1
۔ تَدّ صوفر نعماتی ؔ نے خطاب کرکے آکھیا پئی ۔
2
۔ ایس لئی میرے خیال مینوں چُک دے نیں پئی میں جوب دیواں ایس سببوں مینوں بے چینی ایں ۔
3
۔میں اجیہی بے عزتی سُنی ایں ۔ جیہڑی مینوں شَرمندیاں کردی اے ۔ تے میریہ عقل دی روح مینوں جواب دیندی اے ۔
4
۔ کیہ تُوں ایس گَل نُوں سمجھدا پئی زمانے شروع توں جیہدوں اِنسان سھرتی تے رکھیا گیا ۔
5
۔ شریراں دی فتح ڈیگن والی ہُندی اے ۔ تے بے دیِن دی خُوشی اِک پَل دی اے ۔
6
۔ بھاویں اوہ اُچا ہو کے اسمان تیِک اَپڑے تے اوہدا بدلاں نال جا لَگے ۔
7
۔ اوہ اَپنی گندگی وانگوں سدا تیِک مُک جائے گا ۔ تے جِہناں نے ویکھیا سی اوہ آکھن گے پئی اوہ کِتھے وے ۔
8
۔ اوہ سُفنے وانگوں اُڈ جاوے گا ۔ تے پایا نئیں جاوے گا ۔ تے رات دے سُگنے وانگ مُکا جاوے گا۔
9
۔ جیہڑی اَکھ نے اوہنوں ویکھیا اوہ فیر اوہدے تے دھیان ناں دے گی ۔ تے اوہدی اوہنے رہن دی تھاں اوہنوں فیر ناں ویکھے گی ۔
10
۔ اوہدے پُتر مسکیِناں توں بھیِک منگن گے ۔ تے اوہدے ای ہَتھ اوہدی دولت اوہنوں پِشاں پَرتان گے ۔
11
۔ اوہدی جوانی اوہدیاں ہڈیاں نُوں پواں دین گئیاں ۔ تے اوہدے نال راکھ چہ سون گئیاں ۔
12
۔ بھاویں شرارت اوہدے مُونہہ نُوں مِٹھی لگے ۔ تے اوہ اوہنوں اپنی جیِبھ دے تھلے لُکاوے ۔
13
۔ بھاویں اوہ اوہنوں بچاکے رَکھے تے ناں چھڈے سگوں اَپنے تالوُ اُتے اوہنوں سانبھی رکھے۔
14
۔ فیر وی اوہدا کھانا اوہدیاں آندراں چہ بدل جاوے گا ۔ تے اوہدے ڈھڈ چہ سَپ دا زِہر بنے گا ۔
15
۔ اوہ دَولت نُوں ہِڑپ گیا ۔ پَر اوہنوں اُلٹی کردے گا ۔ خُدا اوہنوں اوہدے ڈھڈوں کڈھے گا ۔
16
۔ اوہ سَپ دازہر چُنگے گا ۔ تے چَپاں دی جیبھ اوہنوں مار دیوے گی ۔
17
۔ اوہ تیل دیاں نہراں تے شَہد تے مکھن دے ہَڑ نُوں ناں ویکھے گا ۔
18
۔ اوہ اَپنی کمائی نُوں پواں دئے گا ۔ تے کھا ناں سکے گا ۔ سگوں اَپنے نفع دے حِساب نال پیِشاں پَرتا دے فا ۔ تے فایدا ناں چُکے گا۔
19
۔ کیوں جو اوہنے مسکیِناں دا حَق ماریا اے ۔ تے اوہناں نُوں چھَڈیااے ۔ اوہنے دھکے نال گھَر لئے لیا اے ۔ جیہنے اوینوں بنایا ای نئیں ۔
20
۔ کیوں جو اوہنے اَپنیاں شیواں تے شُکر ناں کیِتا ۔ اوہ اپنے مَقصد نُوں نئیں سیانے گا ۔
21
۔ اوہدے کھانے چوں کُجھ نئیں ودھیا ۔ ایس لئی اوہدی کامیابی پکی ناں ہووے گی ۔
22
۔ سخاوت چہ پُکھ ننگ اوہنوں پھڑ لَے گی ۔ تے ہر اِک آفت دا ہَتھ اوہدے تے پوے گا ۔
23
۔ جد اوہ ڈھڈ بھرن نُوں ہووے تے رَب اوہدتے اپنے کرودھ دی اَگ سُٹ دا اے ۔ تے جیہدوں اوہ کھاندا ہووے تے اوہدے اُتے وساؤندا اے ۔
24
۔ جیکر اوہ لوئے دے ہَتھیار دے اَگیئوں بھَج جاوے تے پیَتل دی کمان اوہنوں وِنھے گی ۔
25
۔ تیِر اوہدی مگروں باہر آؤندا اے تے اوہدی چمکِلی نوک اوہدی تھاں توں نَکلدی اے ۔ تے خوف اوہدے اُتے آ جاندااے ۔
26
۔ اوہدیاں تجوریاں چہ سارا ہنیرا رکھیا گیا اے ۔ تے اوہنوں اوہ اَگ ہَڑپ جاوے گی جیِہدے تے پھُوک نئیں ماری گئی ۔ تے جو کُجھ اوہدے تنبُو چہ بچیا ہووے گا مِٹا دین گے ۔
27
۔ اسمان اوہدی بدی نُوں ظاہر کرن گے ۔ تے دھرتی اوہدے خلاف اُٹھے گی ۔
28
۔ اوہدے گھَر دی ودھنا رُک جاوے گا۔ تے اوہ غضب دے دیہاڑے چہ پَے جائے گا ۔
29
۔رَبّ وَ؟لوں شریر انسان دا ایہو ای اَجر اے ۔ تے رَبّ دے حُکم نال ایہو ای اوہدی میراث اے ۔ +