¹ ۱۔تے میں برّے نوں صیحونؔ دے پہاڑ تے کھلوتے ویکھیا۔ اوہدے نال ۱۴۴۰۰۰ برزگ وی سن جناں دے متّھے تے اوہدا تے اوہدے پیو دا ناں لکھیا ہویا سی۔ ² ۲۔مَیں اَسمان توں اک آواز سُنی جیڑی پانیاں دے شور تے بجلی دی کڑکی وانگوں سی تے جیہڑی اَواز میں سُنی او اس طرح سی کے جیویں بربط وجان والے بربط وجا رہیے ہون۔ ³ ۳۔اُنہاں نے تخت تے چار جانداراں سامنے اِک نوا گیت گایا۔ اے گیت ۱۴۴۰۰۰ برزگ توں علاوہ ہو کوئی وی نی سِکھ سکیا۔ ⁴ ۴۔تے اے اوہ نے جنہاں نے اپنے آپ نوں عورتاں نال پلیت نئیں کیتا تے نہ ای کوئی بدکاری کیتی اے او نیں جیہڑے برّے دے پِیچھے چلدے نے اوہ جدر وی جاوے تے انہاں نوں آدمیاں وچوں مُل لیا تاں جو خُدا تے برّے دے پہلے پھل ٹھہرن۔ ⁵ ۵۔اے بے عیب نے تے انہاں چے کوئی جھوٹ نئیں پیا گیا۔ [نوٹ: کُجھ پُرانیاں کتاباں چے لکھیا اے خُدا دے۔] ⁶ ۶۔میں ہوا دے درمیاں اک فرشتہ ویکھیا جدے کول ساری انجیل سی تے اوہ زمین تے رہن والی ساری قوماں، قبیلے، زباناں تے لوکاں نوں سُناندا سی۔ ⁷ ۷۔تے اوہنے اُچی اَواز وچ کیا خُدا توں ڈرو تے اوہدی وڈیائی کرو ۔ عدالت دی گھڑی آ گئی اے۔ اوہدی عبادت کرو جنیں اَسمان نوں، زمین نوں، سمندر نوں تے پانی دے چشمیاں نوں بنایا اے۔ ⁸ ۸۔اک ہور فرشتہ، دوجا فرشتہ اوہدے مگر ایہہ کہندے ہوئے آیا کہ ڈِگ گیا عالیشان بابل ڈِگ گیا جنے اپنی ناراستی دی مے ساریاں قوماں نوں پین لئی ورغلایہ۔ ⁹ ۹۔اک ہور فرشتہ، تیجا فرشتہ اوہناں دے مگر اُچی آواز وچ ایہہ کہندا سی کے جے کوئی حیوان دی تے اوہدی شبیہ دی پرستش کرے تے متھے تے یاں ہتھ تے حیوان دی مہر لوائی اے تے اوہدی یا اہدی شبیہ دی عبادت کردے نے۔ ¹⁰ ۱۰۔اوہ خُدا دے قہر دی مے وی پئے گا۔او مے جیڑی خالص اے تے اوہدے قہر دے پیالے وچ پائی گئی، اوہنو پین والا اگ تے گندھک نال برّے تے خُدا دے پاک فرشتیاں دے سامنے دُکھ اُٹھاے گا۔ ¹¹ ۱۱۔اوہناں دے عزاب دا دُھوں ہمیشہ لئی اُٹھ دا روے گا تے انسان نوں دِنے یا راتیں آرام نئیں ملے گا اور جیڑے حیوان دی یا اوہدی شبیہ دی پرشتش کردے سن تے اوہ جناں نے اوہدے ناں دا نشان (مہر) نوں لیا اے ¹² ۱۲۔پاک لوکاں مطلب کےخُدا دے حُکماں تے چلن والیاں اَتے یسُوعؔ تے ایمان لیان والیاں دے صبر دا ایہو ای موقع اے۔ ¹³ ۱۳۔تے میں اَسمان توں اک اَواز سُنی کے بابرکت (دھن) نے اوہ مُردے جیڑے خُداوند وچ موئے۔ ہاں رُوح ایہہ کہندا اے تاں جو او اپنی محنت توں آرام پان گے تے انہاں دے اعمال نال ہون گے۔ ¹⁴ ۱۴۔میں ویکھیا تے اوتھے اک سفید بدل سی ایس بدل تے میں ویکھیا تے اوتھے آدم دے پُتر وانگر کوئی بیٹھا سی اوہدے سر تے سُنہرا تاج تے اوہدے ہتھ وچ دانتری سی۔ ¹⁵ ۱۵۔تےفیرایک ہور فرشتے نے ہیکل توں نکل کے آیا تے اُچی اَواز وچ اوہنوں جیڑا بدّل تے بیٹا سی کیہا، ’’اپنی دانتری لے تے وڈھنا شروع کر کیوں جے وڈہن دا ویلہ آگیا اے تے زمین تے فصل تیار اے‘‘۔ ¹⁶ ۱۶۔تے فیر اُنیں ہتھ گھما کے زمین تے دانترے پھیری تے زمین دی فصل ودھی گئی تے اوہ جیڑا بدل تے بیٹھا سی ¹⁷ ۱۷۔اک ہور فرشتہ اَسمانی ہیکل توں آیا تے اوہدے کو وی اک تیز دانتری سی۔ ¹⁸ ۱۸۔تے اک ہو فرِشتہ بخور دے مذہبہ توں آیا جدے کول اگ دا اختیار اے۔ اُہنے اُہنوں جدے کول تیز دانتری سی اُچی اَواز وچ کیہا اپنی دانتری لے تے اِہیناں انگور دے گُچھیاں نوں بیل توں وڈھ لے۔ کیوں جے اے پک گئے نے۔ ¹⁹ ۱۹۔تے اوس فرشتے نے اپنی دانتری زمین ول گھمائی تے پکّے انگور جمع کر لے اُہنے او سارے وڈھے کوھلو وچ سُٹ دِتے جِتھے خُدا دا قہر سی۔ ²⁰ ۲۰۔تے شہروں بار انگوراں نوں کولھو وچ روندیا گیا تے اوہدی توں خون بار نوں ڈُلدا ہویا گھوڑے دی لگام تک ۱۶۰۰ فرلانگ تک آگیا۔