¹ ۱۔ ایناں چیزاں دے بعد میں ویکھیا تے جنّت وچ اک کُھلا بوہا ویکھیا۔ پہلی آواز جیہڑی میں سُنی میرے نال نرسنگے ہار (وانگ) گَل کردیاں کہہ رہی سی اُتے آ تے میں تینوں وکھاواں کہ انِہاں چیزاں دے بعد جو لازمی ہو وے گا۔ ² ۲۔ اَک دم میں روح وچ ساں تے آسمان تے رکھیا اک تخت ویکھیا جِدے اُتے کوئی بیٹھیا سی۔ ³ ۳۔ جو اوہدے اُتے بیٹھا سی او سنگِ یشب تے عقیق ہار (وانگ) لگدا سی۔ تخت دے دوالے ست رنگی پینگھ سی اے ست رنگی پینگھ زمرد ورگی لگدی سی۔ ⁴ ۴۔ تخت دے دوالے چوئی تخت سن جناں اُتے چوئی بزرگ چٹّے کپڑیاں وچ تیّار بیٹھے سن، تے اُنہاں دے سِر تے سُنہری تاج سن۔ ⁵ ۵۔تخت وچوں بِجلیاں چمکدیاں، تے گرجاں نکل دیاں سن، تے تخت دے اگے ست دیوے بلدے سن۔ دیوے جیہڑے رب دیاں ست روحاں سن۔ ⁶ ۶۔ تخت دے سامنے شیشے دا سُمندر سی جو بلور ہار (ونگ) سی۔ تخت دے وِچکار تے تخت دے دوالے اگوں تے پِچھوں اکھاں نال بھرے چار جاندار سن۔ ⁷ ۷۔ پہلا جاندار مخلوق شیر ورگا سی، دوجا جاندار مخلوق وچھے ورگا، تیجے جاندار مخلوق دی شکل انسان ورگی سی، تے چوتھا جاندار مخلوق اُڈن والے عُقاب ورگی سی۔ ⁸ ۸۔چاراں جانداراں مخلوقاں دے چھ چھ پر سن جیہڑے اُتوں تھلوں اکھاں نال بھرے ہوئے سن۔ دِن رات اوہ اے کہنا بند نئیں کردے سن” قُدوس، قُدوس، قُدوس“ اے خُداوند خُدا قادرِ مُطلق جو سی، تے جو ہے، تے جیہڑا آن والا اے۔ ⁹ ۹۔ جدوں وی جاندار مخلوق تخت اُتے بین والے نوں، جیہڑا سَدا تیکر زندہ رہندا اےجلال، عزّت تے شُکرگزاری دیندے تے، ¹⁰ ۱۰۔ چوبیس (چوی) بُزرگ تخت تے بیٹھے ہوئے اگے ڈِگ کے اوہدی عِبادت (بندگی) کردے سن جیہڑا سَدا تیکر حیات اے۔ او اپنے تاج تخت دے اگے رکھ کے اے کہندے سَن، ¹¹ ۱۱۔ ساڈے خُداوند تے ساڈے رب تُوں ای جلال، عزّت، قُدرت دے قابِل ایں کیوں جو تُوں ہی سب شیواں بنایاں تے اےتیری مرضی دے نال پیدا ہویاں تے اُنہاں دا وجود اے۔