¹ ۱۔ایس لئی، جدوں سانوں اپنے وڈے گواہاں دے بدل نے سانوں کھیریا ہویا اے تے چلو اسی وی ہر ایک پار تے ہر اک پھسان والے گناہ نوں دُور کریئے۔ ² ۲۔چلو ساڈے ایمان نوں شروع تے پکا (کامل) کرن والے یسوع تے دھیان کرئیے۔ کیونکہ جیڑی خوشی تے اوی نظرسی، اوہدی خاطر اونے صلیب دی ذلت تے دُکھ برداشت کیتا تے خدا دے تخت دے سجے ہتھ جا بیٹھا۔ ³ ۳۔تے تسی دل چھوٹا نہ کرو تے نہ ہی ہمت ہارو بلکہ اوہدے (یسوع) دے بارے چ سوچو جن اپنے خلاف گناہ گاراں دی کِنی مخالفت برداشت کِیتی۔ ⁴ ۴۔تُسی تے ہالے خون بہان دی تیک گناہ دے خلاف کوشش کر کے اودا مقابلہ نئیں کیِتا۔ ⁵ ۵۔تے تُسی اوس دلیری (دلاسے نوں پُل گئے او جیڑی تانوں پُتراں وانگوں دتی گئی سی۔ ’’میرے پُتر خداوند دی تعلیم نوں ہلکا نہ جان تے جدوں تیری تربیت (صلاح) کیتی جاوے تے بے دل نہ ہو‘‘۔ ⁶ ۶۔کیوں جو خدا جدے نال پیار کر دا اے اوہدی صلاح کردا اے۔ تے ہر کسی نوں سزا دیندا اے جنہوں او اپنا پُتر بنا دا اے۔ ⁷ ۷۔دُکھ تکلیف نوں تعلیم ونگوں برداشت کرو۔ خدا تھاڈے نال اپنے پتراں وانگوں سلوک کردا اے۔ کیونکہ کیڑا پُتر اے، جدھا پیو اوہدی تربیت نہ کرے؟ ⁸ ۸۔پر جے توں بے تربیت پا بے صلاح ایں، جدوں ہور سارے لوکاں کول تعلیم اے، تے توں نا جائز ایں تے اوہدا پُتر نیں۔ ⁹ ۹۔اہدے علاوہ، ساڈے زمینی پیو نئیں جیڑی ساڈی صلاح تے تربیت کردے نیں تے اسی اوناں دی عزت کرنے آں۔ تے فیر کنی زیادہ سانوں روحاں دے خدا دا حکم مننا چاہیدا تے جیندے رہنا چاہیدا اے۔ ¹⁰ ۱۰۔ساڈے پیو تھوڑی دیر لئی، جنی چنگلی ہو سکدی اے ساڈی تربیت کر دے نیں۔ پر ساڈا خدا ساڈی بھلائی لئی ساڈی صلاح کردا اے تاکہ اسی اوہدی پاکیزگی وچ حصّے دار بنیے۔ ¹¹ ۱۱۔کوئی وی تعلیم تے صلاح کسی ویلے چنگی نئیں لگدی بلکہ اوکھی لگدی اے۔ پر اخیر وچ جیڑے اوہدے توں سکھائے جاندے نیں اوناں لئی او سچائی تے راست بازی دے پر سکون پھل پیدا کر دی اے۔ ¹² ۱۲۔ایس لئی اپنے کمزور گوڈیاں تے ٹلے لمکیاں ہتھاں نوں مضبوط کرو۔ ¹³ ۱۳۔اپنے پیراں لئی رستے سِدھے کرو تاکہ جیڑا لنگڑا اے او تڑک نہ جائے بلکہ چنگا ہو جاوے۔ ¹⁴ ۱۴۔سارے رَل کے امن (سلامتی) دا پچھا کرو تے نالے پاکیزگی دا جدے بغیر کوئی وی خدا نوں ویکھ نئیں سکدا۔ ¹⁵ ۱۵۔