¹ ۱۔ اَتے اے بھراوؤ! میں تہاکوُں اوُویں کلام نہ کر سگا جیویں روحانیاں کوُں بلکہ جیویں جسمانیاں دے نال اَتے اُنہاں دے نل جیہڑے مسیح اَچ بال ہِن۔ ² ۲۔ میں تہاکوں کھیر پلائے پر ٹُکر نہ کھوائے کیوں جو تہاکو اوندھی برداشت نہ ہائی بلکہ ہن وہ برداشت نئیں۔ ³ ۳۔ کیونکہ ہالی تائیں تساں جسمانی ہو۔ ایں کیتے کہ جڈاں تساں وچ حسد تے جھگڑا ہِے تاں کیا تساں جسمانی نہ تھئے تے انسانی دستور تے نہ چلے؟ ⁴ ۴۔ ایں کیتے کہ جڈاں ہک آدھے میں پولس دا ہاں اَتے دوسرا آدھے میں اپلوس دا ہاں تاں کیا تساں بندے نہ تھئے؟ ⁵ ۵۔ اپلوس کیا شئے ہِے؟ تے پولس کیا؟ نوکر۔ جنہاں دے وسیلے نال تساں ایمان گھن آئے وے اَتے ہر ہک دی او حیثیت ہِے جیہڑی خداوند نے اوُں کوُں ڈِتی ہِے۔ ⁶ ۶۔ میں جھڑ لگائے تے اپلوس نے پانی ڈِتے پر ودھایا خدا نے۔ ⁷ ۷۔ پس نہ لاون آلا کوُئی شئے ہِے نہ ای پانی ڈیون آلا پر خدا جیہڑا ودھاون آلا ہِے۔ ⁸ ۸۔ لاون آلا تے پانی ڈیون آلا ڈوُویں ہک ہن پر ہر ہک اپنا انعام اپنی محنت دے موافق پاسی۔ ⁹ ۹۔ کیوں جو اساں خدا دے نال کم کرن آلے ہئیں۔ تساں خدا دی کھیتی تے خدا دی عمارت ہو۔ ¹⁰ ۱۰۔ میں اوُں توفیق دے موافق جیہڑی خدا نے میکوں ڈِتی ہِے عقلمند راج دی طرح نیں رکھی اَتے ڈوجھا اوندھے تے عمارت چیندا ہِے۔ پس ہر ہک خبردار تھی ونجے کہ اوہ کیہو جئیں عمارت چیندا پئے۔ ¹¹ ۱۱۔ کیونکہ سوا ایں نیں دے جیہڑی پاتی ہوئی اے تے اوہ یسوع مسیح ہِے کوُئی بندہ ڈوجھی نئیں رکھ سگدے۔ ¹² ۱۲۔ پر اگر کوُئی ایں نیں تے سونا یا چاندی یا بہوں قیمتی پتھراں دا یا لکڑی یا گھا یا توُڑی دا ردا رکھیسی۔ ¹³ ۱۳۔ تاں اوندھا کم ظاہر تھی ویسی کیونکہ جیہڑا دیں اَگ دے نال ظاہر تھیسی اوہ اوُں کم کوُ ڈس ڈیسی تے اوہ اَگ آپ ہر ہک دا کم ازما گھنسی کہ کیہوں جیہا ہِے۔ ¹⁴ ۱۴۔ جیندا کم اوندے اُتے بنا رہ ویسی اوہ انعام پاسی۔ ¹⁵ ۱۵۔ اَتے جیندا کم سڑ ویسی اوہ نقصان چاسی پر آپ بچ ویسی مگر جلدے جلدے۔ ¹⁶ ۱۶۔ کیا تساں نئیں وے جان دے کہ تساں خدا دا گھر ہو تے خدا دا روح تہاڈے وچ راہندے؟۔ ¹⁷ ۱۷۔ اگر کوئی خدا دے گھر کوُ برباد کریسی تاں خدا اوُں کوُ برباد کریسی کیوں جو خدا دا گھر پاک ہِے تے اوہ تساں ہیوے۔ ¹⁸ ۱۸۔ کوُئی اپنے آپ کوُ فریب نہ ڈیوے۔ اگر کوئی تساں وچوں اپنے آپ کوُ ایں جہان دا حکیم سمجھے تاں بیوقوف بنے تاں جو حکیم تھی ونجے۔ ¹⁹ ۱۹۔ کیونکہ دُنیا دی حکمت خدا دے نیڑے بیوقوفی ہِے۔ چنانچہ لکھا لاتھے کہ اوہ حکیماں کوُ اُنہاں دی چلاکی وچ پھنسا ڈیندے۔ ²⁰ ۲۰۔ اَتے اے وی کہ خداوند حکیماں دے خیلاں کوُں جان دا ہِے کہ فضول ہن۔ ²¹ ۲۱۔ پس بندیاں تے کوئی فخر نہ کرے کیوں جو ساریاں شئیاں تہاڈیاں ہن۔ ²² ۲۲۔ خواہ پولس ہوئے خواہ اپلوس۔ خواہ کیفا خواہ دُنیا۔ خواہ حیاتی خواہ موت۔ خواہ حال دی شئیاں خواہ استقبال دیاں۔ ²³ ۲۳۔ ساریاں تہاڈیاں ہن تے تساں مسیح دے ہو تے مسیح خدا دا ہِے۔