1
۔ ایوب دا جواب۔ تد ایوب نیں جواب وچ آکھیا پئی ۔
2
۔ بلاشک تے فیر آدمی تاں توں ای ایں ،تے حکمت تیرے نال ای مرے گی۔
3
۔پر میری عقل وی تیرے ورگی اے۔تے میں تیرے نالوں کسے دی گل وچ گھٹ نیئں،تے کونایں جہیڑا اَینج دیاں گااں نیئں جاندا۔
4
میں اوہ بندا واں جہیڑا اپنیاں یاراں لئی مخول بنیاواں ۔تے جہیڑاخدا نوں پکاردا ساں تے جواب ملدا سی ۔" سچا تے دیندار بندہ مخولیاں لئی ہندا اے"۔
5
۔ جہیڑا چین تے آرام وچ اے اوہدے لئی حقارت مسکین دا حق اے ۔ تے جدا پیر تلکے اوہدے واسطے اوہ تیار کیتی گی اے۔
6
۔ ڈاکواں دے گھر سلامت رہندے نیں تے جیہڑے لوکی خدا نوں غصہ دیواندے نیں۔ اوہناں دے ہتھاں نوں خدا خوب بھر دا اے۔
7
۔پر توں جانوراں نوں پچھ تاں تینوں جواب دین گے ، تے اَسمان دے پرندیاں توں تے اوہ دسن گے دھرتی دے کیڑیاں مکوڑیاں کولوں کھوج کڈھ تے اوہ تینوں سکھان گے۔
8
۔ تے سمندر دیاں مچھلیاں کولوں تے اوہ تینوں سبق دین گیئیاں ۔
9
۔ ایہناں ساریاں وچوں کون اے جہیڑا نیں جاندا پئی خداوند ای دے ہتھ نیں ایہہ کیتا اے۔
10
۔ ساریاں زندیاں دی جان تے ہر بشر دی روح اوہدے ہتھ وچ ای اے۔
11
۔ کیہ کَن گلاں نُوں نئیں پرکھدا یاں کیہ تالوُ کھان پین دا سواد نئیں دیندا؟
12
۔ پکّی عُمر والے چہ دانائی ہُندی اے ۔ تے عمر دی درازی چہ دانائی اے ۔
13
۔ دانائی تے زور خُدا د ی اے ۔ تے دانائی تے عَقل اوہدی اے۔
14
۔ کیوں جو اوہ ڈھا دیندا اے ۔ تے بندا نئیں ۔ اوہ بندے نُوں بند کر دیندا اے پَر فیر کھُلدا نئیں ۔
15
۔ اوہ پانی نُوں روک دااے تے سب کُجھ سُک جاندا اے ۔ اوہ اوہنوں چھڈ دیندا اے تے اوہ دھرتی نُوں فنا کر دیندا اے ۔
16
۔ زور تے دانائی اوہدے ہَتھ چہ نئیں۔ فریب کھاہدا ہویا تے فریب دین والا دونویں اوہدے ہَتھ چہ نیں ۔
17
۔ اوہ مشیراں نُوں ننگیا کر دیندا اے ۔ تے حاکماں نُوں نادان بنا دیندا اے ۔
18
۔ اوہ باشاہواں دے کم بند کھول دیندا اے ۔ تے اوہناں دے لَکاں تے رَسے بنھ دا اے ۔
19
۔ اوہ کاہناں نُوں ننگیاکر دیندا اے ۔ تے زور والیاں نُوں پواں دیندا اے ۔
20
۔ اوہ اعتباری لوکاں دی جیبھ بدل دیندا اے ۔ اوہ بُڈھے بندیاں دی عقل کھو لیندا اے ۔
21
۔ اوہ امیراں نُوں بے عزت کردا اے ۔ تے زور والیاں دے کمر بند ڈھیلے کر دیندا اے ۔
22
۔ اوہ ہنیرے چہ اوہدیاں ڈونگیائیاں ظاہر کرد اے ۔ تے مو ت دے پرچھاویں نُوں لَو چہ لیاؤندا اے ۔
23
۔ اوہ قوماں نُوں ودھاندا۔ تے فیر اوہناں ہلاک کر دیندا اے ۔ اوہ اُمتاں نُوں کھلاردا ۔ تے فیر اہناں نُوں مِٹا دیندا اے ۔
24
۔ تے دھرتی دے حاکماں دی عَقل لے لیندا اے ۔ تے بے راہ اُجاڑ چہ اوہنوں بھُلا دیندا اے ۔
25
۔ تے اوہ ہنیرے وِچ لَو دے بغیر ٹَوندے پھِردے نیں ۔ تے اوہنو ں کملیاں وانگوں ڈانواں ڈول بنا دیندا اے ۔