بڑی احتیاط کرو کہ کوئی خدا دے فضل دے بغیر نہ رہ جاوے تے کسے وی کوڑ تن دی جڑ تہاڈے وچ نہ اُگے تے کئی اوہدی وجہ نال خراب نہ ہو جان۔ ¹⁶ ۱۶۔دھیان کرو تے تاڈے وچ کوئی وی حرام کار (بُرے لچھن) کرن والان تے بے دین نہ ہووے جنے اک روٹی ٹکر واسطے اپنے ورثے نوں ویچ دِتا۔ ¹⁷ ۱۷۔کیونکہ تُسی جاند دے او کہ بعد وچ اوہنے اپنی برکت نون حاصل کرن دی چاہ کیتی پر اوہنوں رَد کر دتا گیا۔ کیوں جو اونوں توبہ کرن دا موقع نہ مِلیا حالانکہ اونے اتھرواں نال منگی۔ ¹⁸ ۱۸۔کیوں جو تسی ایہو جئے پہاڑ کول نئیں آئے جنوں ہتھ نئیں لایا جاسکدا، طوفان، ہنیرے، دُھند تے آگ دا پہاڑ۔ ¹⁹ ۱۹۔تُسی کسی نرسنگے دی پکار تے نئیں آئے۔ نہ ہی اوس آواز تے جدے سُنن والے کہندے نیں کہ اوناں نوں اِک لفظ نہ بولیا جاوے۔ ²⁰ ۲۰۔کیوں جو حکم دِتا گیا سی او اوہدی برداشت نہ کرسکے، ’’ جے جانور وی پہاڑ نوں ہتھ لاوے اوضرور پتھراں نال ماریا جاوے‘‘۔ ²¹ ۲۱۔اور اینا ہولناک نظارہ سی کہ موسیٰ نے کہیا، ’’میں ڈرنا تے کمبدا ہاں‘‘۔ ²² ۲۲۔بلکہ تُسی زندہ خدا دے شہر صیون، آسمانی یروشلم، تے خوشی کرن والے ہزاراں فرشتیاں دے کول آئے ہو۔ ²³ ۲۳۔تُسی پلوٹھیاں دی اُس جماعت چ جناں دے نال آسمان تے لکھے ہوئے نیں، دے کول آئے او۔ تُسی خُدا دے کول ، جیڑا ساریاں دا منصف اے تے راسبازاں دیاں روحاں کول آئے جنہاں نوں کامل بنایا گیا اے۔ ²⁴ ۲۴۔تُسی یسوع کول آئے او، نئے عہد دا وچ کارلا (درمیانی) تے خون بہان والان جیڑ ا ہابل دے خون نالوں چنگا بولدا اے۔ ²⁵ ۲۵۔ویکھو کِتے تُسی اونوں جیڑا بولدا اے انکارنہ کر دیو۔ کیوں جو جدوں زمین تے بولن والے دی خبردار کرن تے وی او نہ نسے کہ بچ جان، کِنا کٹ اسی بچاں گے جے اسی آسمان توں ملی جھڑکی نوں نہ سُنیئے۔ ²⁶ ۲۶۔اک ویلا سی کہ اوہدی آواز نے دھرتی ہلا دتی سی۔ پر ہن اونے وعدہ کِیتا اے کہ اک واری ہور میں زمین تے آسمان دونواں نوں ہلاواں گا۔ ²⁷ ۲۷۔اے لفظ، ’’اک ہور واری‘‘ دا مطلب اے جیڑیاں چیزاں چٹکے نال مکیاں (ہٹیاں) جاسکدیاں نیں۔ او چیزاں جیڑیاں پیدا کیتیاں گیاں تاں جو جیڑیاں چیزاں چتکیاں نیں جاسکدیاں او بچیاں رہن۔ ²⁸ ۲۸۔ایس لئی، او بادشاہی حاصل کرو جیڑی چٹکی تے ہلائی نئیں جاسکدی، چلو ایسے طرح شُکر گزاری کرئیے تے عزّت تے احترام دے نال خدا دی عبادت کرئیے۔ ²⁹ ۲۹۔کیوں جو ساڈا خدا جلان (ساڑن) والی آگ اے۔