1
۔ ہارونؔ تے مُوسیٰ دی اولاد ایہہ وے ۔ جیہڑے دیہاڑے خداوند نے سیِنا ؔ دے پہار اُتے مُوسیٰؔ نال کلام کیتا ۔ تدوں ہارون ؔ دی ایہہ اولاد سی ۔
2
۔ ہارون ؔ دے پُتراں دے ایہہ ناں نیں ۔ نادابؔ پلیٹھی دے تے ابی ہُود ؔ تے ابی عازار ؔ تے ایِتا مارؔ
3
۔ ایہہ ہارونؔ دے اوہناں پُتراں دے نیں ، جیہڑے مسح کیتے ہوے سَن ۔ جیہناں دے ہَتھ کہانت کَرن لئی پاک کیتے گئے ۔
4
۔ تے نادِب تے الی ہودؔ خداوند دے اگے مر گئے ، جیہدوں اوہنان نے سیِنا ؔ دے صحرا وِچ خداوند دے اَگے شریعت دے خلاف اَگ ورتی ۔ تے اوہ بے اولاد سَن ۔ تے اَلی عازار ؔ تے ایِتا مار اپنے پیو ہاروں ؔ دی حاضری وِچ کہانت دی خدمت کردے سَن ۔
5
۔ تے خداوند نے مُوسیٰ ؔ نال کلام کر کے حُکم دِتا ۔
6
۔ پئی لاویؔ دے قبیلے نوں لے کے آ، تے اوہناں نُوں ہارونؔ کاہن دے اَگے کھلار دے ۔ تے اوہ اوہدی سیوا کرن ۔
7
۔ تےاوہ حضوری دے خیمہ دے اَگے اوہدی تے حاضر مجمع دی راکھی کرن تے مسکن دی خدمت لئی تیار رہن ۔
8
۔ حضوری دے خیمہ دا سارا سامان تے جیہڑا کُجھ بنی اسرائیل ؔ دے حاضر مجمع دے ولوں اے ۔ اوہدے ذمہ دار ہون تے اوہ مسکن دی خدنت لئی تیار رہن ۔
9
۔ تے توں لاویاں ؔ نوں تے ہارون ؔ تے اوہدے پُتراں دے سپُرد کر ۔ ایس لئی اوہ بنی اسرائیلؔ دے وچوں اوہنوں ہدیہ دے وانگوں دے دِتے گئے نیں ۔
10
۔ تے تُوں ہارونؔ تے اوہدے پُتراں نوں مُقرر کرو ۔ تاں جو کہانت دی خدمت کرن تے جے کر کوئی بندہ مسح ہویوں بغیر نیڑے اوے ، تے فیر اوہ قتل کیتا جاوے گا ۔
11
۔ تے خداوند نے مُوسیٰؔ نال کلام کرکے حُکم دِتا ۔
12
۔ پئی بنی اسرائیل ؔ وِچوں میں لاویاں نوں سبھو پلوٹھیاں دی تھان جیہڑے بنی اسرائیلؔ دی کُکھ نوں کھولدے نیں لے لیا اے۔ ایس لئی لاوی ؔ میرے ہون گے ۔
13
۔ ایس لئی پئی سارے پلوٹھے میرے نیں جیہڑے دیہاڑے میں مصرؔ دے دیس وِچ ساریاں پلوٹھیاں نوں ماریا ۔ تے فیر میں بنی اسرائیلؔ وِچ انساناں تے حیواناں دے سبھو پلوٹھیاں نوں اپنے لئی چُن لیا ، ایس لئی اوہ میرے ہون گے ، میں خُداوند وان ۔
14
۔ تے خُداوند مین سینا ؔ دے صحرا وِچ مُوسیٰ ؔ نال کلام کرکے حُکم دِتا سی ۔
15
۔ پئی بنی لاویؔ دا اوہناں دے پیو دا دیاں دے گھرانین تے خانداناں دے تعلق نال گنتی کر ہر اِک مرد اِک مہینے تے ایہدے نالوں وَڈا گنیا جاوے ۔
16
۔ تدھ موسیٰؔ نے خداوند دے حُکم دے سببوں اوس نوں حُکم دِتا سی اوہناں دی گنتی کیتے ۔
17
۔ سو لاوی دے پُتراں دے ایہہ ناں سَن ۔ جیرسونؔ، تے قہاتؔ تے مراریؔ ۔
