¹ ۱۔تے ایمان آس رکھی ہوئی گلاں تے نظر نہ آن والیاں چیزاں تے یقین رکھنا ہندا اے۔ ² ۲۔انہاں گلاں دی وجہ توں ساڈے باپ دادا نے اپنا ایمان ثابت کِیتا۔ ³ ۳۔ایمان دی وجہ توں ہی اسی سمجھے ہاں کہ اے دنیا خُدا دے حکم نال بنی اے کیوں جو نظر آوندا اے او نظر نہ آن والی شے توں نیں بنیا۔ ⁴ ۴۔ایمان دے نال ہی ہابل نے قائن توں ودہیا قربانی خدا نوں چڑھائی، جدھی وجہ تو او راستباز منیا گیا۔ تےاوہدی قربانی دی وجہ توں خدا نے اوہدے بارے چنگی گل کیتی تے ایمان نال ہی ہابل ہالے تک بولدا اے پاویں او مَر گیا اے۔ ⁵ ۵۔ایمان کر کے ہی حنوک نوں چُک لیا گیا تاکہ او نہ مرے۔ ’’او نہ مِلیا کیوں جو خدا اونوں لے گیا سی‘‘۔ ایس لئی کہ اوہدے لین توں پہلاں اے گواہی دتی گئی سی کہ اونے خدا نوں خوش کیتا اے ۔ ⁶ ۶۔تے ایمان دے بغیر خدا تو پسند آ جانا ناممکن اے۔ کیوں جو اے لازمی اے کہ جوکوئی وی خدا دے کول آوے لازمی یقین رکھے کہ خدا ہے تے جو کوئی خدا نوں لبھدا اے او انوں بدلا دیندا اے۔ ⁷ ۷۔اے ایمان نال ہی سی کہ نوح نے نظر نہ آن والیاں گلاں دے بارے مِلن والے پاک پیغام دا یقین کر کے خدائی عزّت نال وڈی کشتی بنائی تے اپنے گربار نوں بچا لیا۔ اے کر کے اوہنے دنیا نوں غلط ٹھہرایا تے آپ راستبازی دا وارث بن گیا جو ایمان دے مطابق سی ۔ ⁸ ۸۔اے ایمان ہی سی جدی وجہ توں ابراہام جدوں او بُلایا گیا تے فرنبرداری کر کے اوس تھاں تے گیا جیڑی اوہنوں میراث طرح مِلن والی سی۔ او چلا گیا حالانکہ نئیں جاندا سی کے کِتھے جا رہیا اے۔ ⁹ ۹۔اے ایمان ہی سی جدی وجہ توں او وعدے دی زمین اُتے پردیسی ونگوں رہیا۔ او اضحاق تے یعقوب دے نال خیمیاں وچ رہیا جیڑے اوہدے ونگوں وعدے دے وارث سَن۔ ¹⁰ ۱۰۔کیوں جو اوس شہر دی چاہ وچ سی جِدیاں بُنیاداں ہون تے جدا کھڑا کرن والا تے بنان والا ربّ اے۔ ¹¹ ۱۱۔اے ایمان ای سی جدی وجہ توں سارہ جیڑی بنجر (بانجھ) سی، تے حاملہ ہون دی طاقت پائی۔ اے اوہدوں ہویا جدوں او بہت ہی بڈّھی سی فیر وی او ایمان دارمَنی گئی جدے نال وعدہ کِیتا گیا۔ ¹² ۱۲۔ایس لئی ایس بندے توں جیڑا تقریباً مُردہ جیا سی ۔ اسمان دے ستاریاں تے سمندر کنارے دی ریت جنے بے شمار اولاد پیدا ہوئی۔ ¹³ ۱۳۔ایمان نال ہی اسے سارے لوکی وعدے نوں لئے (پُورا ہوئے) بغیر ہی مَر گئے۔ پَر اوناں نے دُور توں ہی ویکھیا تے سلام کِیتا تے اونہاں نے ایہ منیاں کہ او ایس دھرتی اُتے مسافر تے پردیسی نیں۔ ¹⁴ ۱۴۔کیوں جو او جو اے کہندے نیں پکا کر دے نیں کہ او ایک وطن تے گھر دی تلاش چ نیں۔ ¹⁵ ۱۵۔تے جے او اُوس مُلک دی گل کر دے نے جدے وچوں نکلے سُن تے اوہناں کول واپس مُڑن دی راہ ہے۔ ¹⁶ ۱۶۔پرگل اے وے کہ او چنگے مُلک وچ جانا چاندے نیں ۔ جیڑا آسمانی اے۔ ایس لئی خدا وی اوناں دا خدا آکھان نوں شرمانداں نیں بلکہ اوہنے اوناں لئی ایک شہر تیار کیتا اے۔ ¹⁷ ۱۷۔ایمان نال ہی جدوں ابراہام آزمایا گیا تے اضحاق نوں پیش کیتا۔ او اوہدا اکلوتا پُتر سی جنوں اونے وعدے نال پایا سی۔ ¹⁸ ۱۸۔او ابراہام ہی سی جِنوں ایہ کیہا گیا سی کہ اضحاق توں ہی تیرے نسل جانی جاوے گی۔ ¹⁹ ۱۹۔ابراہام نے منیا کہ خُدا اضحاق نوں مُردے توں زندہ کر سکدا اے۔ تے سچی گل اے کہ اوناں کولوں ہی اونے اضحاق نوں واپس پا لیا۔ ²⁰ ۲۰۔آن والیاں گلاں تے ایمان رکھدے ہویاں ای اضحاق نے یعقوب تے عیسو نوں برکت دِتی۔ ²¹ ۲۱۔ایمان نال ای یعقوب نے جدوں اون مَرن لگا سی، یوسف دے پُتراں نوں برکت دِتی۔ یعقوب نے اپنی لاٹھی اُتے جُھک کے سجدہ تے عبادت کیتی۔ ²² ۲۲۔ایمان نال ہی یوسُف نے جدوں مرن والا سی اسرائیل دے بچیاں دی مِصر وچوں نکل جان دے بارے گل کیتی تے اپنی ہڈیاں بارے اوناں نوں ہدایت کیتی۔ ²³ ۲۳۔ایمان نال ہی جدوں موسیٰ پیدا ہویا تے ایہ ویکھ کہ کے سوہنا بچہ اے، اونوں تن مہینیاں تک لُکا کہ رکھیا۔ او بادشاہ دے حکم توں وی نہ ڈرے۔ ²⁴ ۲۴۔ایمان نال ہی جدوں موسیٰ جوان ہوگیا تے اُوہنے فرعون دی بیٹی دا پُتر کہلان توں انکار کیتا۔ ²⁵ ۲۵۔اوہنے خدا دے لوکاں وانگوں بد سلوکی برداشت کیتی بجائے اہدے کہ او تھوڑی چیز واسطے گناہ دے مزے لَوے۔ ²⁶ ۲۶۔اوہنے مسیح دی خاطر بے عِزّت ہون توں مصر دے خزانے توں بہتر سمجھیا کیوں جو او اَگے آن والے انعام نوں ویکھدا سی۔ ²⁷ ۲۷۔ایمان نال ہی موسیٰ نے مِصّر چھڈیا۔ او بادشاہ دے غصّے توں نئی ڈریا تے اونے اینج برداشت کیِتا جیویں او کسی نظر نہ آن والے نوں ویکھدا اے۔ ²⁸ ۲۸۔ایمان نال ہی اوہنے فسح منائی تے خون چھڑ کیا تاں جو پلوٹھیاں نوں مارن والا اسرائیلیاں دے پلوٹھیاں پُتراں نوں نہ چُھوئے۔ ²⁹ ۲۹۔ایمان نال ہی او سرکنڈیاں دے سمندر وچوں اینج لنگ گئے جیویں خشک زمین توں۔ جدوں مِصریاں نے پار لگن دی کوشش کیتی تے او سمندر اوہناں نوں ہڑپ کر گیا۔ ³⁰ ۳۰۔ایمان نال ہی ، یریحو دیاں کنداں جدوں اوناں دے گِرد سَت دن چکر مارے گئے تے ٹُٹ کے ڈِگ پیاں۔ ³¹ ۳۱۔ایمان نال ہی راحّب طوائف، حکم نہ منن والیاں نال ہلاک نہ ہوئی کیوں جو اونے جا سوساں نوں سلامتی نال رکھیا سی۔ ³² ۳۲۔میں ہور کی آکھاں ؟ کیوں جد ویلاں مُک جائے گا جے مَیں جدوّن،باراق، سمُسون، یافت، داؤد، سیموئیل، تے ہورنبیاں دیاں ساریاں گلاں سناواں۔ ³³ ۳۳۔ایمان نال ہی اوناں نے بادشاہیاں، جیتیاں راستبازی پُوری کیتی تے وعدے حاصل کیتے۔ اوناں نے شیراں دے مُنہ بند کر دِتے۔ ³⁴ ۳۴۔اَگ توں بچئے، تلوار توں بچئے، جدوں او کمزور سَن تے اوہدوں او طاقت ور بَنے۔ جنگ وچ زور آور بَنے تے پردیسی فوجاں نوں ہرایا۔ ³⁵ ۳۵۔مورتاں نے قیامت توں اپنے مرّے ہویاں نوں زندہ پایا۔ کِییہاں نے آزادی قبول نہ کیتی تے ظلم برداشت کیتا۔ تاکہ اوناں نوں چنگی قیامت نصیب ہووے۔ ³⁶ ۳۶۔کِیسیاں نوں لعن طعن تے کوڑے پئیے۔ حتیٰ کیہ زنجیراں تے قید وچ پئیے۔ ³⁷ ۳۷۔اوناں نوں پتھر مارے گئے۔ اوناں نوں چِیریا گیا۔ اوناں نوں تلوار نال ماریا گیا۔ او بھیڑ تے بکریاں دِیاں کھلاں پا کہ نکلے ۔ او بے سہارا ہو گئے، مظلوم تے بدسلوکی اوناں نال ہوئی۔ [فوٹ نوٹ: کئی اہم تے یونانی ترجمے کہندے نیں کہ اوناں تے پتھراؤ ہویا، اوناں نوں چِیر کے دَور کردتا اوناں نوں آزمایا گیا۔ او تلوار نال مارے گئے۔] ³⁸ ۳۸۔دنیا اوناں دے قابل نئی سی۔ او ہمیشہ صحراواں تے پہاڑاں وچ آوارہ پھر دے رہے۔ تے غاراں تے زمین دے کھڈیاں وچ رہے۔ ³⁹ ۳۹۔بے شک اے سارے لوکی خدا دے منظور سَن اوناں دے ایمان دی وجہ توں فیر وی اوناں نوں وعدہ نہ مِلیا۔ ⁴⁰ ۴۰۔خدا نے ساڈے لئی کجھ چنگا سوچیا اے تاں جو ساڈے بغیر او وی کامل نئی بنائے جان گے۔