1
-میں اپنیاں اَکھاں نال وعدہ کیت اے پئی کنواری تے نطر نہ کرآں گا۔
2
-کیوں جو اُتوں خدا وَلوں کیہ اجر اے تے اُتلے جہان توں میری کیہ میراث اے۔
3
-کیہ شرارت کرن واللے نئیں مرد اتے پاپی دے لئی مُصیبت نئیں ؟
4
-کیہ اواہو میریاں راہواں تے اکھ نئیں رکھدا تے میرے ٹرن دی گنٹی نئیں کردا؟
5
-جے مین جھوٹ دی راہ تے ٹریاں ہاں یا میرے پیراں نے فریب دین لئی چھیتی کیتی ہووے۔
6
-(میں عدالت دی سچی ترکڑی چہ تولیاں جاواں تے خدا میری بے گناہی دا پتہ کرے ۔)
7
-یا میرے پیر راہ توں پھیرے ہوون یاں میرے دِل نے میریاں اَکھاں دی گل منی ہووے یاں میرے ہتھاں نُوں کوئی داغ لگا ہووے۔
8
-تے میں بیجاں تے رَجاں کھا کے ۔تے میریاں فصلاں اُجاڑ دِتیاں جان۔
9
-جے میرا دل کِسے ہور زنانی تے آیا ہووے یا میں اپنے گواہنڈی دے بوہے تے چھئی لا کے بیٹھا ہوواں۔
10
-تے میرے گھر والی کسے ہور دی چکی پیووے تے اوپرے بندے اوہدے وَل آؤن۔
11
-کیوں جو ایہہ وڈا جُرم اے ۔ایہو جیہا جُرم جہدی سزا قاضی دیندے نے۔
12
-ایہہ اَگ اے جیہڑی کھا کے مار چھڈ دی تے میری ساری نیکی نُوں پُٹ کے رکھ دیندی ۔
13
-جے میں اپنے غلام یاں نوکر انی دا حق ماریا ہووے جدوں اوہانں میرے نال جھگڑا کیتا ہووے ۔
14
-تے فیر جدوں خُدا اُٹھدا تے میں کیہ کردا تے جدؤں اوہو پُچھدا تے میں کیہ جواب دیندا ؟
15
-جنہے مینؤں کُکھ چہ بنایا کیہ اوہنوں نئیں بنایا ؟تےاِکو جہی کُکھ نے ساہنوں نئیں جمیا؟
16
-جے میں محتاجاں نُون دین توں ڈکیا ہووے تے یا ونڈیاں دی اکھ نُوں اتھرو دِتے ہوون۔
17
-یا میں اپنی بُرکی کلے نیں کھاہدی ہووے تے اوہدے توں یتیم نے نہ کھاہدا ہووے۔
18
-میں اپنے پیو وانگوں نِکیاں ہوندیاں توں اوہنوں پالدا رہیا تے ماں دی کُکھ چوں ای رنڈی دا حامی رہیا واں۔
19
-جے میں کسے نُوں ننگیاں مردا ویکھیا ہووے یا کسے غریب نُوں پاؤن لئی کپڑے نہ دِتے ہوون ۔
20
-جے اوہدی پِٹھ نے مینوں دغا نہ َتی ہووے تے جے اوہو مریاں بھیڈاں دی اُن نال گرم نہ ہویا ہووے۔
21
-جے میں کِسے یتیم تے ہتھ چُکیا ہووے جس ویلے میں پھاٹک تے اپنا رعب ویکھیا۔
22
-تے میرا موہڈالتھ جائے تے میری باہاں دی ہڈی جوڑ توں ٹُٹ جائے۔
23
-کیوں جو خُدا دا ڈر میرے تے بھارا سی تے اوہدی ساہ دے اَگے میرا کوئی زور نئیں سی۔
24
-جے میں سونے تے بھروسہ کیتا ہووے یا ں پاسے دے سونے تے مان کیتا ہووے۔
25
-جے میں ایس گلوں خوش ہویا ہواں پئی میری دولت ودھیری اے تے میرے ہتھ واہوا کجھ کٹھا کر لیا اے۔
26
-جے میں سورج نُوں اکھ بھر کے ویکھیا ہووے یاں چن تے جدوں اوہ پوری لو دیندا اے ۔
27
-کدی میرا دل میرے تے ریجھیا ہووے تے میرے منہ نے میرا میرا ہتھ چُمیا ہووے ۔
28
-تے اے وی اِک جُرم ہوندا ۔جہدی سزا قاضی دیندے نے ایس لئی پئی میں خدواند دا انکار کیتا ہوندا ۔
29
-کیہ میں اپنے ویری دے مرن تے خوش ہویا واں یا ں اوہدے تےآفت آئی تے میں راضی ہویا واں ۔
30
-میں تے اپنے منہ توں ایناں وی کرن دِتا پئی اوہدے تے لعنت گھل کے گناہ کراں ۔
31
-کیہ میرے ڈیرے دے توں نئیں سن کہندے ایہو جہا کو ن اے جیہڑا اوہدے دستر خوان توں گوشت کھا کے رجیا نہ ہووے۔
32
-پردیسی نُون رات گلی چہ کڈنی نئیں پئی تے سگؤں میں راہی دے لئی اپنا بوہا کھول دا ساں۔
33
-کیہ اپنا گناہ لُکایا اے جیویں پئی انسان بدی نُوں اپنے بدن چہ لُکان لئی کر دے نے۔
34
-ایس پاروں پئی میں لوکاں دے جتھے توں ڈرگیا تے خانوادیاں دی نفرت توں ڈریا ہواں ۔ایتھوں تیک پئی میں رہیا تے لوہے چوں باہر نہ نکلیا ۔
35
-اوہو کِتھے وے جیہرا میری سُنے آلودمیرے دستخط تے قادرِ مُطلق مینوں جواب دو ے۔تے میرے تے دعویٰ کرن والا لکھ کے دَوے۔
36
-ایسراں ہندا پئی میں اپنے موہڈے تے اوہنوں چُک لیندا تے اوہونں اپنےسر ے تاج وانگوں رکھدا ۔
37
-میں اوہنوں اپنے پیراں دا حساب دیندا تے دولتمند اں کول جان وانگؤں اوہدے کول جاندا ۔
38
-جے میری دھرتی نے میرے خلاف ہاڑا پایا ہووے یاں میری پیلی دیاں کھالیاں رویاں نے۔
39
-یاں میں رقم دتیوں بغیر اوہدا پھل کھاہدا ہووے یاں اوہناں دے مالکاں دی جان لئی ہووے۔
40
-تے اوہدے کنک دے بدلے کنڈیالیاں موہڑیاں تے جوواں دے بدلے کوڑے دانے اُگن ۔