¹ ۱۔ہن پہلے عہد چہ وی عبادت کرن تے قانوں سن تے زمینی مقدس وی سی۔ ² ۲۔تے اک مسکن بنایا گیا سی جدے پہلے حصّے (کمرے) چہ عہد دا صندوق، چراغدان، میز تے نذر دی روٹیاں سن تے ایہہ پاک مقام (جگہ) کہلاندا سی۔ ³ ۳۔تے پردے دے پچھلے پاسے اک ہور (حصّہ) کمرہ سی، جنہوں پاک ترین مقام کہندے سی۔ ⁴ ۴۔اوہدے چہ بخور لئی سونے دی قربانگاہ سی تے اوہدےچہ عہد دا صندوق سی جِدے تے سونا چڑھایا گیاسی۔ اوہدے وچ مِن اک سونے دے مرتبان، چہ پاکے رکھیا سی، ہارون دا ڈوڈیاں والا عصّا جدے تے ڈوڈیاں سن تے عہد دی تختیاں ۔ ⁵ ۵۔تے عہد دے صندوق دے پاکیزہ ڈھکن تے کروبیاں تے سایہ کیتا ہوا سی، جدے بارے وچ اسی ایس ویلے تفصیل چہ دَسناں نئیں چاہندے۔ ⁶ ۶۔انسان ساریاں شیواں نوں تیار کرن دے بعد، کاہن مسکن دے باہر والے حصّے (کمرے) چہ داخل ہو کے خدمت کرن لئی اندر آندے سن۔ ⁷ ۷۔پھر تے صرف سردار کاہن سال چہ اک وری دوجے حصّے (کمرے) چہ دے اندر جاندا سی۔ اوہ وی بغیر خون دے نئی اپنی تے لوکاں دے غیر ارادہ چہ کیتے ہوئے گُناہواں لئی۔ ⁸ ۸۔تے پاک روح ن امید وکھایا کہ جدو تک پہلا مسکن کھلوتا اے پاک مقام نوں جاندا راہ نئیں کُھلیا۔ ⁹ ۹۔تے ایہہ موجودہ زمانے لئی اِک تمثیل اے تے قربانیاں تے نذراں جیڑیاں چڑھائی جاندیاں نیں ایہہ عبادت کرن والیاں دا دل صاف نئیں کر دیاں۔ ¹⁰ ۱۰۔تے انسان دا تعلق صرف جسمانی کمّاں نال اے جیویں کھان پین، وضو کرنا یا ہتھ پیر دھونا۔ ایہہ اودھوں تک اے جدوں تک نوا حُکم نہ آوے۔ ¹¹ ۱۱۔مسیح چنگیاں شیواں دا سردار کاہن بن کے آیا۔ اوہ انسانی ہتھاں تے ایس زمین توں بنے ہوئے دی بجائے ایدھے توں ودھیا (اعلیٰ) تے کامل مسکن توں لنگھیا۔ [نوٹ: کُجھ دوجیاں ترجمیاں چہ لکھیا اے۔ ’’مسیح آن والی چنگیاں شیواں دا سردار کاہن بن کے آیا۔‘‘] ¹² ۱۲۔ایہ بکرے تے وچھیاں دے خون توں نئیں پر اوہدے اپنے خون توں جنہوں لے کے اوہ پاک ترین مقام چہ گیا تے اک او وری ابدی نجات حاصل کیتی۔ ¹³ ۱۳۔تے جدوں بکرے تے بیل تے بچھیا دی راکھ نال، اور جیڑے ناپاک تے جسمانی طور تے خدا لئی پاک ہوندے نیں۔ ¹⁴ ۱۴۔مسیح دا خون انسان توں کِنا وادھو ہوئے گا۔ جنے ازلی روح نُوں اپنے آپ نوں خدا لئی بے الزام (بے عیب) پیش کیتا، تے ساہڈے دِلاں توں مُردہ کمّاں توں صاف کر کے زندہ خُدا دی خدمت لئی تیار کیتا‘‘۔ ¹⁵ ۱۵۔ایسے وجہ توں اوہ نوّے عہدے دے درمیانی اے۔ تاں جو موت دے ذریعے جیڑی پہلے عہد دے گُناہاں دی معافی لئی اے، اوہناں نون جیڑے بُلائے گئے نیں ابدی میراث حاصل کرن۔ ¹⁶ ۱۶۔تے جِتھے وصیت اے، اوتھے اُس شخص دا مرن ثابت ہونا ضروری اے۔ ¹⁷ ۱۷۔ تے وصیت اودھوں پوری ہوندی اے جدو وصیت کرن والا مر جاوے، ایس لئی کے وصیت کرن والا جدوں تک زندہ اے، اُہدے تے عمل نئیں ہوسکدا۔ ¹⁸ ۱۸۔تے پہلاں عہد وی خون توں بغیر نئیں سی بنیا۔ ¹⁹ ۱۹۔تے جدں موسیٰ نے ساریاں لوکاں نوں شریعت دے سارے پانی ،م لال اُں تے روفے نال صحائف تے ساریاں لوکاں تے چھڑکیا۔ ²⁰ ۲۰۔تے فیر اوہنے کیہا، ’’اے عہد دا اوہ خون اے جِدا خدا نے تہاڈے لئی حُکم دِتا۔ ²¹ ۲۱۔ ایسے طرح اوہنے مسکن دے برتناں تے ساریاں شیواں تے اوہ خون چھڑکیا جیڑی خدمت لئی استعمال ہوندیاں سن۔ ²² ۲۲۔شریعت دے مطابق ساریاں شیواں خون نال صاف کیتیاں جاندیاں نیں۔ خون بہائے بغیر کوئی معافی نئیں ۔ ²³ ۲۳۔ایس لئی اے ضروری سی کہ اَسمانی شیواں دیاں نقلاں نوں جانوراں دی قربانیاں نوں صاف کیتا جاوے ۔ تے جیڑی آسمانی شیواں نئیں اوہناں نوں ایدھے توں وی ودھیا قُربانی توں صاف کیتا جاوے ²⁴ ۲۴۔تے مسیح ہتھاں دے بنے ہوئے پاک ترین مقام چہ داخل نئیں ہویا جیڑا اصل دی نقل اے۔ ²⁵ ۲۵۔اوہ اُتھے ایس لئی نئیں گیا کے بار بار قربان ہوے جیویں سردار کاہن کر دے سن، جیڑے پاک ترین مقام چہ ہر سال کسے ہور دا خون لے کے داخل ہوندے سَن۔ ²⁶ ۲۶۔تے جے ایہہ گل ہوندی تے ایس جہاں دے شُروع توں اوہ کئی وری قربان ہویا ہوندا۔ پر ہُن اوہ آخیر زمانہ چہ گناہ توں نبڑن لیئ آپئی قربان ہوگیا۔ ²⁷ ۲۷۔تے جیس طرح بندے نوں اک وری مرنا مقرر اے تے فیر عدالت دا ہونا۔ ²⁸ ۲۸۔تے ایسےطرح مسیح وی اکو وری بہت ساریاں دے گناہ اٹھان لئی قربان ہویا تے ہن اوہ دوجی وری گناہ نہ نبڑن لئی نئیں پر انسان دی نجات لئی جیڑے اوہدا انتظار کر رہے نے۔