¹ ۱. دیدوں تون اپنے ویریاں نال جنگ کرن نکلیں تے توں وکھیں پئی گھوڑے تے گڈیاں لشکراں سنے تیرے توں بُہتے نیں توں ڈر ناں ۔ کیوں جو خداوند تیرا خدا جیہڑا تینوں مِصر ؔ دے مُلک چوں باہر کڈھ لیایا تیرے نال اے ۔ ² ۲. جیدوں جنگ ہون دے نیڑے ہووے تے کاہن سامنے ا کے کھلو تے لوکان نال گل کرے۔ ³ ۳. تے اوہناں نوں اکھے ۔ سُن اے اسرائیل ؔ ! اَج تُسیں اپنے ویریاں نال جنگ لئی اگے لگے او ۔ تُہادے دِل ڈر ناں جان تے تُسیں خوف ناں کرو تے کمنبو ۔ تے اوہناں دے اگے گھبرا ناں جانیے جے ۔ ⁴ ۴. کیوں جو خداوند تُہاڈا خدا تُہادے نال ٹر دا اے تاں جو تُہاڈے ویریاں نال جنگ کرے تے تُہانوں چحدا دے ۔ ⁵ ۵. تدھ جیہڑے عُہدے دار تے اوہو لوکان نال کلام کر کے آکھن گے پئی جے کسے بندے نوں پِچھاں پرت جائے ۔ اِنج ناں ہووے پئی اوہ لڑائی چہ ماریا جاوے تے دوُجا اوہنوں مخصوس کرے۔ ⁶ ۶. تے جے کِسے بندے نے انگوران دا باگ لایا ہووے تے اوہدا پھَل نئیں کھادا تے اوہو اپنے ماریا جاوے تے دوُجا بندا کھاوے ۔ ⁷ ۷. تے جے کسے بندے نے ویاہ کیتا ہوے تے اوہدے کول ناں گیا ہووے تے اپنے گھر نوں پچھاں پرت جاوے ۔ اینج ناں ہووے پئی اوہدی اوہدی زنانی نوں لے لوے ۔ ⁸ ۸. تدھ سارے عہدے دار لوکاں نال گل کرے ایہہ آکھن پئی جے کوئی بندہ ڈرپوک تے بُزدلا اے تے اوہو اپنے گھر نوں پچھاں پَرت جاوے ۔ اینج ناں ہووے پئی اوہدے بھراواں دے دِل اوہدے دل وانگوں پِگھر جان ۔ ⁹ ۹. جَد سارے عُہدے دار لوکاں نال گل کر لین تے لشکر دے سردار اپنے لوکاں نون جنگ دے لئی تیار کرن ۔ ¹⁰ ۱۰. جَد تُوں جنگ کرن لئی کسے شہر دے نیڑے جاوین تے پہلاں اوہناں نال صلح دی خواہش کر ۔ ¹¹ ۱۱. جے تے اوہو صلح مَن لین تے پھاٹک تیرے لئی کھول دین تے جیہنے لوک اوہدے چہ رہندے تے اوہ تینوں باج دے دین دار ہون گے تے سیوا کرن گے ۔ ¹² ۱۲. تے جے اوہ تیرے نال صلح ناں کرن ۔ سگوں تیرے نال جنگ شروع کرن ۔ تدھ توں اوہنوں نوں گھیرے۔ ¹³ ۱۳. تے خداوند تیرا خدا اوہناں نوں تیرے ہتھاں چہ دے دئے گا ۔ توں سارے بندیاں نوں تلوار دی دھار نال قتل کر ۔ ¹⁴ ۱۴. پر زنانیاں تے اَیانے تے پَشو تے اوس شہر دی ساری بوٹی نوں اپنے لئی رکھ تے اپنے ویریاں دی ہر شے اپنا حق سمجھ کے کھالیئں ۔ جیہڑی خداوند تیرے خدا نے تینوں دتی اے۔ ¹⁵ ۱۵. تے ایس طرحاں ای اوہناں شہراں نال کر جیہڑے تیرے توں بُتے دوُر نیں ۔ تے جیہڑے ایہناں قوماں دے شہراں چہ نئیں ۔ ¹⁶ ۱۶. پر اوہناں قوماں دے شہراں چہ جیہڑا خداوند تیرا خدا تیری میراث کر دے گا تو کسے نوں وی جیوندا ناں رئین دئیں ۔ ¹⁷ ۱۷. سگوں توں اوہناں نوں ضرور قتل کر یعنی حِتیاں ؔتے اموریاں ؔ تے کنعانیاں ؔ تے فرزیاں ؔ تے حویاں ؔ تے پوسیاں نوں ، جس طرحاں پئی خداوند تیرے خدا نے تینوں حُکم دتا اے ۔ ¹⁸ ۱۸. اینج ناں ہووے پئی اوہ اپنے مکروہ کماں وانگر جیہڑے اوہناں نے اپنے دیوتاواں دے لئی کیتے نیں ۔ تُہانوں وی سکھان تے ایس طرحاں تُسیں خداوند اپنے خُدا دے خلاف پاپ کرو ۔ ¹⁹ ۱۹. جے تُسیں شہر نوں بڑی دیر تیِک گھیرے چہ لئی رکھو ۔ تاں جو لڑائی کرکے اوہنوں فتح کر لو َ تے توں اوہناں تُہادا مار کے اوس دے دُکھ نان برباد ناں کر ۔ کیوں جو توں اوہناں توں کھائیں گا۔ ایس لئی اوہناں نوں ناں وَڈ ۔ کیوں جو توں اوہناں نوں کھائیں ۔کیوں جو میدان دا رُکھ انسان تے نئیں پئی توں اوہنوں گھیر لوئیں ۔ ²⁰ ۲۰. پر جیہڑے رُکھ نوں سمجھنا ایں پئی کھان دے کم دے دا نئیں ۔ اوہنوں برباد کر تے وَڈ چھَڈ ۔ تے اوس شہر دے خلاف جیدے نال توں لڑنا ایں ۔ گھیرن لئی مورچے بنا جیدوں تیِک پئی توں اوہنوں ناں کر لویں ۔