¹ ۱۔گیان دا حکم مننا،گیانی وانگ تے کسی گل دا مطلب دسنا کوں جان دا اے آدمی دا گیان اوہدے مکھڑے نوں لشکاندا اے ۔ ² ۲۔تے اوہدےمتھے دیکھڑورتا اوہدے نال بدل جاندی اے ۔ میری صلاح ایہہ اے پئی بادشاہ دے حکم نوں خدا دی سونہہ دے سببوں مندا رہ ۔ ³ ۳۔اوہدے اگوں ٹر جا ن چ چھیتی نہ کر تے بھیرے کم کرن تے ـــــــ نہ کر کیوں جو اوہ جو کچھ چاہندا اے کردا اے ۔ ⁴ ۴۔تے بادشاہ دیاں گلاں وچ زور اے تے اوہنوں کیہڑا آکھے گا پئی توں کیہ کردا ایں ؟ ⁵ ۵۔جیہڑا حکم من دا اے اوہ کسی بریائی ول ناں جاوے گا تے گیانی دا دل ویلے تے نیاں نوں جان دا اے ۔ ⁶ ۶۔ کیوں جو ہر کم دے لئی ویلا تے نیاں اے ۔پر شیطان دی شیطانی اوہدے اتے بھاری اے ۔ ⁷ ۷۔کیوں جو اوہ نہیں جان دا پئی کیہہ ہووے گا تے اوہنوں کوئی نہیں پچھ سکدا پئی کدوں ہووے گا ۔ ⁸ ۸۔ کسی بندے دا روح اُتے وس نئیں اے کہ اوہنوں پھڑ کے رکھے نہ موت دے دن اُتے وس چلدا اے ۔تے نا اوہنوں جنگ دے ویلے آرام ملدا اے تے نا ہی شریراں دی شرارت اوہنوں بچاوے گی ۔ ⁹ ۹۔ جد میں سورج دے ہٹھاں ہون والیاں ساریاں گلاں اُتے دھیان لایا تے میں ایہہ سب آپ ڈٹھا ۔کدے تے کوئی آدمی دوجے آدمی اُتے راج کرکے اوہنوں نقصان دیندا اے ۔ ¹⁰ ۱۰۔تد میں شریراں نوں اپنے کول آندیاں تے اوہناں نوں اندر وڑدیاں ڈٹھا تے جد اوہ پاک تھاں تھوں باہر نکلے تے شہر وچ اوہناں نے جیہڑے کم کیتے سن اوہناں کماں دی وڈیائی کیتی گئی ایہہ وی باطل اے ۔ ¹¹ ۱۱۔ کیوں جو بھیرے کماں سزا دا حکم چھیتی نئیں دتا جاندا ایس لئی آدم دی اولاد دا دل بڑی دلیری نال بریائی ول مائل ہوندا اے ۔ ¹² ۱۲۔پاپی بھانویں سو وار پاپ کرے تے اوہدی عمر ودھ جاوے فیر وی ایہہ گل پکی اے پئی خدا تون ڈرن والیاں نوںاپنے ایس ڈر دے سببوں چنگا بدلہ ملے گا ۔ ¹³ ۱۳۔پر پاپی دا بھلا کدی ناں ہووے گا تے ناں ہی اوہ پر چھانویں دے وانگ اپنے دناں نوں ودھاوے گا کیوں جو اوہ خدا تھوں نئیں ڈردا ۔ ¹⁴ ۱۴۔ اک ہو ر بطالت اے جیہڑی دھرتی اتے کیتی جاندی اے پئی نیکی دے کم کرن والے لوکاں نال اجیہیاں گلاں ہوندیاں نے جیہڑیاں بداں نال ہونیاں چاہیدیا ں نیں تے بداں نوں اوہ کجھ ملدا اے جیہڑا نیکاں نوں ملنا چاہیدا اے ۔تے میں آکھیا ایہہ وی باطل اے ۔ ¹⁵ ۱۵۔ تد میں سکھ دی تعریف کیتی ۔کیوں جو آدمی لئی دنیا وچ سورج دے ہیٹھا آدمی دے وس وچ ایس توں چنگی ہور کوئی شے نئیں پئی اوہ کھائے تے پئے تے راضی رہوے ۔کیو ں جو ایہہ اوہدی محنت دے ویلے دنیا وچ اوہدی زندگی دے سارے دیہاڑیاں چ جیہڑے خدا نے آدمی نوں دتے نیں سدا تیک اوہدے نال رہوے گی ۔ ¹⁶ ۱۶۔ جد میں دل لگایا پئی گیان سکھاں تے دھرتی اتے ہوون والے کماں نوں ویکھاں مطلب ایہہ پئی ایہوجئے وی لوک ہن جنہاں دیاں اکھیاں وچ ناں دنےنیندر آندی اے نہ راتیں نیندر آندی اے ۔ ¹⁷ ۱۷۔ تد میں خدا دے سارے کم نوں ڈٹھا پئی آدمی دنیا وچ ہوون والے کسی کم دا سبب نئیں جان سکدا ۔بھانویں اوہ ایہدی کھوج لگان وچ لگاہی رہوے تد وی اوہنوں کجھ سمجھ نئیں آوے گی ۔ایتھوں تیک پئی جے کوئی ایہہ گیانی وی اپنے ولوں سوچے پئی اوہ اس دا پتہ کر لوے گا پر اوہ کدی وی سمجھ نہ سکے گا ۔