¹ ۱۔ یروشلیم دے بادشاہ داؤد دے پُتر واعظ دیاں گلاں ۔ ² ۲۔ باطل ای باطل سب کجھ ای باطل اے۔ ³ ۳۔ انسان نُوں اوس ساری محنت توں کیہ فائدہ اے جیہری اوہ سورج دے تھلے کر دا اے۔ ⁴ ۴۔ اِک پیڑی جاندی اے تے دوجی آؤندی اے صرف دھرتی ای دنیا دے اخیر تیک قائم رہندی اے۔ ⁵ ۵۔ سورج چڑھدا اے تے سورج ڈبدا اے۔فیر اوہ اپنی تھاں تے ساہ لے لے کے جاندا اے جتھوں اوہ چڑھیا سی ۔ ⁶ ۶۔ ہوا لہندے پاسیوں چلدی اے تے پہاڑ پاسے گھمدی اے۔ایہہ ہمیشہ گھمدی اے تے اپنی گردش دے مطابق دورہ کر دی اے ۔ ⁷ ۷۔ ساریاں ندیاں سمندر چے ڈگ دیاں نیں پر سمندر بھر نئیں جاندا ۔ندیاں جتھوں نکلدیاں نیں اوتھے ای فیر مُڑ جاندیاں نیں ۔ ⁸ ۸۔ سب چیزاں کم کر کے تھک جاندیاں نیں انسان ایہدا بیان نئیں کر سکدا۔ اخھ ویکھیداں نئیں رجھدی تے کن سن دیاں نئیں بھر دا ۔ ⁹ ۹۔ جو کجھ ہویا فیر اوہو ای ہووے گا۔تے جو کجھ کِتیا گیا فیر کیتا جاوے گا تے سورج دے تھلےکوئی شے نویں نئیں ۔ ¹⁰ ۱۰۔ کوئی کم اجیہا نئیں جدے بارے کیا جاوے پئی ویکھو ایہہ نواں ایں ۔کیوں جو اوہ تے اوہناں ویلیاں چے سی جیہرے ساڈے توں پہلاں لنگ گئے ۔ ¹¹ ۱۱۔ اگلیاں دی کوئی نشانی نئیں تے نہ آؤن والیاں دی یاد اوہناں لوکاں وچ ہووے گی جیہڑے ایناں دے بعدوں آن گے ۔ ¹² ۱۲۔ میں واعظ یروشلیم چے اسرائیل دا بادشاہ ساں۔ ¹³ ۱۳۔ تے میں اپنا مَن لایا پئی جو کُجھ اَسمان دے تھلے کیتا جاندا اے اوہدی تفتیش تے کھوج کراں۔ خُدا نے بنی آدم توں ایہہ ڈاہڈا دُکھ دِتا اے پئی اوہ سختیاں چے پھیسا رہے۔ ¹⁴ ۱۴۔ میں ساریاں کماں تے جیہڑے دنیا چے کیتے جاندے نیں جھات پائی تے ویکھیا ایہہ سب بطلان تے ہوا دی چران اے۔ ¹⁵ ۱۵۔ جیہڑا ڈِنگہ اے اوہ سِدھا نئیں کیتا جا سکدا تے جیہڑا ناقص اے اوہ کامل نئیں ہو سکدا ۔ ¹⁶ ۱۶۔ میں ایہ گل اپنے دل چے کہی ویکھ میں بڑی ترقی کیتی سگؤں اوہناں سبھناں توں جیہڑا میرے توں پہلاں یروشلیم وچ سن بوہتی عقل حاصل کیت تے میرے دل نے عقل تے علم نوں بڑا پڑھیا ۔ ¹⁷ ۱۷۔ پر جدوں میں حکمت تے جہالت نُوں سمجھن تے دل لایا تے فیر مینوں پتہ چلیا پئی ایہہ وی ہوا دی چران اے۔ ¹⁸ ۱۸۔ کیوں جو بوہت حکمت چے بوہت غم اے تے علم چے وادھا ۔دُکھ نُوں ودھا دیندا اے۔