¹ ۔ تے سلیمان دے خدا وند دا گھر تے اپنا گھر بناون دے ویہہ ورھے مگروں انج ہویا ۔ ² ۔ پئی اوہ شہر جیہڑے حیرام نے سلیمان نوں موڑ دتے سن سلمان نے اوہناں نوں اساریا تے بنی اسرائیل نوں اوہناں وچ وسایا ۔ ³ ۔ تے سلیمان حمات صوبے ول گیا تے اوہدے اُتے غالب آیا ۔ ⁴ ۔ تے اوہنے اجاڑ وچ تدمور بنایا ۔ تے ذخیرے دے سارے شہر وی جیہڑے اوہنے حمات وچ بنائے۔ ۔ تے اوہنے فرازی بیت حورون تے نشیبی بیت حورون کندھاں تے پھاٹکاں تے جندریاں نال پکے کیتے ہوئے بنائے ۔ ⁵ ۔ تے اوہنے فرازی بیت حورون تے نشیبی بیت حورون کندھاں تے پھاٹکاں تے جندریاں نال پکے کیتے ہوئے بنائے ۔ ⁶ ۔ تے بعلت تے زخیرہ دے سارے شہر جیہڑے سلیمان دے سن ۔ تے گڈیاں دے شہر تے سواراں دے شہر تے سارا جو سلمان نے چاہیا اوہنے یروشلیم تے لبنان تے اپنی بادشاہت دے دیس وچ بنوایا ۔ ⁷ ۔ تے اوہنے اوہناں لوگوں نوں تابع کیتا جیہڑے حتیاں تے اموریاں تے فرزیاں تے حویاں تے ببوسیاں وچوں رہ گئے سن ۔ تے اسرائیل توں نہیں سن ۔ ⁸ ۔ تے اوہناں دی اولاد تے جیہڑی اوہناں دے مگروں دیس وچ رہ گئی جنہوں بنی اسرائیل نے قتل نہ کیتا ۔ سلامان نے اوہدے اُتے خراج لایا جیہڑا اج دے دن تیکر ہے۔ ⁹ ۔ پر بنی اسرائیل وچوں سلیمان نے کسے نوں وی اپنے کم لئی خادم نہ بنایا کیوں جو اوہ اوہدے لئی جنگی مرد رئیس تے منصب دار تے گڈیاں تے سواراں دے سردار سن ۔ ¹⁰ ۔ تے ایہہ سلیمان بادشاہ دے کماں تے خاص طور تے رکھے گئے سن ۔ ¹¹ ۔ تے سلیمان فرعون دی دھی نوں داوئود دے شہروں اوس گھر وچ لے آیا جیہڑا اوہنے اوہدے لئی بنایا سی ۔ کیوں جو اوہنے آکھیا ۔ میری کوئی بیوی اسرائیل دے بادشاہ دائود دے گھر وچ نہیں رہوے گی ۔ کیوں جو اوہ تھانواں پاک نیں جتھے خدا وند دا صندوق آیا اے۔ ¹² ۔ تد سلیمان خدا وند دے اُس مزبحے تے خدا وند لئی قربانیاں چاڑھدا سی ۔ جیہڑا اوہنے برانڈے اگے بنایا سی ۔ ¹³ ۔ اوہ ہر دن دے فرض مطابق جیویں موسیٰ نے حکم دتا سی سبتاں وچ تے نویں چناں وچ تے تن وارورھے وچ عیداں یعنی عید فطیر تے ہفتیاں دی عید تے خیام دی عید وچ قربانی چاڑھی جاوے ۔ ¹⁴ ۔ تے اُس نے اپنے پیو دائود دی ترتیب دے مطابق کاہناں دی دی خدمت لئی واریاں متھیاں ۔ تے لادیاں دا ایہہ ذمہ سی کہ اوہ خدا وند دی حمد کرن ۔ تے روز دھیاڑے دے فرضاں دے مطابق کاہناں اگے سیوا کرن تے دربان اپنی واریاں مطابق ہر بوہے تے سن ۔ کیوں جو مرد خدا نے دائود نے انج ای حکم دتا سی ۔ ¹⁵ ۔ تے اُس نے کاہناں تے لادیاں لئی ہر گل وچ تے خزانے دے بارے بادشاہ دی وصیت توں نہ ودھیا ۔ ¹⁶ ۔ سو سلیمان دا سارے کم خدا وند دے گھر دی نینہ رکھن توں لے کے اوہدے اخیر تیکر تیار ہوئے ۔ تے خدا وند دا گھر بن گیا ۔ ¹⁷ ۔ فیر سلیمان سمندر دے کنڈھے تے ادوم دے دیس وچ عصیون جابر تے ایلہ نوں گیا ۔ ¹⁸ ۔ تے حیرام نے اوہنوں اوہ جہاز گھل کے اوہدے نال تعاون کیتا جہدے اُتے اوہدے بحری تجربہ کار خادم ملاح سن ۔ تے اوہ سلیمان دے خادماں نال اوفیر نوں گئے ۔ تے اوتھوں اوہناں نے چار سو پنجاہ قنطار سونا لتا۔ تے اوہنوں سلیمان بادشاہ دے کول لیائے ۔ ¹⁷ ۔ فیر سلیمان سمندر دے کنڈھے تے ادوم دے دیس وچ عصیون جابر تے ایلہ نوں گیا ۔ ¹⁸ ۔ تے حیرام نے اوہنوں اوہ جہاز گھل کے اوہدے نال تعاون کیتا جہدے اُتے اوہدے بحری تجربہ کار خادم ملاح سن ۔ تے اوہ سلیمان دے خادماں نال اوفیر نوں گئے ۔ تے اوتھوں اوہناں نے چار سو پنجاہ قنطار سونا لتا۔ تے اوہنوں سلیمان بادشاہ دے کول لیائے ۔