¹ ۱۔ سامریہ تے یروشلیم لئی خداوند دا کلام جہڑا شاہان یہوداہ یونام و آخزتے آخزیاہ دے دِناں وِچ میکاہ مورشتی اُتے رویا وِچ نازل ہویا۔ ² ۲۔ اے سارے لوکوں سُنو اے زمین تے اوھدی معموری کن لاؤ تاں جے خداوند خدا ہاں خداوند آودے پاک گھر توں تہاڈے خلاف گواہی دے ³ ۳۔ ویکھ ! خدا آودے گھر توں باہر نکل ریا اے او تھلے اُتریا اےتاں جے زمین دے اُچے تھاواں نوں ڈھا دیوے ⁴ ۴۔ پہاڑ اوھدے تھلے پگھل جاندے نے تے وادیاں پھٹ جاندیاں نے جس طرح موم اگ نال پگھل جاندا اے تے پانی ڈھلوان توں تھلے آندااے ⁵ ۵۔ اے سب یعقوب دی غلطی تے اِسرائیل دے گھرانے دے گناہ دا سبب اے یعقوب دی غلطی کی اے؟ کی سامریہ نہیں؟ یہوداہ دا اُچا مقام کی اے؟ کی یروشلیم نہیں؟ ⁶ ۶۔ ایس لئی میں سامریہ نوں کوڑے کرکٹ دا ڈھیر بناواں گا تے باغ لان آلی جگہ وانگوں بناواں گا تے اِیدے پتھراں نوں وادی وِچ لڑھکا دیواں گا تے اوھدی بنیادا ُکھاڑ دیواں گا ⁷ ۷۔ ایدے سارے بُت تور دِتے جاون گے ایدے بُتاں آلے گھراں دے سارے ہدئے اگ وِچ ساڑ دَتے جاون گے میں اودیاں مُورتیاں تباہ کراں گا کیوں جے اونے اوناں نوں نچن والیاں دی کمائی نال کٹھا کیتا سی تے او فیر نچن والی دی کمائی وانگوں استعمال کیتے جاون گے ⁸ ۸۔ ایس لئی میں نوحہ تے ماتم کراں گا میں ننگے پیر تے ننگے جسم نال پھراں گا میں گیڈر وانگوں چیکاں گا تے اُلو وانگوں غم کراں گا ⁹ ۹۔ کیوں جے قیدی دے زخم دا کوئی علاج نہی؛ او یہوداہ تیک آیا۔ ،او میرے لوکاں دے پھاٹک سگوں یُروشلیم تیک آن پونچیا۔ ¹⁰ ۱۰۔ جات وِچ اوھدی خبر نہ دینا۔ بلکل ماتم نہ کرو ۔ بیت عفرہ وِچ مٹی وِچ مُڑ جاؤ۔ ¹¹ ۱۱۔ اے سفیر وِچ رہین آلی تُو ننگی ہو کے بے شرمی نال ٹُر جا۔ ضانان وِچ رہین آلے باہر نہیں آون گے ۔ بیت ایضل ماتم وِچ نیں ؛ اِیدی رہین آلی تھاں تہاڈے توں لے لئی گئی۔ ¹² ۱۲۔ ماروت دے رہن آلے تڑپ دے نیں اوہ درد توں جان چھڈان دے انتطار وِچ نے کیوں جے خداوند وِلوں بربادی آگئی اے سگوں یروشلیم دے پھاٹک تک آن پونچی اے ۔ ¹³ ۱۳۔ لکیسؔ وِچ رہین آلی رتھ وِچ گھوڑے جُو۔ صیونؔ دی دھی دے گناہ دی پہل تیرے توں ای ہوئی۔ کیوں جے اِسرائیلؔ دے گناہ تیرے وچ نے۔ ¹⁴ ۱۴۔ ایس لئی تُو مورست جات نوں وکھ ہون دے تحفے دے ۔ اکذیب دے شہر، اِسرائیل دے بادشاواں لئی دھوکے دین آلے ثابت ہون گے ۔ ¹⁵ ۱۵۔ اے مریسہ دی رہین آلی میں اِک فتح مند نوں تیرے خلاف چُکاں گا۔ او جہڑی اِسرائیل دی شوکت اے عدلام وِچ آئے گی ۔ ¹⁶ ۱۶۔ آودی خوشی دین آلے بچیاں دے ماتم وِچ سر گنجا کروا؛ گریج وانگر پٹے کھمباں وانگوہو جا کیوں جے او تیرے کولوں قیدی ہو کے ٹر گئے