¹ ۱۔ ایں واسطے جڈاں اساں ڈھیر سہے نہ سنگے تاں وت اتھینے وچ کھلے رہ ونجیڑاں منظور کیتا۔ ² ۲۔ وت اساں نے تمیتھیس کوں جیہرا ساڈا بھرا تے مسیح دی خوشخبری وچ خدا دا نوکر ہے ایں پاروں متا کہ او تہاکوں پکا کرے تے توہاڈے ایمان دے بارے وچ نصیحت کرے۔ ³ ۳۔ تے وت انھاں دُکھاں دے سبب تھوں کوئی نہ گھبراوے کیو جو توساں آپ جانڑے دے ہو جو اساں ایندے واسطے مقرر تھیے ہاہین ۔ ⁴ ۴۔ وت پہلے وی جڈاں اساں توہاڈے کول ہاسے تاں تہاکوں آدھے ہاسے جو ساکوں دُکھ اُٹھاواڑاں پوسن وت ایویں ہی ہویائے وت تہاکوں پتہ وی ہے۔ ⁵ ۵۔ ایں واسطے جدوں میں وت ڈھیر سہے نہ سنگا تاں توہاڈے ایمان دا حال پچھ کوں متا کہڈائی ایویں نہ ہوے جو آزماوڑن والے نے تہاکوں آزمایا ہوے تے ساڈی محنت بے فائدہ گئی ہوے۔ ⁶ ۶۔ مگر ہنر جو تمتھیس نے توہاڈے کول آکے ساڈے کول توہاڈے ایمان تے محبت دی تے اس گل دی خوشخبری دتی کہ توساں ساڈا ذکر خیر ہمیشہ کریندے ہوتے ساڈے ویکھن دے کیتے شوقی ہو جیویں کہ اساں توہاڈے۔ ⁷ ۷۔ اس واسطے اے بھراؤ! اساں نے اپنڑی ساری احتیاج تے دُکھ وچ توہاڈے ایمان دے سبب تھوں توہاڈے بارے وچ تسلی پائی ہے۔ ⁸ ۸۔ کیو جو ہنڑ اگر خداوند وچ قائم ہو تاں اساں زندہ ہاہین ۔ ⁹ ۹۔ توہاڈے باجوں اپنڑے خدا دےسامنڑے ساکوں جس قدر خوشی حاصل ہے اُس دا بدلہ وچ میں کیویں ہار توہاڈی لے پاروں خدا دا شکر ادا کروں؟ ¹⁰ ۱۰۔ اساں رات ڈنہہ بھو دعا کریندے راہندے ہاہین کہ توہاڈی صورت دیکھیں تے توہاڈے ایمان دی کمی پوری کروں۔ ¹¹ ۱۱۔ ہنڑ ساڈا خدا تے پیو خود تے ساڈا خداوند یسوع مسیح توہاڈی طرح دی رہبری کرے۔ ¹² ۱۲۔ تے وت خداوند اے جیا کرے کہ جیویں ہار ساکوں توہاڈے نال محبت ھے او ویں ہار توہاڈی محبت وی آپس وچ تے سارے بندیاں دے نال ڈھیر ہوے تے ودھے ۔ ¹³ ۱۳۔ تاں جو او توہاڈے دلاں کوں اے جیا (مضبوط ) کر ڈیوے کہ جڈاں ساڈا خداوند یسوع اپنڑے سارے پاکاں دے نال آوے گا تاں اوے ساڈے خدا تے پیو دے سامنڑے پاکی دے وچ بے عیب ٹھہریں۔