¹ ۔صوؔفر دا خُطبہ۔ صوؔفر لغما نی نیں خطاب کر کے آکھیا پئی۔ ² ۔کیہ لمیاں گلاں دا جواب ناں دتا جاوے ۔ یاں مٹھیاں گلاں دی وجہ نال کوئی سچا ہندا اے۔ ³ ۔کیہ تیرے بکھڑے نال لوکی چپ رہن تے جدوں توں ٹھٹھا کرناں ویں تے تینوں کوئی شرمندہ ناں کرے۔ ⁴ ۔ توں آکھناں ویں پئی میرا علم صحیح اے تے میں تیریاں اَکھاں وچ پاک واں۔ ⁵ ۔ پر کاش ! خدا ای بولے ۔تے تینوں جواب دیں لئی اپنے لباں نوں کھولے۔ ⁶ ۔تے حکمت دے بھید تینوں سکھاوے ایس لئی پئی اوہدی تاثیر فرق فرق اے۔ پس تینوں پتہ ہووے، پئی خدا نے تیرے گناواں لئی تیرے نال نرمی کیتی اے۔ ^{7 8 9} ۔ توں آکھناں ویں پئی میرا علم صحیح اے تے میں تیریاں اَکھاں وچ پاک واں۔ ۔ پر کاش ! خدا ای بولے ۔تے تینوں جواب دیں لئی اپنے لباں نوں کھولے۔ ۔تے حکمت دے بھید تینوں سکھاوے ایس لئی پئی اوہدی تاثیر فرق فرق اے۔ پس تینوں پتہ ہووے، پئی خدا نے تیرے گناواں لئی تیرے نال نرمی کیتی اے۔ ¹⁰ ۔جے کر اوہ پھڑ لوے تے قید وچ سُٹ دیوے گا۔ویکھن وچ ایویں لگے پئی فیصلہ کیتا اے تے فیر اوہنوں کون منع کر سکدا اے ؟ ¹¹ ۔ایس لئی پئی اوہ برے آدمیاں نوں جاندا اے ۔تے بدی نوں ویکھدا اے ، بھاویں اوہدا خیال نہ کرے۔ ¹² ۔پر جاہل روح نوں تد سمجھے گا جد جنگلی کھوتے دا بچہ انسان پیدا کرے گا ۔ ¹³ ۔ پر جے کر توں اپنے دل نوں درست کریں تے اپنیاں نوں اوہدے ول چُکیں۔ ¹⁴ ۔جے کر اوس برائی نوں ختم کریں جہیڑی تیرے ہتھاں وچ اے، تے جھوٹ نوں اپنے خیمہ وچ ناں وسن دیویں ۔ ¹⁵ ۔ تد توں اپنے چہرے نوں بیداغ چُکیں گا سگوں توں قدماں اتے کھلوتا ریویں گا تے ناں ڈریں گا۔ ¹⁶ ۔ ایس لئی پئی توں بدحالی نوں بھل جاویں گا،یاں اوہنوں اوس پانی وانگوں یاد کریں گا جہیڑا وگ گیا اے ¹⁷ ۔تیری زندگی دوپہرے نالوں بہوتا چانن دیوے گی تے تیرا ہنیرا فجر وانگوں ہووے گا۔ ¹⁸ ۔تے اپنی آس دے سبوں اطمینان وچ رہویں گا ۔ اپنے چار چو فیرے ویکھیں گا تے چین نال سو یں گا۔ ¹⁹ ۔ توں ارام کریں گا ۔تے تینوں کوئی نیں ڈراوۓگا سگوں بہت سارے تیرے اِگے منت سما جت کریں گے۔ ²⁰ ۔ پر بدکاراں دی اکھاں اگے دہند رہوے گی ۔ اوہنا ں دے نسّن لئی وی کوئی رستہ نیئں لبھے گا۔ تے اوہناں دی آس موت یووے گی۔