اے خدا وند دائود دے لئی ۔ ¹ ۱۔ اوہدی ساری فکر مندی نوں یاد کر۔ ² ۲۔ پئی کیویں اوہنے خدا وند نال توں سونہہ کھادی ۔ تے یعقوب دے قادر دے اگے منت منگی ۔ ³ ۳۔ ’’ میں اپنے گھر وچ اُکا نہیں وڑاں گا ۔ تے نہ اپنے سون دے پلنگ تے ای جاواں گا ۔ ⁴ ۴۔ میں اپنیاں اکھاں وچ نیندر ۔ تے اپنیاں پپلیاں وچ ہُگلانا نہیں آون دیاں گا ۔ ⁵ ۵۔ جدوں تیکر پئی میں اپنے خدا وند لئی تھاں ۔ تے یعقوب دے قادر لئی گھر نہ لے لواں ۔‘‘ ⁶ ۶۔ ویکھو اساں اوہدی خبر افراتہ وچ سُنی ۔ اساں اوہنوں یاعر دیاں پیلیاں وچوں لتا ۔ ⁷ ۷۔ آئو اسیں اوہدے گھر وچ وڑیے ۔ اوہدے پیراں دی چوکی اگے کرئیے۔ ⁸ ۸۔ اے خدا اپنی آرام کرن آلی تھاں ول جان لئی اُٹھ ۔ توں تے تیری وڈائی دی پیٹی ۔ ⁹ ۹۔ تیرے کاہن سچائی دے کپڑے پاون ۔ تیرے مقدس خوشی دے نعرے مارن ۔ ¹⁰ ۱۰۔ اپنے بندے دائود لئی ۔ اپنے ممسوح دا منہ نامنظور نہ کر ۔ ¹¹ ۱۱۔ خدا وند نے دائود توں سونہہ کھا کے ۔ اک پکا قول کیتا اے جہدے توں اوہ پھرے گا نہیں ۔ پئی میں تیرے صلب دی اولاد وچوں ۔ تیرت تخت تے بٹھاواں گا ۔ ¹² ۱۲۔ جے تیرے پتر میرے قول قرار تے ۔ تے اوہناں شہادتاں تے چلن جیہڑیاں میں اوہناں نوں سکھاواں گا۔ تاں اوہناں دے پتر وی سدا ۔ تیرے تخت تے بیٹھن گے ۔ ¹³ ۱۳۔ کیوں جو خدا وند نے صیہون نوں چُنیا اے ۔ اوہنے اوہنوں اپنی گدی لئی پسند کیتا اے ۔ ¹⁴ ۱۴۔ ایہو سدا لئی میرے آرام کرن دی تھاں اے ۔ ۔ میں ایتھے ای رہواں گا کیوں جو میں اوہنوں پسند کیتا اے ۔ ¹⁵ ۱۵۔ میں اوہدی روزی وچ چنگی برکت پاواں گا ۔ اوہدے مسکیناں نوں روٹی نال رجاواں گا ۔ ¹⁶ ۱۶۔ اوہدے کاہناں نوں میں چھٹکارے دا لباس دیاں گا ۔ تے اوہدے مقدس خوشی دے نعرے مارن گے ۔ ¹⁷ ۱۷۔ اوتھے ای میں دائود لئی ایک سنگ پیدا کراں گا ۔ اپنے ممسوح لئی اک چراغ بناواں گا ۔ ¹⁸ ۱۸۔ اوہدے دشمناں نوں میں حیرانی دے کپڑے پواواں گا ۔ پر اوہدے اُتے میرا تاج لشکے گا ۔