باب ۱

1 ۱۔پولُس، خدا دا بندہ تے یسوع مسیح دا رسُول ائے۔ خدا دے برگزیدہ بندیاں دے ایمان تے اوہناں دی حق دی پہچان جو دین داری دے مُوافق اَے۔ 2 ۲۔اِس ہمیشہ دی زندگی دی اُمید جدا وعدہ اَزل توں خدا نے کیتا ائے جو کدی جھوٹ نہیں بولدا۔ 3 ۳۔تے وقت تے اوہنے اپنا کلام ظاہر کیتا تے مینوں ایس قابل سمجھیا پئی مین اپنے بچاون والے خدا دے حُکم دے وسیلہ آگے پہنچا سکاں۔ 4 ۴۔ططس، جو ایمان دے حوالے نال سچا فرزند اَے تے اوہدے اُتے ساڈے بچاون والے یسوع مسیح تے خدا باپ دے وسیلے فضل تے سلامتی ہوئے۔ 5 ۵۔اُنوں میں کریتے وچ ایس واسطے چھڈ آیاں سی تاکہ اوں باقی سارے معمولات نوں دُرست کرے تے نالے میرے حُکم دے مطابق شہر شہر بزرگوں نوں مقرر فرمائے۔ 6 ۶۔بزرگ بے الزام ہوئے اِک بیوی دا شوہر ہوئے تے اوندے بچے ایسے ایمان دار ہون جیڑے لاپرواہی تے سرکشی دے الزام توں پاک ہون۔ 7 ۷۔خدا دے گھر دا اِنتظام سنبھالن والے نگابان لئی اے ضروری اَے کہ پئی اوہ بے عیب ہوئے گھمنڈی نہ ہوئے۔ چھیتی پئے غصہ نہ کرے، مَے نوش نہ ہوئے، شور شاربہ کرن والا نہ ہوئے اور لالچی وی نہ ہوئے۔ 8 ۸۔سگو مہمان نواز ہوئے، خیر بیلی ہوئے، سمیہ دار ہوئے، راست باز ہوئے، خدا پرست تے اپنے آپ تے قابو پان والا ہوئے۔ 9 ۹۔اُنوں چاہیدا اے پئی بھروسے والے کلام نوں جیڑا انوا سکھایاں گیا اَئے مضبوطی دے نال پھڑی رکھے نا جو ایس قابل ہوئے کہ دوجیاں نوں اچھی تعلیم لئی حوصلہ دیوے تا جیڑے مخالفت کردے ہین اونا دی درستگی کرے۔ 10 ۱۰۔تاجو تیرے لوک سرکش، گلاں کرن والے تے دغاباز ہین خاص کر مختوناں وچ۔ 11 ۱۱۔ایہ ضروری اَئے کہ اہو جئے لوکاں نوں روکوں جو اپنے نفع دی خاطر لوکاں نوں غلط تعلیم دے کے تے گمراہ تے گھر اُجڈ رہے نئے۔ 12 ۱۲۔ایناں دے اپنے نبی نے اکھایاں اَئے، ’’ کریتی ہمیشہ جھوتے، شیطانی جانور، تے کھاپی کے سو رہین والے نے ‘‘۔ 13 ۱۳۔ایہ کہناں بالکل درست اے ایس واسطے ایناں دی سختی دے نال ہدایت کر و تاکہ او ایمان وچ صیحح ہون۔ 14 ۱۴۔یہودیاں دی کہانیاں تے لوکاں دے حُکماں دے بارے توجہ نہ دیویں کیوں جو اوہ سچ تو دُور رکھدے ہین۔ 15 ۱۵۔جیڑے خالص نے اوہناں لئی سب چیزاں خالص ہین۔ پر جو بد دعانیت تے بے ایمان ہین اوہناں لئی کوج وی خالص نہیں ہین۔ سگوں اوہناں دی سوچ تے ضمیر دونویں پئی آلودہ ہین۔ 16 ۱۶۔اوہ خدا دا اقرار دے کرے ہین پر اپنے کاموں توں اوہنا دا انکار کر دے نئے۔ ایہوں جئے لوک حقیر، نافرمان تے کسی وی کم کرن جوگے نہیں ہین۔