¹ ۱۔ ایناں سب گلاں تے میں اپنا دل لایا تے ساریاں نوں بھا لیا تے میں جان گیا کہ نیک تے گیانی تے اوہناں دے کم خدا دے ہتھ وچ ہن ایتھوں تائیں کہ آدمی نئیں جاندا پئی اوہدے نال پیار ہوو ے گا یا ویر ہووے گا ۔ ² ۲۔ آدمی بھانویں بھلا مانس ہووے بھانویں شیطان ہووے بھانویں نیک ہووے بھانویں بھیڑا ہووے بھانویں پاک ہووے بھانویں پلید ہووے بھانویں قربانی چڑھانوالا ہووے بھانویں قربانی نہ چڑھان والا ہووے بھانویں بھلامانس ہووے بھانویں پاپی ہووے بھانویں سونہہ کھان والا ہووے بھانویں سونہہ نہ کھان والا ہووے ساریاں نال اکو جیہی بیتی اے ۔ ³ ۳۔ تے سورج ہیٹھاں ایہہ بڑی خرابی اے کہ ساریاں دے لئی اکو جئی ہونی ہوندی اے ایس لئی آدم دی اولاد دے دل جد تیک اوہ جیوندے نیں بریائی تے پاگل پنے نال بھرے رہندے نیں تے فیر اوہ مردیاں وچ جارلدے نیں ۔ ⁴ ۴۔ بہر حال جیہڑا جیوندیاں دے نال اے اوہدے لئی آس اے کیوں جو موئے ہوئے شیر(ببر) نالوں جیوندا کتا چنگا اے ۔ ⁵ ۵۔ کیوں جو جیوندے جاندے ہن کہ اوہناں نے مرنا اے جد کہ موئے کجھ نئیں جاندے تے ناں ہی اوہناں لئی ہور کوئی بدلہ اے کیوں جو اوہ سب کجھ بھل گئے نیں ۔ ⁶ ۶ اوہناں دا پیار تے اوہناں اوپر تے اوہناں دی غیرت ہن مک گئے نیں تے سورج دے ہیٹھ ہوون والے سارے کماں وچ اوہناں دا کوئی حصہ نان ہووے گا۔ ⁷ ۷۔ سو توں اپنے راہ ٹریا جا تے چین نال اپنی روٹی کھا تے موج نال اپنی شراب پی کیوں جو خدا نوں تیرے کم چنگے لگے نیں ۔ ⁸ ۸۔تیرے لیڑے ہر ویلے تے تیرے سر دا تیل کدی نہ گھٹے ۔ ⁹ ۹۔اپنی حیاتی دے مٹجان والے دیہاڑے جیہڑے خدا نے تینوں سورج دے ہیٹھاں دتے ہن ہاں بطالت دے سب دیہاڑے توں اوس عورت (بیوی)نال جیہڑی تینوں بوہت پیاری اے موج منا کیوں جو حیاتی وج تے سورج دے ہیٹھ جیہڑے کماں لئی توں ودھیک محنت ولون تیری مزدوری دا تیرے لئی ایہو صلہ اے ۔ ¹⁰ ۱۰۔ جیہڑے وی کم نوں توں ہتھ لانویں اوہنوں توں اپنے سارے زور نال کر کیوں جو پاتال وچ جیہدے ول توں جان ڈیا ایں ناں کوئی کم اے تے نا نخیال تے ناں گیان اے ۔ ¹¹ ۱۱۔ فیر میں سورج دے ہیٹھ نظر کیتی پئی ناں تے دوڑ تیز چلن والے لئی اے تے ناں جنگ زور آور لئی اے تے ناں روٹی گیانیاں لئی اے تے ناں دھن عقل والیاں لئی تے نہ وڈیائی دناواں لئی ا ے کیوں جو ہونی دا ویلا ساریاں لئی اکو جیہا اے ۔ ¹² ۱۲۔ بندہ اپنے ویلے نوں نئیں سیہاندا جیویں مچھیاں موت دے جال وچ پھڑیاں جاندیاں نیں تے پنچھی پھاہی وچ پھس جاندے نیں ۔نیویں جد اچن چیت بھیڑے ویلے دا جال بندیاں اتے آپیندا اے تے اوہ وی پھس جاندے نیں۔ ¹³ ۱۳۔ میں سورج دے ہیٹھ ایہہ گیان ویکھیا تے اوہ مینوں ڈھیر بھیڑا لگیا ۔ ¹⁴ ۱۴۔اک نکا جنا شہر سی جیہدے وچ تھوڑے جیہے لوک سن اوہدے اتے اک وڈے بادشاہ نے چڑھائی کیتی تے اوہنوں گھیر لیا تے اوہدے سامنے وڈے وڈے دمدمے بنھے ۔ ¹⁵ ۱۵۔ پر اوس (شہر) دے وچ اک ماڑا تے گیانی بندہ ملیا جیہنے اپنے گیان نال اوس شہر نوں بچالیا ۔فیر اوس ماڑے بندے نوں کسے نے وی چیئے نہ کیتا ۔ ¹⁶ ۱۶۔ فیر میں آکھیا پئی گیان زور نالوں ودھ تے اے پر ماڑے بندے دے گیان نوں گھٹیا جانیا جاندا اے تے اوہدیاں گلاں نوں سنیا نئیں جاندا ۔ ¹⁷ ۱۷۔گیانیاں دیاں گلاں جیہڑیاں ہولی ہولی آکھیاں جاندیاں نیں پاپیاں (بے متیاں ) دے سردار دے شور توں ودھیک کے سنیاں جاندیاں نیں۔ ¹⁸ ۱۸۔ گیان جنگ دے ہتھیاراں نالوں ودھ چنگا اے کیوں جو اک پاپی بوہت ساری بھلیائی نوں ناس کر دیندا اے ۔