو بندے ہمیشہ دی زندگی کیتے اوُں دے تے ایمان گھِن آسن اُنہاں کیتے میں نمونہ ہاں۔
17
۱۷۔ ہُن ازلی بادشاہ یعنی غیرفانی ناں نظر آون آلے واحد خدا دی عزت تے تمجید ہمیشہ تھیندی راہوے۔ آمین۔
18
۱۸۔ اَے پُتر تیمتھیس اُنہاں پیشن گوئیاں دے موافق جو پہلے تیڈے بارے کیتیاں گئیاں ہَن میں ایہہ حکم تیڈے حوالے کریندا ہاں تاں جو تُوں اُنہاں دے مطابق چنگی لڑائی لڑدا رِہ اَتے ایمان تے اوُں نیک نیت تے قائم راہوے۔
19
۱۹۔ جئیں کوُ دوُر کرن دے پاروُں بعض بندیاں دے ایمان دا جہاز غرق تھی گیئے۔
20
۲۰۔ اُنہان وِچوں ہی ہُمِنِیُس تے سکندر ہِن۔ جنہاں کوُ میں شیطان دے حوالے کیتے تاں جو کُفر توں باز راہونا سِکھن۔