18
۔ تے جیرشون ؔ دی اولاد اپنیان گھرانیاں دے تعلق نال ایہہ وے۔لِبنیٰؔ تے شمعیؔ۔
19
تے قہاتؔ دی آل اپنے گھرانیاں دے تعلق نال عمرامؔ تے یصہاؔر تے حبرون ؔ تے عزی ایلؔ ۔
20
۔ تے مراریؔ دی اولاد اپنیاں گھرانیاں دے تعلق نال محلی ؔ تے مُوسیؔ سَن ۔ سو ایہہ لاویاں دے خاندناں دے تعلق نال اوہناں دے پیو دادیاں دے گھرانیاں دے سَن ۔
21
۔ جیرشونؔ توں لبنیٰ ؔ دا گھرانا تے شمعیؔ دا گھرانا سی ۔ ایہہ دونویں جیر شونیاں ؔ دے گھرانے سَن ۔
22
۔ اوہناں وچوں سبھو مرداں دی گنتی ، جیہڑے اِک مہینہ تے اوہدے نالوں وَڈے ، وَت ہزار پنج سو سَن ۔
23
۔ تے جیرشونؔ دے گھرانے مسکین دے پچھواڑ ے لہندے وَل ڈیرا لاہن ۔
24
۔ تے جیشونیاں دے پیو دادیاں دے گھرانیاں دا ھاکم لائیل ؔ دا پُت اِلی آساف ؔ ہووے گا ۔
25
۔ تے حضوری دے خیمہ وِچوں بنی جیرشون ایہناں شیواں دی رکھوالی کرن فے ۔ مسکین تے اوہدے غلاف تے اوہدے پَر دے حضورری دے خیمے دے دروازے د ے پَر ے ۔
26
۔ تے ویہڑے دے پر دیاں تے نسکن تے مذبح دے دوالے ویہڑے دے لوہے دا پردہ تے سبھو رَسیاں جیہڑیاں ورتن وِچ آؤندیاں نیں ۔
27
۔ تے قہات ؔ تون عمرامیاں ؔ تے یصہاریاںؔ تے حبرونیاں ؔ ۔ عُزی ایلیاں ؔ دے گھرانے سَن ایہہ قہاتاں دئے گھرانے سَن ۔
28
۔ اوہناں دے سبھو مرداں دی گنتی اِک مہینے تے ایہدے نالوں وَدے اَٹھ ہزار تِن سو س۔ن ۔ م؟قِس دی رکھوالی ایہناں دی ذمہ داری ہووے گی ۔
29
۔ تے بنی قہاتؔ دے گھرانے مَسکن دے اک پاسے وَل ڈیرے لاہن ۔
30
۔ تے قہانیں دے گھرانیں دے پیو دادیاں دے گھرانیں دا ھاکم عُزی ایلؔ دا پُتر اِلی صافانؔ ہووے گا ۔
31
۔ تے اوہ ایہناں شیواں دی رکھوالی کرن گے ۔ صندوق تے میز، تے دیواکھے تے مذبح تے مَقدس تے پردہ تے سبھو اوہدی خدمت لئی شیواں ۔
32
۔تے لاویاں دے حاکماں دا حاکم کاہن ہارن دے گھرانے سَن ۔ ایہہ مراری ؔ دے گھرانے سَن۔
33
۔ تے مراری توں مَحلیون ؔ تے مُوشئیوں دے گھرانے سَن ، ایہہ مراری ؔ دے گھرانے سَن ۔
34
۔ اوہناں دے ساریاں مرداں دی گنتی ، اِک مہینہ تے ایہدوں نالوں وَڈے چھے سو ہزار دوسو سِن ۔
35
۔ تے مراری ؔ دے گھرانیاں دے پیو دادیاں دے گھرانیاں دا حاکم ابی مائل ؔ دا پُت صوری ایلؔ سی تے اوہ مسکن دے اِک پاک پاسے پہاڑ وَل ڈیرے پان۔
36
۔ تے بنی مراریؔ دےذمے ایہناں شیواں دی رکھوالی ہووے گی ۔ مسکن تے اوہدے کوارے تے اوہدیاں تھمیاں تے اوہدے پائے تے اوہدا سارا سامان جیہڑا ایس خدمت لئی کم آوے ۔
