1
۔ فیر ایُوب اپنا مُنہ کھول کے اپنے جمن دے دِن نوں بُرا بھلا کہن لگا۔
2
۔ اوہنے آکھیا:
3
۔ نست وجّے اوس دِن دا جِدن میں جمیا تے اوس رات دا وی جدوں آکھیا گیا بھئی مُنڈا ہویا اے!
4
۔ اوہ دِن ہنیر ے وِچ بدل جاوے ؛ رَبّ عرشاں توں اودھے وَل اَکھ وی نہ چُکے۔ نہ اوہدے تے کوئی چانن ہووے۔
5
۔ ہنیرے تے موت دا پرچھاواں اوہنوں فیر دبوچ لئوے ؛ بدلی اوہدے تے سِدا چھائی رہوے؛ ودھدے ہووے پرچھاویاں دی دہشت اوہدے تے پے جاوے۔
6
۔ گُو ڑھا ہنیرا اوس رات تے قابض ہو جاوے؛ اوہ سال دے دِنّاں وِچّ گِنیاں نہ جاوے تے نہ کسے مہینے وِچّ اپنی صُورت وکھاوے۔
7
۔ اوہ رات کوئی نہ جمّے؛ تے اوس وِچ خُوشی دی کوئی صدا نہ سُنیوے۔
8
۔ دِنّاں تے لعنت کرن والے اوس دِن تے وی لعنت کرن تے اوہ وی جہیڑے ڈرونے سمندری اژدھے دا شِکار کرنا چاہندے نیں۔
9
۔ اوہدی سرگی دے تارے بُجھ جان ؛ دِن دے چانن دی اُڈیک کرن والیاں نوں کُجھ نہ لبھے۔ تے نہ اوہ سویل دِیّاں پہلیاں کِرناں نُوں ویکھن جوگا ہووے۔
10
۔ کیوں جو اوہنے میری ماں دی کُوکھ دے بُوہے میرے لئے ڈوھے دِتّے۔ تاں جو مُصیبت میری آنکھاں توں لُکی رہوے۔
11
۔ میں جمندا تے کُوکھوں باہر آ وندے ویلے ہی مَر کیوں نہ گیاَ ؟
12
۔ میرے استقبال لئے گودی تے دودھ پیان لئی چھاتیاں کیوں سَن؟
13
۔ نیئں تاں اوس ویلے میں آرام نال لیٹیا ہوندا؛ تے چین دی نیندرے سُتا ہوندا۔
14
۔ جگ دے بادشاہواں تے وزیراں دے نال، جنہاں اپنے لئے مقبرے بنائے جہیڑے ہُن کھنڈر بن گئے نیں،
1516
۔ نیئں تاں اوس ویلے میں آرام نال لیٹیا ہوندا؛ تے چین دی نیندرے سُتا ہوندا۔ ۔ جگ دے بادشاہواں تے وزیراں دے نال، جنہاں اپنے لئے مقبرے بنائے جہیڑے ہُن کھنڈر بن گئے نیں،
17
۔ اوتھے شریر فصاد کرن توں باز رہندے نیں ، تے ماڑے حالاں والے چین پاندے نیں ۔
18
۔ تے قیدی وی اپنی رہائی دا ٹھَٹ لیندے نیں ؛ ہُن اوہناں نُوں راکھے دی چِلک نیئں سُنیندی ۔
19
۔ چھوٹے وڈھے سبھو اوتھے نیں ، تے کاما ں اپنے مالک توں رہائی پا گیا اے۔
20
۔ مُصیبت دے ماریاں نُوں چانن ، تے دُکھیاریاں نُوں جندڑی کیوں ملدی اے؟
21
۔ جہناں نُوں موت دی ڈھاڈی اُڈیک اے پر اوہ آوندی نئیں اوہ اوہنوں لُکیاں خزانیاں توں وی بوہتا لبھدے نیں۔
22
۔ قبرے پین دے بعد اوہ بڑے خُوش تے نہایت شادمان ہوندے ؟
23
۔ اجہے بندے نُوں جِدّی راہ ڈھکی ہوی اے جندڑی کیوں ملدی اے ، جِدّے لئی رَبّ نے سارے راہ بند کر دِتّے نیں ۔
24
۔ روٹی دے بدلے مینوں ہاواں ملدیاں نیں؛ میرے اَتھروُ پانی وانگ وگدے نیں۔
25
۔ جہڑی گل دا ڈر سی اوہ ہی میرے تے بِیت گئی؛ اخیر تے اوہو ہی ہویا جہندا مینوں ڈر سی۔
26
۔ مینوں نہ سُکون لبھا اے نہ تسلی؛ آرام نیئں لبھا نِرّا دُکھ ہی دُکھ اے۔