¹ ۱۔دسویں ورہے دے دسویں مہینے دی باراں تاریخ نوں خداوند داکلام میرے اُتے اُتریا ۔ ² ۲۔ اے آدمزادمصر دے بادشاہ فرعون ول اپنا رُخ کرتےاوہدے تے کُل مصر دے خلاف نبوت کر۔ ³ ۳۔ اوہدے نال گل کرتے کیہ پئی خداوند خدا انج آکھدا اے ۔اے مصر دے بادشاہ فرعون میں تیرا ویری آں ،اے بھارے تے موٹے مگر مچھ توں جیہڑا اپنی ندیاں دے وچکار پیا رہنا ویں توں آکھناں ایں پئی نیل دریا میرا اے ،تےمیں اوہنوں اپنے لئی بنایا اے ⁴ ۴۔ پر میں تیرے جبڑیاں چے کنڈے پھساواں گا تے تے اوہدیاں ندیاں دیاں مچھیان نوں تیری کھَل نال چمبوڑا ں گا تے تیری کھَل نال چمبڑیاں ہویاں ساریاں مچھیاں سنے ای میں تینوں تیریاں ندیاںوچوں باہر کھیچ لواں گا۔ ⁵ ۵۔ تینوں تے تیریاں ندیاں دِیا ںساریاں مچھیاں نوں میں اُجاڑ وچ چھڈ دواں گا ۔توں رڑھے میدان وچ پیا رہویں گا ۔جتھوں نہ توں لُٹیا جاویں گا تے ناں ای چُکیا جاویں گا ۔تے میں تینوں دھرتی دیاں درندیاں تے اَسمان دے پرندیاں دا بھوجن بنا دواں گا ۔ ⁶ ۶۔ تد مصر دے کُل وسنیک جان لین گے پئی میں خداوند آں۔توں بنی اسرائیل دے لئی کانے دی سوٹی بن گیا ایں ۔ ⁷ ۷۔جد اوہناں تینوں قابو کر لیا ۔ تد توں ٹُٹ گیا تے اوہناں دے موہڈیاں نوں زخمی کر دِتا ۔جد اوہناں تیرا سہار الیا تد توں ٹُٹ گیا تے اوہناں دے لَک نوں چُک پے گئی ۔ ⁸ ۸۔ ایسے لئی خداوند خدا فرماندا اے : میں تیرے تے تلوار چلوا کے تیرے لوکاں تے اوہناں دے ڈنگراں نوں قتل کرواواں گا ۔ ⁹ ۹۔ مصر اک اجاڑ دیس بن جاوے گا ۔تد اوہ جان لین گے پئی میں خداوند آں کیوں جو توں آکھیا پئی نیل دریا میرا اے تے میں ایں اوہنوں بنایا اے ۔ ¹⁰ ۱۰۔ ایسے طراںمیں تیرا تے تیرے دریاواں دا ویری آں۔تے میں مصر دے دیس نوں مجدول تون لے کے آسواں تیک ایتھوں تیک پئی کُوش دیاں چیزاں تیک اُکا اجاڑ کر کے رکھ دیاں گا ۔ ¹¹ ۱۱۔کسے بندے یاں حیوان دا پیر تیک وی اودھر نہ پئے گا تے چابی وریاں تیکر اوہدے وچ کوئی نہ وسے گا۔ ¹² ۱۲۔ میں مصر دیس نوں اُجڑ ے ہوئے دیساں دے وچ تتر بتر کردواں گا ۔ ¹³ ۱۳۔ فیر وی خداوند خدا اینج فرماندا اے چالی ورھے توں لنگھن دے بعد میں مصیاں نوں اوہناں قوماں دے وچوں اکٹھا کراں گا جناں وچ اہوناں نوں تتر بتر کیتا گیا سی ۔ ¹⁴ ۱۴۔میں اوہناں نوں قید توں چھڈا کے کے پِشاں لیاواں گا تے اوہناں دے مائی باپ دے دیس فتروس گھلاواں گا ۔جتھے اوہ عا م جیا دیس بن جاون گے ۔ ¹⁵ ۱۵۔ اوہ سارے دیساں وچوں بوہت معمولی دیس ہووے گا تے فیر کدی اپنا سِر دوجیاں قوماں اگے چُکن جوگا نہ رہے گا۔میں اوہنوں ایناں ماڑاکردوا ں گا پئی اوہ فیر کدی کسے ہور قوم تے راج کرن جوگا نہ رہے گا۔ ¹⁶ ۱۶۔ مصر فیر کدی بنی اسرائیل لئی بھروسے دا قابل نہ روے گا ۔سگوں اوہناں نے مصیاں توں امداد منگ کے جیہڑاگناہ کیتا سی اوہ اوہناں دا روگ بن جاوے گا۔ تد اوہ جان لین گے پئی میں خداوند خدا آں۔ ¹⁷ ۱۷۔ ستائیویں ورہے دے پہلے مہینے دی پہلی تاریخ توں خداوند داکلام میرے اُتے اُتریا۔ ¹⁸ ۱۸۔ اے آدمزاد! بابل دے بادشاہ نبوکد نضر نے صور دے خلاف اپنی فوج کولوں اجیہی نوکری کرا کے لوکاں دے لئی وڈی وڈی مشکل پیدا کر دِتی ۔ایتھوں تیک پئی ہر سِر گنجا ہوگیا تے ہر موہڈا اچھِلیا گیا ۔فیر وی صور دے خلاف ایس مہم توں نہ اوہنوں نہ اوہدی فوج نون کوئی صلہ ملیا ۔ ¹⁹ ۱۹۔ ایس لئی خداوند خدا اینج فرماندا اے :میں مصر توں بابل دے بادشاہ نبوکدنضر دے حوالے کراں گا تے اوہ اوہدی دولت لے جاوے گا۔ اوہ دیس نوں لُٹ لئے گا توں جو اپنی فوج دی تنخواہ تار سکے۔ ²⁰ ۲۰۔ میں اوہنوں اوہدیاں کوششاں دے بدلے مصر انعام چے دِتا اے کیوں جو اوہنے تے اوہدی فوج نے ایہہ سب میرے لئی کیتا اے خداوند خدا نے آکھیا اے۔ ²¹ ۲۱۔اوس ویلے میں اسرائیل دے ٹبر توں اک سِنگ منہ کھولاں گا ۔تد اوہ جان لین گے پئی مین خداوند آں۔