¹ ۱۔فیر فرشتے نے مینوں حیاتی دے پانی دا دریا وکھایا جیڑا صاف تے شفاف سی۔ ² ۲۔او خدا دے تے برے دے تخت وچوں شہر دے درمیان وگدا سی، اوھدے دووان پاسے حیاتی دے درخت سن جناں تے ہرمہینے بارہ طرنح دے پھل لگدے سن۔ اوس درخت دے پتیاں وچ قوماں لئ شِفا سی۔ ³ ۳۔تے فیر کوئ وی لعنت نہ ہووے گی، خدا تے برے دا تخت شہر وچ ہو وے گا تے اوہدے خدمتگار اوہدی خدمت کرن گے۔ ⁴ ۴۔ اوہدا ناں اوہناں دے متھے تے لکھیا ہووے گا تے او اوہدا منہ ویکھن گے۔ ⁵ ۵۔اوہناں نوں سورج تے روشنی دی لوڑ نہ ہووے گی کیونجے اوہتھے رات نہ ہووے گی، اوہناں نوں چراغ تے سورج دی روشنی دی لوڑ نہ ہو وے گہ کیوں جے خداوند خدا دا نور اوناں تے چمکے گا تے او ہمیشہ تیکر راج کرن گے۔ ⁶ ۶۔تے فرشتے نے مینوں کیا کہ اے کلام سچا تے بھروسے دے لائق اےـ خداوند جیہڑا نبیاں دی روحاں دا خُدا اے اوہنے اپنے فرشتے نوں گھلیا کے اپنے خادماں نوں او وکھاے جو کُجھ چھیتی ہون والا اے۔ ⁷ ۷۔ویکھ میں چھیتی آن والا آں۔ مبارک نے اوہ جیہڑے ایس نبوت دی کتاب دی گلاں نوں مندا اے۔ ⁸ ۸۔میں یوحنا ہاں، جنے اے گلاں سُنیاں تے ویکھایاں نیں۔ جدوں میں اے سُنیا تے ویکھیا، تے میں اوس فرشتے نوں سجدہ کرن لئ اوہدے پیراں وچ دگیا جیہڑا مینوں اے سب وکھا رہیا سی۔ ⁹ ۹۔اوہنے مینوں کیا کہ ایج نہ کرمیں وی تیرے نبی بھراواں تیراں تے تیری طرح ہی خدمت گزارآں تے اوہناں دی طرح جو اس کتاب دی گلاں تے عمل کردے نیں۔ خُدا دی عبادت کر۔ ¹⁰ ۱۰۔اوہنے مینوں آکھیا کے ایس نبوت دی کتاب دیاں گلاں نوں بند نہ کر کیوں جے ویلا نیڑے اے۔ ¹¹ ۱۱۔جیڑا راستباز نئ اوہنوں ناراست ہی رہن دو، جیہڑا اخلاقی برئیاں وچ اے اوہنوں اوہدے وچ ہی رہن دو۔ جیہڑا راستی دے کم کردا اے اوہنوں راستے دے کم کرن دیو۔ جیہڑا پاکباز اے او پاکیزگی جاری رکھے۔ ¹² ۱۲۔ویکھ میں جلد آن والا آں تے میرے کول ہر اک نو اوہدے کماں دے وانگر دین لئ انعام اے۔ ¹³ ۱۳۔میں الفا تے اومیگا آں، پہلا تے آخری، شروع تے آخر آں۔ ¹⁴ ۱۴۔دھنی نے او جنہاں نے اپنے چوغے دھوتے نیں تاں جو اوہناں نوں حیاتی دے درخت دا پھل کھان دی تے بوہے تھانی شہر وچ جان دا حق حاصل ہو وے گا۔ نوٹ: دھن نے او جناں اپنے چوغے دھوتے نیں، اہدے بجاے کُجھ پرانے ترجمیاں وچ اے لکھیا اے کہ ۔ دھن نے او جناں نے اوہدے حکماں تے عمل کیتا۔ ¹⁵ ۱۵۔تے کتے، جادوگر، حرامکار، قاتل، بت پرست تے ہر کوئ جیہڑا جھوٹ تے چلدا اے تے اوہنوں پیار کردا اے او باہر رہن گے۔ ¹⁶ ۱۶۔میں یسوع ہاں جنیں اپنے فرشتے نوں کلیساؤاں انہاں گلاں دی گواہی دین واسطے گھلیا۔ میں داود دی نسل تے اوہدی جڑ ہاں، تڑکے دا روشن ستارہ۔ ¹⁷ ۱۷۔روح تے دلہن اے کہندے نیں ’آو‘، جیہڑا وہ اے سُندا اے کوے آو! جو کوئ وی پیاسا اے اوہنوں آن دیو تے جہیڑا وی اہدی چاہ رکھدا اے اوہنوں آزادی نال حیاتی دا پانی لین دیو۔ ¹⁸ ۱۸۔میں اوہناں نوں گواہی دیناں جہیڑے ایس نبوت دی کتاب نوں سُندے نیں۔ تے جو کوئ ایدے وچ کُجھ وداے تے خُدا اوہدے حساب وچ او ساریاں مُصیبتاں جیہڑیاں ایس کتاب چہ لکھیاں نیں پا دوے گا۔ ¹⁹ ۱۹۔جیہڑا وی ایس کتاب دی نبوت دے الفاظ گھٹاے گا، خُدا حیاتی دے درخت تے مُقدس شہر وچوں اُہدا حصؔہ لے لے گا۔ جدے بارے وچ ایس کتاب دے وچ لکھیا اے۔ ²⁰ ۲۰۔او جیہڑا انہاں شیواں دی گواہی دیندا اے کہندا اے ’ہاں میں چھیتی آ ریا واں، آمین ! خداوند یسوع آ ! ۔ ²¹ ۲۱۔خداوند یسوع مسیح دا فضل ساریاں تے ہووے، آمین۔ نوٹ: کُجھ پُرانیاں ترجمیاں وچ لکھیا اے ’ حیاتی دی کتاب تے مقدس شہرجیہڑے ایس کتاب وچ لکھے نیں ایناں وچوں خُدا انسان دا حصہ لے لوے گا۔