1
۱۔مینوں عصا دی طرح پیمائش والی لکڑی دِتی گئی تاں جو مَیں پیمائش لئی استعمال کراں۔ مینوں اَے آکھیا گیا ’’اُٹھ تے خدا دی ہیکل تے مذبحہ گاہ دی پیمائش کراں تے اَوہ جیڑے ایدھے اندر عبادت کر دے نے۔
2
۲۔پر ہیکل دے ویڑے نوں چَھڈ دے کیوں جو ایہہ غیر قوماں نوں دِتا گیا اَے۔ اوہ ۴۲ مہنیاں تک مُقدس شہر نوں غرق کرن گے۔
3
۳۔مَیں اپنے دو گواہاں نوں جیڑے ٹاٹ اوڑے ہون گے، اختیار دیاں گا کہ اُوہ ۱۲۶۰ دِناں تک نبوت کرن۔
4
۴۔ایہہ گواہ دوانجیر دے درخت تے دو چراغدان ہین جیڑے دھرتی دے رب دے سامنے کھلوتے ہین۔
5
۵۔اگر کوئی اونوں نقصان پچان دے سوچے گا تے اُنہاں دے مُنہ وچوں اَگ نکل کے اُنہاں دے دشمناں نوں بھسم کر جائے گی۔ اگر کوئی اُنہاں نوں نقصان پچان دی خواہش کرے گا اوہ قتل کر دتا جائے گا۔
6
۶۔اُنہاں گواہاں نوں ایہہ اختیار دتا جائے گا کہ اُوہ آسمان نوں بند کر دین تاں جو نبوت دے دوران بارش نہ ہوئے۔ اُنہاں کول طاقت ہووے گی کہ جدوں مرضی پانیاں نوں خون بنادین تے ساری زمین اُتے ہر قسم دی آفت بھیج سکن۔
7
۷۔جدوں اُوہ اپنی گوائی ختم کر لین گے اُوس وقت زمین دی اتھاہ گہرائی وچوں اِک ڈنگر نکل کے اُنہاں دے خلاف جنگ چھیڑ دے گا۔ اُوہ اُنہاں نوں فتح کر لئے گا تے ہلاک کر دے گا۔
8
۸۔اُناں دیاں لاشاں وڈے شہر دیاں سڑکاں وچ پیاں رہن گیاں (جنہوں تشبیہ کے طور نال صدُوم تے مِصر کہندے نے) جِتھے اُناں دے خُداوند نوں سُولی اُتے چڑایا گیا۔
9
۹۔ساڑھے تین دِن تک ہر قبیلے، زبان تے قوم دے کجھ لوک اُناں دیاں لاشاں نوں ویکھن گے۔
10
۱۰۔تے اُنہاں نوں اُناں دیاں لاشاں، قبریاں وچ نئیں رکھن دین گے۔
11
۱۱۔اُوہ جیڑے دھرتی تے زندہ رہن گے۔ اوہ خُوشی مناؤن تے خوش ہون گے۔ ایتھوں تک کہ اوہ اِک دوسرے نوں تحفے وی دین گے کیوں جو اُنہاں دو نبیاں نے زمین تے زمین والیاں نوں دُکھ تکلیف دتی۔
12
۱۲۔پَر سارھے تِناں دِناں دے بعد اُنہاں وچ خدا ولوں زندگی دا ساہ پھونک دِتاں جائے گا۔ تے اَوہ اپنے پیراں اُتے کھڑے ہو جان گے۔ جیڑے اُناں نوں ویکھن گے اُناں اُوتھے خوف طاری ہو جائےگا۔
13
۱۳۔فیر اُوہ آسمان توں اِک اُچی آواز سُنن گے جیڑی اُناں نوں کہے گی میرےوَل اُتے آجا۔ فیر اُوہ بدلاں وِچ آسمان اُتے چلے جان گے جدوں اُنہاں دے دشمن ویندے ہون گے۔
14
۱۴۔اُوسے گھڑی اِک وڈا بھونچال آجائے گا تے شہر دا دسواں حِصّہ غرق ہو جائے گا۔ ست ہزار لوک اوس پچال وِچ مر جان گے تے بچ جان والے لوک ڈر جان گے تے آسمان دے خُدا دی تمجید کرن گے۔
15
۱۵۔دوسرا دُکھ گُذر گیا۔ ویکھ! تیرا افسوس جلد شروع ہون والا اَے۔ فیر ستویں فرشتے نے اپنا نرسنگا وجایا تے اُچیاں آوازاں آسمان وچوں آیاں کہ ’’ دُنیادی بادشاہت، خداوند تے اُہدے مسیح دی بادشاہت وچ بدل گئی اے، اُوہ ہمیشہ ہمیشہ تک راج کرے گا ‘‘۔
16
۱۶۔ خیر چوی بزرگ جیڑے اپنے اپنے تخت اُتے خُدا دی حضوری وچ حاضر رہندے نے اوہ اپنے منہ دے بل ڈگ پئے تے رب دی پرستش کرن لگ پئے۔
17
۱۷۔ اُناں کہیا ’’ اسی تیرا شکر ادا کر دے ہاں، خُداوند قادرِ مطلق، جیڑا ہے اور تھا، کیوں جوں توں اپنی طاقت دے نال حکمرانی شروع کر دِتی اَے۔ نوٹ: کُجچ ترجماں وچ ایویں لکھیا اَے کہ ہر اِک اُتے حکمران اُوہ جیڑا سی، جیڑا ہے تے جیڑا آؤن والا اے پر زیادہ جدید
18
۱۸۔ قوماں نوں غصے آیا تیرا غضب نازل ہو گیا۔ وقت آگیا اَے کہ مُردیاں دا حساب کیتا جائے اَور توں وی اپنے خادماں نبیاں نوں اَجر دئیں۔جیڑے ایمان دار نے تے جیڑے تیرے ناں توں ڈر دے نے۔ دویں جیڑے گھٹیا تے زور آور ے تیرا وقت آگیا اَے کہ توں اُناں نوں تباہ کریں جیڑے ایس دھرتی نوں تباہ کر رہے نے۔
19
۱۹۔فیر اُتے خدا دی ہیکل کھول دِتی گئی تے اُہدی ہیکل وچوں اُہدے عہد دا صندوق نظر آیا۔ تے بجلیاں گرجاں تے آوازاں پیدا ہویاں بھوچال آئے تے بڑے اَولے برسے۔