1
-تد اِلیفانہؔ تیمانی نیں مُخاطب کر کے آکھیا ۔
2
-کیہ دانشمند بندہ جھوٹھے عِلم نال جواب دیوے تے چڑھدے دی ہوا نال اپنا ڈھیڈ بھرے ؟
3
-تے بے فائدہ گلاں نال دَلیلاں دیوے تےبے سُؤد بول بولے ۔
4
-سَگوں تُوں تے فیر وِی خُڈا دے خوف نُوں رَد کر دِتا اے ۔تے خُدا دی عبادت نُوں ضائع کیتا وے۔
5
-ایسے لئی تیرا مونہہ تیری بُرائی نُوں ظاہر کر دا اے ۔تے تُوں دھوکا دین والیاں دی بولی بولنا ویں ۔
6
-تیرا ای مونہہ تینوں گنہگا ر قرار دیندا اے پئی میں نئیں ۔تے تیرے ای بُلہہ تیرے خلاف گواہی دیندے نیں ۔
7
-کیہ تُوں ای اوہ پہلا بندہ ایں جیہڑا جمیا سی ۔کیہ تُوں ای پہاڑیاں تَوں پہلاں بنایا گیا سی ؟
8
-کیہ تُوں خُدا دی صلاح مشورہ نُوں سُنیا سی۔کیہ تُوں حکمت نُوں اپنے تائیں رَوک رَکھنا ویں ؟
9
-تُوں ایسا کیہ جاندا ویں جِدا اَسانوں نئیں پتہ ؟تیرے وچ ایسی کیہڑی سمجھ اے ،جیہڑی ساڈے وِچ نئیں ؟
10
- ساڈے وِچ بوہت سارے چِٹے والاں دے نیں تے ایس طراں دے بُڈھے نیں جنہان دعی عمر تیرے پیو نالوں وی بوہتی اے۔
11
-کیہ خُڈا دیاں تَسلیاں تیرے لئی کُجھ گَھٹ نیں تے اوہ گلاں ویں جنہاں نرمی نال تیرے نال کیتیاں جاندیاں نیں ؟
12
-تیرا دل تینوں کیوں کھیچ لے جاؤندا اے ۔تے کیہڑی شےنال تیریاں اَکھاں وِچ چَمک آؤندی اے ؟
13
-پئی تُوں اپنی روح نُوں خُدا دی مخالفت وِچ بھانبھڑ لاویں گا ۔تے اپنے مونہہ توں اسی طراں دِیاں گَلاں کڈھیں گا ۔
14
-انسان کیہ شے وے پئی پاک ہووے ۔یاں عورت دا جمیا سچا ہووے ۔
15
-ویکھ ! اوہ اپنے مُقدساں اُتے وِوی یقین نئیں کرد ا۔تے اَسمان وِی اوہدی نظر وَچ پاک نئیں ۔
16
-تے فیر ایس طرآں دے مکرو تے بیکار بندے دا کیہ ذکر جیہڑا بُرائی نُوں پانی وانگوں پیندا اے ۔
17
-میں تینوں سمجھاواں گا ۔تُوں میری سُن تے جیہڑا میں ویکھیا اے اوہ تیرے اَگے بیان کراں گا ۔
18
-مَطلب اے پئی اوہ جیہڑا عقلمنداں نے دَسیا اے ۔تے جیہڑا اوہناں دے پیو دادیاں کولوں لُکیا نئیں رہیا۔
19
-صرف اوہناں نُوں ای دیس دِتا گیا تے اوہناں دے وچ کوئی وی بیگانہ نئیں سی۔
20
-بُرائی کرن والا اپنی ساری عمر غم زدہ ہُندا اے ۔مطلب اے پئی ساڈے سال جیہڑے ظالم لئی رکھے گئے نیں ۔
21
-ڈر اؤنیاں واجاں اوہدے کَناں وِچ ای نیں ۔صُلح دے ویلے ای ہلاک کرن والے اوہدے اُتے آجاون گے ۔
22
-اوہنوں بھروسہ ای نئیں پئی اوہ ہنیرے تَوں باہر نکلے گا ۔تے تلوار اوہدی اُڈیک وِچ اے ۔
23
-اوہنوں گِرجاں دی خوراک سمجھ کے سُٹ دِتا جاؤندا اے ۔اوہنوں پتہ اے پئی ہنیرے دے دیہاڑے نیڑے نیں۔
24
-آفت تے غریبی اوہنوں ایس طراں دے راجہ وانگوں ڈراؤندیاں نیں جیوں جنگ دے لئی تیار ہوون تے اوہ اوہدے اُتے فتح پا لین گِیاں ۔
25
-ایس لئی پئی اوہنے اپنا ہتھ خدا دے خلاف وَدھایا اے تے قادِر کُل نال زور آزمائی کیتی اے ۔
26
-اوہ اپنی اکڑی ہوئی دَھون دے سببوں اپنیہ موتیاں جَڑی ہوئی ڈھال نال لڑائی دے ہتھیا ر بَن کے مقابلہ لئی نسدا اے۔
27
-ایس لئی پئی موٹا پے نے اوہدا مونہہ ڈَھک لیا اے ،تے چربی اوہدے گُردیاں نُوں کَج لیا اے۔
28
-ایسے لئی اوہ اُجڑے شہراں وِچ وَس گیا اے تے اینج دے اُجڑے ہوئے گھراں وِچ جیہڑے کھنڈر ہون ای والے سَن۔
29
-اوہ دولت مند نئیں رہووے گا ۔تے ناں اوہدا مال رہووے گا ۔تے ناں ایہو جہیاں دی جائیداد دھرتی اُتے بوہتی ہُندی اے ۔
30
-اوہ ہنیرے وِچوں کدی وِی نئیں نکلے گا ۔اَگ دِیاں لِپٹاں اوہدیاں ڈالیاں سُکا دین گِیاں ۔تے تیز ہنیر ی اوہدیاں پَرو نبلاں توڑ دیوے گی ۔
31
-اوہ جھوٹھ اُتے بھروسہ کر کے دھوکھا ناں کھاوے ۔ایس لئی پئی جھوٹھ ای اوہدا منافع ہووے گا ۔
32
-ویلے تَوں پہلاں ای اوہدیاں شاخاں کَملا جاون گِیاں تے اوہدیاں ڈالیاں ہریاں نئیں رہن گِیاں ۔
33
-اوہ اوس انگور دی شاخ وانگوں اے جِدے انگور کَچے ای ڈِگ پیندے نیں ۔تے اوس زیتون وانگوں اے جِدیاں کَلیِاں ڈِگ پیندیاں نیں۔
34
-ایس لئی پئی بُریاں دی گروہ ۔بے پَل رہندی اے تے وڈی دے تمبویاں نُوں اَگ کھا جاوے گی ۔
35
-اوہناں نقصان پہنچان دا گربھ اے تے برائی جمدے نیں ۔تے اوہناں دے ڈِھیڈ وِچ دھوکھا تیار ہُندا اے ۔