¹ بنی اسرائیل ؔ دے مصر ؔ توں باہر نکلن دے بعد دوُجے سال دے دوُجے مہینے دے پہلے دِن سیناؔ دے صحرا وِچ حضوری دے خیمہ وِچ خُداوند نے مُوسیٰؔ نال ل بات کرکے حُکم دَتا ۔ ² پئی توں بنی اسرائیلؔ دے قبیلے دے سارے مرداں دا اوہناں دے خاندان تے جمّن پَو ہگ دے گھر انیاں دے تے ہر اِک ناں دے حساب نال گِنتی کر ۔ ³ یہاں ورھیاں دی عُمر توں لے کے تے ایہدے نالوں وَڈیاں دے جِنے وی اسرائیلؔ وِچ جنگ کرن دے لائق سَن ۔تُوں تے ہارونؔ اوہناں نُوں اوہناں دیاں فوجاں دے حساب نال گِنوں ۔ ⁴ تے تُہاڈے نال ہر اِک قبیلے دا اِک مرد ہووے جیہڑا اپنے جَدی پُشتیں گھرانے دا سردار اے ۔ ⁵ تے اوہناں آدمیاں دے نال جیہڑے تُہادے نال کھلون گے ۔ ایہہ نیں ۔ روُبن ؔ وِچوں شِدے اوُر ؔ دا پُتر الی ؔ صُور ؔ تے ⁶ شمعونؔ وِچوں صُوری ؔ شیدائیؔ دا پُت شِلمی ایل ؔ ⁷ یہوداہ وِچوں عمی ناداب ؔ دا پُت نِحشُون ؔ ⁸ یِساکر وِچوں صومر دا پُتر نتن ایل ؔ ⁹ زبُلُون وِچوں حَیلون ؔ دا پُت اِلی آب ۔ ¹⁰ بنی یُوسفؔ دے قبیلے افرائیم ؔ وِچوں عمی ہُود ؔ دا پُت اِلی شامع تے مَنسےؔ وِچوں فداؔ صُور دا پُت جملی ایل ؔ ¹¹ بنیامین ؔ وِچوں جِدونی ؔ دا پُت اَبی دان ؔ ¹² دانؔ وِچوں عمی شیدائی ؔ دا پُت احی ؔعازر ¹³ آشیِر وِچوں عکران ؔ دا پُت مَجی ایل ¹⁴ جاد ؔ ووِچوں رعوئیل ؔ دا پُت اِلی آساف ؔ ¹⁵ نفتالیؔ وِچوں عینانؔ دا پُت اَحی رَع ¹⁶ ایہہ اوہ نیں جیہڑے مجلس دے ممبر سَن ۔ تے اپنے پیو دادیاں دے قبیلیاں دے حاکم تے اسرائیلؔ دے ہزاراں دے سردار سَن ۔ ¹⁷ مُوسیٰ ؔ اوہناں بندیاں نُوں جیہڑے اپنے ناواں نال مُقرر کیتے گئے سَن ، لیا ۔ ¹⁸ تے اوہناں نُوں دوُجے مہینے دے پہلے دِن ساری گروہ نُوں ااکٹھا کیتا تے اوہناں نُوں اپنے خانداناں تے باپ دادا دے گھرانیاں دے ساریاں دے ناں گِنیں جیہڑے ویہہ ورھیاں دے ایہناں نالو وَڈے سَن اپنے نسب نامے دَسّے ۔ ¹⁹ جیویں خُداوند نے مُوسیٰ نُوں حُکم دِتا ۔ اوس نے حُکم دِتا ۔ اوس نے سیِناؔ دے میدان وِچ اوہناں نُوں گِن لیا ۔ ²⁰ بنی روبنؔ جیہڑا اسرائیلؔ دا پلیٹھی دا سی ، اپنی نسلاں تے خانداناں تے اپنے پیو دادیاں دے گھرانیاں دے وانگوں اوہناں دے ناواں دی کُل گِنتی جیہڑے ویہیاں ورھیاں دے تے ایہناں توں وَڈھے سَن ۔ تے لڑائی کرن دے لائق سَن ۔ ²¹ اوہناں دی گِنتی رُوبن ؔ دے قبیلے وِچ چھیالی ہزار پنج سو سی ۔ ²² تے بنی شمعونؔ اپنی نَسلاں تے اپنیاں خانداناں تے اپنے پیو دادیاں دے گھر انیاں دی گِنتی دے پاروں اوہناں دے خانداناں دی گِنتی کُل گِنتی ویہہ ورھیاں تے جیہڑے ایہناں توں وَڈیاں دی کُل گِنتی جیہڑے کَرن جوگے سَن ۔ ²³ اوہناں دی گنتی شمعون دے قبیلے وِچوں اناٹھ ہزار تِن سو سی ۔ ²⁴ تے بنی جادؔ اپنی نسلاں تے اپنیاں خانداناں تے اپنے پیو دادیاں دے گھر انیاں وِچ اوہناں دے ناواں دے شُمار دے پاروں سارے مَرد ویہہ ورھر تے ایہدے نالوں وَڈے جیہڑے لڑائی کرن جوگے سَن ۔ ²⁵ اوہناں دی گنتی جادؔ دے قبیلے وِچ پنتالی ہزار چھے سو پنجاہ سی ۔ ²⁶ تے بنی یہوداہؔ اپنی نسلاں تے اپنیاں خانداناں تے اپنے پیو دادیاں دے گھرانیاں وِچ اوہناں دے ناداں دی کنتی دے پاروں سبھو مَرد ویہہ درھیاں تے اوس توں وَڈے جیہڑے لڑائی کرن جوگےسَن۔ ²⁷ اوہناں دی گِنتی یہوداہ دے قبیلے وِچوں چوہتر ہزار چھے سو سَن ۔ ²⁸ تے بنی یساکرؔ اپنی نسلاں تے اَپنیاں خانداناں تے اپنے پیو دادیاں دے گھرانیاں دے اَنگوں اوہناں ناواں دی ساری گِنتی جیہڑے مَرد ویہہ ورھیاں تے ایہدے توں وَڈے جیہڑے لڑائی کرن جوگے سَن ۔ ²⁹ اوہناں دی گِنتی یساکرؔ دے قبیلے وِچوں چرونجہ ہزار چار سو سَن ۔ ³⁰ تے بنی زبلون ؔ اپنی نَسلاں تے اپنیاں خانداناں تے اپنے پیو دادیاں دے گھر انیاں دے اَنگوں اوہناں مردان دے ناواں دی کُل گِنتی جیہڑے ویہہ ورھیاں تے ایہدے توں وَڈے سَن تے جَنگ کن جوگے دسَن ۔ ³¹ اوہنا دی گِنتی زبلونؔ دے قبیلے دے پاروں ستونجہ ہزار چار سو سَن ۔ ³² تے بنی یُوسفؔ وچوں بنی افرائیم ؔ اپنی نسلاں تے اپنیاں خانداناں تے اپنے پیو پیو دادیاں دے گھرانیاں دے انگوں اوہناؐ دے سبھو ناواں دی کُل گنتی جیہڑے ویہہ ورھیاں تے ایہناں توں وی وڈے سَن ۔ تے لڑائی کرن جوگے سَن ۔ ³³ اوہنان دی گِنتی ، افرائیمّؔ دے قبیلے وِچ چاہلی ہزار پنج سو سَن ۔ ³⁴ تے منسی ؔ اپنی نسلاں تے اپنیاں خانداناں تے اپنے پیو دادیاں دے گھرانیاں وچوں اوہناں دے ناواں دی کُل گِنتی جیہڑے ویہہ سال تے ایہدے توں وَڈے سَن تے لڑائی کرن جو گے سِن ۔ ³⁵ اوہناں دی گِنتی منسیؔ دے قبیلے وِچوں بَتی ہزار دو سو سَن ۔ ³⁶ تے بنی بنیامینؔ اپنی نَسلاں تے اپنیان خانداناں تے اپنے پیو دادیاں دے گھرانیاں دے انگوں اوہناں دے ناواں دی گنتی سارے مَرد جیہڑے ویہہ ورھیاں تے ایہناں توںوَڈے جیہڑے جنگ کرن جوگے سَن ۔ ³⁷ اوہناں دی گِنتی ، بنیامین ؔ دے قبیلے وِچوں پینتی ہزار چار سو سِن ۔ ³⁸ تے بنی دان ؔ اپنی نسلاں تے اپنیاں خانداناں تے اپنے پیو دادیاں دے گھرانیاں دے انگوں اوہناں دے ناواں دی گنتی جیہڑے مَرد ویہہ ورھیاں تے اوہدے وڈے تے نالے لڑائی کرن جوگے سَن ۔ ³⁹ اوہناں دی گِنتی دان دئے قبیلے وِچوں باہٹھ ہزار ست سو سَن ۔ ⁴⁰ تے بنی آشرؔ اپنی نسلاں تے اپنیاں خانداناں تے اپنے پیو دادیاں دے گھرانیں وچوں اوہناں دے ناواں دے پاروں مَر داں دی گنتی جیہڑے ویہہ ورھیاں تے ایہناں توں وَڈ ے ، لڑائی کرن جوگے ۔ ⁴¹ ایہناں دی گنتی آشر ؔ دے قبیلے چوں اِکتالی ہزار پنج سو سَن ۔ ⁴² تے بنی نفتالی ؔ اپنی نسلاں تے اپنیاں خانداناں تے اپنے پیو دادیاں دے گھرانیاں وِچوں اوہناں دے ناواں نال مرداں دی گِنتی جیہڑے ویہہ ورھیاں تے وَڈے تے جنگ لئی کرن جو گے سَن ۔ ⁴³ تےنفتالی ؔ دے قبیلے وچوں کُل گنتی تروینجہ ہزار چار سو سَن ۔ ⁴⁴ ایہہ اوہ سَن جیہڑے گنے گئے سَن ۔ جہناں نُوں مُوسیٰ ؔ تے ہارونؔ تے اسرائیلؔ دے حاکماں نے گِنیاں سَن ، اوہ بارہ آدمی سَن ہر اِک پیو دادے دے خانداناں دے گھر وِچوں اِک بندہ ۔ ⁴⁵ تے سارے جیہڑے بنی اسرائیل ؔ دے انگوں اپنے پیو دادیاں دے گھرانے وچوں وَکھ کیتے گئے سَن ۔ جیہڑے ویہہ سال تے ایہدے توں وڈے سَن ۔ جیہڑے اسرائیل ؔ وچوں جنگ کرن جوگے سَن ۔ ⁴⁶ اوہناں ساریاں دی گنتی جیہڑے گِنے گئے ، چھے لکھ تِن ہزار پنج سو پنجاہ سَن ۔ ⁴⁷ پر اوہ جیہڑے لاوی سَن اپنے پیو دادے دے قبیلے دے انگوں اوہناں وِچ ناں گِنے گئے۔ ⁴⁸ ایس لئی پئی خُداوند نے مُوسیٰ ؔ نال گَل کرکے حُکم دِتا سی۔ ⁴⁹ پئی اوہ جیہڑے لاویؔ دے قبیلے دے نیں اوہناں دی گِنتی ناں کرنا تے ناں ای اوہناں نُوں بنی اسرائیلؔ دے نال نان مِلانا۔ ⁵⁰ تے تو لاویاں ؔ نُوں شہادت دے مسکن تے اوہدا سارا سامان تے اوہدے نال جیہڑیاں شیواں تعلق رکھ دیاں نیں ۔ اوہناں اُتے مُقرر کریں ۔ اوہ مسکن تے اوہدے سارے سامان نوں چُکن ۔ اوہ اوہدی سیوا کرن تے تے دوالے اپنے تنبو گڈن ۔ ⁵¹ جیدوں مسکن نوں کسے ہور تھاں تے جانا ہووے تے فیر لاویؔ اوہنوں لاہن تے جیدوں اوہنوں لگانا ہووے تے فیر وی لاویؔ اوہنوں کھلارن تے جے کر دوُجا آدمی ااوہدے نیڑے آوے تے فیر اوہ قتل کیتا جاوے ۔ ⁵² تے بنی اسرائیل ؔ وِچوں ہر اِک اپنے ڈیرے وِچ تے اپنے جھنڈے دے کول اپنے لشکر دے تعلق نال اُترے ۔ ⁵³ پر لاوی شہادت دے مسکن دے دوالے ڈیرا لاہن ۔ تاں جو بنی اسرائیلؔ دے مجمع اُتے پَوے تے شہادت دے مَسکن دی راکھی لئی لاوی پہرہ دین ۔ ⁵⁴ تے فیر ای بنی اسرائیلؔ سارا کُجھ جیہڑا خداوند نے مُوسیٰؔ نُوں حُکم دِتا سی ، اوہدے اُتے چَلن تے ایویں ای کیتا ۔