¹ ۱۔ اِتھوں تائیں سُنن اِچ آئے کہ تہاڈے وچ حرامکاری تھیندی ہِے بلکہ ایہو جئیں حرامکاری جیہڑی غیر قوماں وچ وی نئیں تھیندی چنانچہ تُساں وچوں ہک بندہ اپنے پیوُ دی ذال کوُ رکھیندا ہِے۔ ² ۲۔ اَتے تُساں افسوس تاں کریندے نئیں تاکہ جیہرے بندے نے اے کم کیتے اوہ تُہاڈے وچوں کڈھا ونجے ہتھوں شیخی مریندے او۔ ³ ۳۔ پر میں گو جسمانی طور موجود ناں ہامی پر روح دے اعتبار نال حاضر تھی کے گویا جیویں موجود ہاں ایویں کرن آلے تے اے حکم ڈے چکا ہاں۔ ⁴ ۴۔ کہ جڈاں تُساں تے میڈی روح ساڈے خداوند یسوع مسیح دی قدرت دے نال ہیوے تاں ایہو جیئا بندہ ساڈے خداوند یسوع دے ناں تھوں۔ ⁵ ۵۔ جسم دی ہلاکت کیتے شیطان دے حوالے کیتا ونجے تاں جو اوندی روح خداوند یسوع دے ڈیں نجات پاوے۔ ⁶ ۶۔ تُہاڈا فخر کرنا چنگا نئیں۔ کیا تُساں نئیں وے جان دے کہ تھوڑا جیاں خمیر سارے ملےہوئے آٹے کوُ خمیر کر ڈیندے۔ ⁷ ۷۔ پُرانا خمیر کڈھ کے اپنے آپ کوُ پاک کر گھنو تاں جو تازہ ملیا ہویا آٹا بن ونجو۔ چنانچہ تُساں بے خمیر ہو کیوں جو ساڈا وی فسح یعنی مسیح قربان تھئیے۔ ⁸ ۸۔ پس آؤ اساں عید کروں۔ نہ تاں پُرانے خمیر دے نال تے نہ گناہ تے شرارت دے خمیر دے نال بلکہ دِل دی صفائی تے سچائی دی بے خمیر روٹی دے نال۔ ⁹ ۹۔میں تہاکو اپنے خط وچ ایہہ لکھا ہائی کہ حرامکاراں نال دوستی نہ رکھائے۔ ¹⁰ ۱۰۔ ایہہ تاں نئیں کہ بالکل دُنیا دے حرامکاراں یا لالچیاں یا ظالماں یا بت پرستاں نال ملنا ای نئیں کیونکہ ایں صورت اِچ تاں تہاکوں دُنیا وچوں نکل ہی ونجنا پووے۔ ¹¹ ۱۱۔ پر میں تہاکو حقیقتاً اے لکھا ہائی کہ اگر کوئی بھرا اکھوا کے حرامکار یا لالچی یا بت پرست یا مندا کڈھن آلا یا شرابی یا ظالم ہووے تاں اوندے نال دوستی نہ رکھو بلکہ ایہو جئے دے نال ٹُکر تک نہ کھاؤ۔ ¹² ۱۲۔ کیونکہ میکوں باہر آلیاں تے حکم کرن دے نال کیا واسطہ ہِے؟ کیا ایویں نئیں کہ تساں تاں اندر آلیاں تے حکم کریندے ہیوے۔ ¹³ ۱۳۔ پر باہر آلیاں تے خدا حکم کریندے؟ پس اوُں شریر بندے کوُں اپنے وچوں کڈھ چھوڑو۔