¹ ۱۔تے شریعت آن والی چنگیاں شیواں دا پرچھاواں اے نہ کہ انہاں شیواں دا اصل۔ تے جیہڑے خُدا ول رجوع لیاندے نیں انہاں سال بہ سال کاہناں ولوں گزرانی گئی قریانی توں کدی وی کام نئیں ہو سکدے۔ ² ۲۔جے انج دی ہوندا تے ایہہ قربانیاں گُذارنا بند نہ ہو جاندا؟ تے عبادت کرن والے اِکو واری صاف (پاک) ہو جاندے تے انہاں دا ضمیر کوئی گناہ محسوس نہ کردا۔ ³ ۳۔پر انسان قربانیاں ہر سال گناہواں دا چیتا کراندیاں نیں۔ ⁴ ۴۔تے بیل تے بکرے دے خون توں گناہ دی خُلاصی نہ ممکن اے۔ ⁵ ۵۔جدوں مسیح دنیا چہ آیا تے اُہنے کیہا، ’’نذراں تے قربانیاں نوں نئیں چاہندا، پر اوہ بدن جیڑا میرے لئی تیار کیتا گیا اے۔‘‘ ⁶ ۶۔سوختنی قربانی بلن والی قربانی تے گناہ دی قربانی تینوں پسند نئیں۔ ⁷ ۷۔تے فیر میں آکھیا، ’’ویکھ میں ایتھے آں۔ جیویں صحائف چہ میرے بارے چہ لکھیا اے۔ تاں جو تیری مرضی پوری کراں۔‘‘ ⁸ ۸۔پہلاں اُہنے کیہا، ’’نہ تے قربانیاں، نہ نذراں نہ ساری بلن والی قربانیاں، نہ گناہ دی قُربانیاں توں چاہنا ایں۔ نہ تینوں اے پسند نئیں۔ اے اوہ قُربانیان نیں جیڑی شریعت دے مطابق نیں۔ ⁹ ۹۔تے فیر اُہنے کیہا، ’’ویکھ، تیری مرضٰ پوری کرن لئی میں ایتھے آں‘‘۔ اوہ پہلے کم نوں ختم کر دا اے تاں جو دوجے نوں قائم کرے۔ ¹⁰ ۱۰۔تے ایسے مرضی توں اسی یسوع مسیح دے بدن قربان ہوں دے وسیلے نوں اکو وری پاک کیتے گئے آں۔ ¹¹ ۱۱۔روز بہ روز کاہن خُدا دے حضور کھڑے ہو کے ایہہ کم کر دا اے۔ اور اِکو جئی قربانی بار بار پیش کردا اے۔ ایسی قربانی جیڑی گناہ توں چُھٹکارا نئیں دے سکدی۔ ¹² ۱۲۔تے جدوں مسیح نے سارے وقتاں لئی اِکوئی گناہ دی قربانی دے دتی، تے اوہ خُدا دے سجے ہتھ بیٹھ گیا۔ ¹³ ۱۳۔اوہ اوس ویلے تک اوڈیک ریا اے جدوں تیکر اوہدے ویری اوہدے پیراں ہیٹھاں نہ آجان۔ ¹⁴ ۱۴۔تے اوہنے اکو قربانی نال،پاک ہون والیاں نوں کامل کر دِتا۔ ¹⁵ ۱۵۔تے پاک روح وی ایدی گواہی دیندا اے۔ پہلاں او کہندا اے کہ ¹⁶ ۱۶۔ایہہ اوہ عہد اے جیڑا میں انسان نال کیتا خُداوند نے کیہا، ’’ایہ اوہ عہد اے جیڑا میں انسان نال کیتا تے میں اپنی شریعت انسان دے دِلاں چہ پاواں گا تے انہاں دے زہناں تے لکھاں گا۔ ¹⁷ ۱۷۔انہاں دے گناہ تے بھیڑے کم میں یاد نہ رکھاں گا۔‘‘ ¹⁸ ۱۸۔تے ہن جدوں انہاں دی معافی ہو گئی تے فیر گناہ دی کسی وی قربانی دی لوڑ نئی۔ ¹⁹ ۱۹۔ایس لئی بھراؤ اسی اعتماد (بھروسے۔یقین نال) یسوع دا خون لے کے پاک ترین مقام تے جا سکدے آں۔ ²⁰ ۲۰۔تے اَے اوہ زندہ تے نوا راہ اے جیڑا پردے تھانی اُہنے ساڈے لئی کھولیا۔ تے ایہہ اوہد ے بدن توں (ایہہ) اے۔ ²¹ ۲۱۔ تے جد ساڈا وَڈا کاہِن اے جیہڑا خُدا دے گھر دا مُختیار اے۔ ²² ۲۲۔ تے آو اسی دلاں نوں بُرے ضمیر توں پاک کر کے تے بدن نوں صاف پانی نال دھوکے، سچے دل تے کامِل ایمان نال اگے ودھیے۔ ²³ ۲۳۔تے اسی اپنی اپمید دے اقرار نوں مضطوطی نال ڈگماندے ہوئے نئیں پر پھڑ کے رکھیے کے خُدا جنے وعدہ کیتا اے اوہ وفادار اے۔ ²⁴ ۲۴۔تے آؤ اسی اک دوجے نوں محبت کرن تے چنگے کم کرن دا حوصلہ دیئیے۔ ²⁵ ۲۵۔تے آؤ اسی آپس چہ جمع ہونا بند نہ کرئیے جیویں کُجھ لوکاں نے کیتا اے۔ پر اِک دوجے دا زیادہ توں زیادہ حوصلہ ودھائیے۔ تے ایہہ انا سارا کریئیے جِس قدر تُسی اوسی دن نوں نیڑے آوندا ویکھدے او۔ ²⁶ ۲۶۔تے جے اسی شچیائی دا علم ہون دے باوجود جان بُجھ کے گناہ کر دے رہیئے تے فیر گُناہ وی قربانی قائم نئیں رہندی۔ ²⁷ ۲۷۔ایہدی تھاں تے فیر عدالت دی ہولناک اوڈیک تے اگ دا غضب باقی رہ جاندا اے جیڑا خُدا دے ویریاں نوں کھا جاوے گا۔ ²⁸ ۲۸۔جیڑا وی موسیٰ دی شریعت دا انکار کر دا سی اوہ کسے وی رحم وے بغیر دو، تن گواہیاں نال مر جاندا سی (قتل ) کر دیا جاندا سی۔ ²⁹ ۲۹۔تے تُسی اے خیال کرو کہ جنے رب دے پتر نوں پامال کیتا (پیراں ہیٹھاں روندیا)، عہد تے خون نوں ناپاک جانیا جدے نوں اوہ پاک کیتا گیا۔ تے فضل کرن والے روح نوں بے عزت کیتا۔ تے اوہ بہتی سزا دے لائق کیوں نہ ہوے گا۔ ³⁰ ۳۰۔تے اسی اوہنوں جاندے آن جنے کیہا اے کہ ’’بدلہ لینا میرا کم اے تے میں ہی حساب دواں گا‘‘۔ تے فیر ایہہ وی ’’خداوند اپنے لوکاں دی عدالت کرے گا‘‘۔ ³¹ ۳۱۔زندہ خُدا د ہتھاں چہ پینا وی اک ہولناک گل اے۔ ³² ۳۲۔پر تُسی انسان پہلاں دِنا نوں یاد کرو جدو تُسی منور ہوے تے وڈے وڈے دُکھاں نوں برداشت کیتا۔ ³³ ۳۳۔تے لوکاں نے لعن طعن تے بے عزّتی کیتی تہواہنوں، لوکاں بے عزت کیتا تے مارنا چاہا تے ایس طرح تُسی انساں نال ایس مُصیبت چہ شریک ہوئے جیڑے ایدھے توں لنگھے نیں۔ ³⁴ ۳۴۔تے تُسی قیدیاں لئی ہمدردی رکھدے ہوئے اپنے مال لُوٹن نوں وی خُوشی نال قبول کردے اوہ۔ تُسی اے جاندے اوہ کے تہاڈے کول اک چنگی تے ہمیشہ رہن والی ملکیت اے۔ [نوٹ: کُجھ پرانیاں کتاباں چہ لکھیا اے، ’’جدوں میں سنگلاں چہ ساں تے تینوں میرے نال ہمدردی سی‘‘۔] ³⁵ ۳۵۔ایس لئی اپنے اعتماد (بھروسے) نوں نہ چھڈیو، جدا وڈھا اجر انعام اے۔ ³⁶ ۳۶۔تے تہانوں صبر دی لوڑ تاں جو تہوانوں اور کُجھ ملے جدا خُدا نے وعدہ کیتا اے۔ جدوں تُسی اوہدی مرضی پوری کر لوہ۔ ³⁷ ۳۷۔تے کُجھ ای دیر بعد اوہ جنے آنا اے، ضرور آوے گا تے دیر نہ کرے گا۔ ³⁸ ۳۸۔میرے راستباز ایمان نا جیئن گے تے جے اوہ ہٹ جان تے میں اہدے توں خُوش نہ ہواں گا۔ ³⁹ ۳۹۔پر اسی انہاں وچوں نئیں جیڑے ہلاک ہون لئی ہٹ جاندےنیں، پر اسی انہاں چوں اک جیڑے ایمان رکھدے آں کے جان بچائیے۔