37
۔ تے ویہڑے دیان تھمیاں جیہڑیاں اوہدے دوالے نیں ۔ تے اوہدے پائے تے اوہدیاں میخاں تے اوہدے رَسّے ۔
38
۔ تے مسکن دے اگے حضوری دے خیمے دے سامنے چَڑھدے پاسے مُوسیٰؔ تے ہارونؔ تے اوہدے پُتر دیرا لگا ۔ بنی اسرائیلؔ دے وچکار مُقدس دی رکھوالی اوہناں دی زمہ داری ہووے گی ۔ تے جیہڑا بندہ بغیر مسح ہوئیاں نیڑے اوے اوہ ماریا جاوے گا ۔
39
۔ سبھو لاویاں ؔ دی گنتی اوہناں دے گھرانیاں دے تعلق نال جہناں نُوں مُوسیٰؔ تے ہارون ؔ نیں۔ خداوند دے حُکم دے سببوں گِنیا ۔ سارے مرد جیہڑے اِک مہینہ تے ایہدے نالوں وَڈے بائی ہزار سَن ۔
40
۔ تے خداوند نے مُوسیٰؔ حُکم دِتا پئی اسرئیلؔ دے سبھ پلوٹھے پُتر اِک مہینہ تے ایس توں وَڈے نوں گِن ، تے اوہناں دے ناواں دی گنتی کر ۔
41
۔ تے توں لاویاں ؔ نوں میرے لئی بنی اسرائیل ؔ دے سبھو پلوٹھیاںدی تھاں لے ۔ میں خُداوند آں ۔ تے لاویاں ؔ دے ڈنگراں نُوں بنی اسرائیلؔ دے سبھو پلوٹھیاں دی تھاں لے ۔ میں خُداوند آں ۔ تے لاویاں ؔ دے ڈنگراں نُوں بنی اسرائیل ؔ دے ڈنگران دے سبھو پلوٹھیاں دی تھاں لے ۔
42
۔ تَدھ مُوسیٰ ؔ نے جیویں اوہنوںخُداوند میں حُکم دِتاا سی ۔ بنی اسرائیل ؔ وِچ سارے پلوٹھیاں نوں گِنیا ۔
43
۔ تے فیر پلوٹھے مَرد اِک مہینہ تے ایہدے توں وڈیان نوں جیہڑے ناواں دی گنتی دے پاروون گنیے گئے ، بائی ہزار دو تہتر سَن ۔
44
۔ تے خداوند نے مُوسیٰ ؔ نے مُوسیٰ ؔ نال کلام کر کے حُکم دِتا ۔
45
۔ پئی بنی اسرائیلؔ دے سبھو پلوٹھیاں دی تھان لاویاں ؔ نون اوہناں دے ڈنگراں دی تھان لاویں ؔ دے ڈنگران نوں لے ۔ تے لاویؔ میرے ہون گے ، میں خداوند آں ۔
46
۔ پَر بنی اسرائیلؔ دے پلوٹھیاں وِچ جیہڑے دو سو تہتر لاویاں ؔ تون وَدھ نیں اوہناں دے فِدیہ دے لئی ۔
47
۔ بندے پِچھے پنج مثقالاں ، مَقدِس دے مثقال دے برابر لے ( اِک مثقال ویہہ جیرو دے برابر ہُندا اے)
48
۔ تے تُوں ایہہ جیہڑی اوہناں توں بُہتیاں دا فِدیہ اے ۔ ہارونؔ تے اوہدے پُتران نون دیویں ۔
49
۔ تے فیر موُسیٰؔ نے فدیہ دی چاندی اوہناں کولوں لئی جیہڑے اوہناں کولوں جہناں دا فدیہ لاویاں ؔ توں وصول کیتا گیا ، بُہتے سَن ۔
50
۔ اوس نے بنی اسرائیل ؔ دے پلوٹھیاں کولوں اِک ہزار تِن سو پینسٹھ مِثقال چاندی مَقِدس دے مِثقال دے برابر وصول کیتی ۔
51
۔ تے مُوسیٰؔ نے ایس فِدیہ دی چاندی ہارونؔ تے اوہدے پُتراں نون دِتی ۔ خداوند دے حُکم دے مطابق جیویں پئی ، خُداوند نے مُوسیٰؔ نُوںحُکم دِتا سی ۔