¹ ۱۔تے برادری بھائی چارہ چلدا روے۔ ² ۲۔اجنبیاں دی مہمان نوازی کرنا نہ بُھلیو۔ کیوں جو اینج کر کے کئیاں نے جانے بغیر فرشتیاں دی مہمان نوازی کیتی اے۔ ³ ۳۔قیدیاں نوں اینج یاد رکھوں جیویں تُسی اوناں نال بتے ہوئے ہو۔ اوناں نوں جِناں نال بد سلوکی ہندی اے یاد رکھو جیویں تہاڈے جسم نال بدسلوکی ہوئی سی۔ ⁴ ۴۔شادی تہاڈے ساریاں وچ عزّت دی گل سمجھی جاوے۔ تے شادی دا بستر پاک روے۔ کیوں جو خدا بدکاراں دے حرام کاراں دا انصاف کرے گا۔ ⁵ ۵۔تہاڈا سلوک پیسے دے پیار توں پاک ہوئے۔ جو کجھ تہاڈے کول ہے اوہدے وچ خوش رہووں۔ ’’مَیں تہانوں کدی نہ چھڈاں گا نہ ہی مَیں تہانوں کلاں چھڈاں گا‘‘۔ ⁶ ۶۔آؤ قناعت کرئیے تاکہ اسی ہمت نال کہیے، ’’ربّ میرا مددگار اے۔ مَیں نہ ڈراں گا۔ انسان میرا کی کرےگا؟ ‘‘ ⁷ ۷۔اپنے راہنما واں تے جو خدا داکلام تہاڈے لئی بولدے نیں، اوناں اُتے غور کرو۔ تے اوناں دے عمل (کماں) تے غور کرو۔ اوناں دے ایمان دی نقل کرو۔ ⁸ ۸۔یسوع مسیح، اَج تے کل ہمیشہ اِکلو جیا اے۔ ⁹ ۹۔نویں نویں عجیب تعلیم ول کِچھے نہ جاؤ۔ ایہ چنگی گل ایہ کہ دِل فضل نال طاقت پاؤے نہ کھان والی چیز نال جیڑی اوناں دی مدد نئی کر دی جیڑے اوندے نال چلدے نیں۔ ¹⁰ ۱۰۔ساڈی او قربان گاہ اے جیڑے ہیکل وچ خدمت کردے نے اوناں نو کھان دا حق نیں۔ ¹¹ ۱۱۔کیوں جو گناہاں لئی مارے گئے جانوراں دا خون وڈا کاہن پاک مکان وچ لے کہ جاندا سی تے جانوراں دا جسم مجمے (لشکرگاہ) دے بار ساڑیا جاندا سی۔ ¹² ۱۲۔ایس لئی یسوع نے وی شہر دے پھاٹک توں باہر دُکھ اُٹھایا تاکہ اپنے خون نال اپنے لوکاں نوں پاک کرے۔ ¹³ ۱۳۔ایس لئی آؤ اوے کول خیمہ گاہ دے باہر چلئیے اوس بے عزتی نوں چک کے جیڑی اُنہے ساڈے لئی برداشت کِیتی۔ ¹⁴ ۱۴۔کیوں جو ساڈا کوئی پکا شہر نئیں بلکہ اسی اوہدی چاہ کرنے آں جیہڑا آن والا اے۔ ¹⁵ ۱۵۔ایس لئی، اوہدے نال مِل کے آؤ اسی ہمیشہ تیک خدا نوں حمد دی قربانی چڑھائیے۔ حمد جیڑی بُلاں دا پھل اے جو اوہدا اقرار کر دے نے۔ ¹⁶ ۱۶۔آؤ فیر رل مک کہ رہنا تے چنگے کم کرنا نہ پُلئیے کیوں جو ربّ نوں ایہوں جی قربانی پسند اے۔ ¹⁷ ۱۷۔اپنے راہنماواں دی گل منوں تے اوناں دا حکم منوں۔ کیوں جو او حساب دین والیاں وانگوں تہاڈی روحاں دا خیال رکھدے نیں۔ حکم منوں تاں جو تہاڈے پیشوا (راہنما) خوشی نال اے خدمت کرن نہ کہ دُکھ نال جیڑی تہاڈے لئی بے کار ہووے گی۔ ¹⁸ ۱۸۔ساڈے لئی دُعا کرو کیوں جو اسی مننے آن کہ اسی سچھے ہاں تے ہر چے وچ سچی راہ نال جینا چاہنے آں۔ ¹⁹ ۱۹۔میں تہانوں ہمت دینا واں کہ ہور وی دُعا کرو تاکہ میں تہاڈے کول چھیتی آواں۔ ²⁰ ۲۰۔ہن امن دا خدا جیہڑا یسوع مسیح ساڈے وڈے چرواہے نوں موت چوں واپس لے کہ آیا خون دے سدا دے وعدے نال۔ ²¹ ۲۱۔تہانوں ساریاں چنگلیاں چیزاں دیوے تاکہ تُسی اوہدی مرضی پوری کرو۔ ساڈے تے کم کرو جیہڑا اونوں خوش کرے۔ یسوع مسیح دی خاطر جہدا جلال ہمیشہ تے ہمیشہ تیک ہندا رہوے۔ آمین ²² ۲۲۔تے ہن بھراؤو میں تہانوں ہمت دینا واں کہ جیڑے تسلی دے بول میں تہانوں لکھے نیں اوناں دی برداشت کرو۔ ²³ ۲۳۔جان لوؤ کہ تیمیتُھیس آزاد ہوگیا اے تے جے او چھیتی آیا تے میں اوہدے نال تہانوں چھیتی مِلن آواں گا۔ ²⁴ ۲۴۔تہاڈے سارے راہنماواں تے خدا دے پاک لوکاں نوں سلام۔ اطالیہ (اٹلی) والے تہانوں سلام کہندے نیں۔ ²⁵ ۲۵۔تہاڈے ساریاں تے فضل ہندا روے۔ آمین۔