¹ . تاں سلیمان نے کیہا خداوند نے فرمایا ۔ پئی میں کالے بدل وچ رہواں گا۔ ² ۔ تے میں تیرے رہن لئی اک گھر بنایا اے . اک تھاں تاں جو ابد تیکر توں اوہدے وچ رہ سکیں ³ . تاں بادشاہ نے اپنا مو نہہ پھیریا تے اسرائیل دی ساری جماعت نوں برکت دتی تے اسرائیل دی ساری جماعت کھڑی سی ⁴ . تے اوہنے آکھیا مبارک ہووے خداوند اسرائیل دا خدا جس نے میرے پیو داؤد دے نال اپنے منہ توں کلام کیتا تے اپنے ہتھ نال اوہنوں پورا کیتا.تے آکھیا ⁵ . پئی جس دن توں میں اپنے لوکاں نوں مصر دی زویں وچوں باہرکڈھیا میں اسرائیل دے کسے قبیلے وچ کسے شہر نوں پسند نہیں کیتا پئی اوہدے وچ میرے لئی گھر بنایا جائے۔ تا ں جے میرا ناں اوتھے ہووے۔ تے میں کسے بندے نوں پسند نہ کیتا . کہ میرے لوکاں سرائیل دا حاکم ہووے ⁶ . پر میں یروشلیم نوں چُن لتا تاں جو میرا ناں اوتھے ہووے۔ تے میں داؤد نوں چن لتا . پئی میرے بندیاں اسرائیل تے حاکم ہوون . پر میں یروشلیم نوں چُن لتا تاں جو میرا ناں اوتھے ہووے۔ تے میں داؤد نوں چن لتا . پئی میرے بندیاں اسرائیل تے حاکم ہوون ⁷ . تے میرے پیو داؤد دے دل وچ سی پئی خداوند اسرائیل دے خدا لئی گھر بناوے ⁸ . تاں خداوند نے میرے پیو داؤد نوں آکھیا . کیوں جے تیرے دل وچ ہے کہ توں میرے نا ں لئی اک گھر بناویں . تاں توں چنگا کیتا جو اپنے دل وچ انج سوچیا ⁹ . پر توں گھر نہیں بنائیں گا سگوں تیرا پتر جیہڑا تیری صلب وچوں نکلے گا اوہی میرے نا ں لئی گھر بنائے گا ¹⁰ . تے خداوند نے اوہ گل جو آکھی سی پوری کیتی تے اپنے پیوداؤد دی تھاں کھلا ہویا۔ تے اسرائیل دے تخت تے بیٹیھا . جیویں کہ خداوند نے فرمایا تے میں خداوند اسرائیل دے خدا دے ناں لئی گھر بنایا ¹¹ . تے اوہدے وچ میں اوہ صندوق رکھیا جس دے اندر خداوند دا عہد اے جیہڑا اوہنے اسرائیل نال بنہیا ¹² . پھر اوہ خداوند دے مذبح دے اگے اسرائیل دی ساری جماعت دے سامنے کھلویا تے اپنے ہتھ اڈے ¹³ . کیوں جو سلیمان نے پتل دا اک ممبر بنایا سی۔ جس نوں اوہنےویہڑے وچکار رکھیا سی۔ اس دی لمائی پنج ہتھ تے چوڑائی پنج ہتھ تےاُچائی تن ہتھ سی . تاں اوہ اوہدے اُتے کھلویا۔ تے بنی اسرائیل دی ساری جماعت دے سامنے اپنے گوڈیاں تے جھکیا تے آسمان ول اپنے ہتھ کھلارے ¹⁴ . تے آکھیا۔ اے خداوند اسرائیل دے خدا آسمان تے زویں تےتیرے ورگا کوئی خدا نہیں تاں اپنے بندیاں لئی جو تیرے حضور اپنے سارے دل نال چلدے نیں تے عہد تے رحمت نوں یاد رکھدا ایں ¹⁵ . ۔جس نے اپنے بندے میرے پیو داؤد نوں جو کچھ آکھیا سی پورا کیتا. تو ں اپنے منہ وچوں گل آکھی تے اپنے ہتھاں نال پوری کیتی۔ جیویں کہ اج دا دن ظاہر کردا اے ¹⁶ . ہن اے خداوند اسرائیل دے خدا ! اپنے بندے میرے پیو داؤد لئی اس وعدے نوں پورا کر جوتوں اوہدے نال کیتا . کہ میرے حضور تیرے لئی اسرائیل دے تخت تے بیٹھن لئی مرد دی کمی نہیں ہووے گی جے تیری اولاد اپنیاں راہوں دی راکھی تے میری شریعت تےچلے جیویں توں میرے سامنے چلیا ¹⁷ . تے ہن خداوند اسرائیل دے خدا! اپنے اس قول نوں جوتوں اپنے بندےداؤد نوں فرمایا پکا کر۔ ¹⁸ ۔ پر کیہ خدا حقیقت وچ انسان دے نال زویں تے رہوے گا ؟ کیوں جو اسمان وچ تیری گنجائش نہیں.تاں اس گھر وچ کیوں ہووے گی جہنوں میں بنایا اے ؟ ¹⁹ ۔ اپنے بندے دی دعا تے منت ول دھیان کر۔ اے خدا وند میرے خدا! اپنےبندے دی دعا تے ترلے نوں سن جو اوہ تیرے سامنے کردا اے ²⁰ ۔ تیریاں اکھاں دن رات اس گھر تے کھلیاں رہیاں اس تھاں تے جہدی بابت توں آکھیا ۔ پئی میں اپنا ناں اوتھے رکھاں گا ۔ پئی توں اس دعا نوں سنیں جیہڑی تیرا بندہ اس تھاں ول منہ کرکے منگدا اے ²¹ تے تو ں اپنے بندے دی منت نوں اپنے لوکاں اسرائیل دی دعا نوں قبول کر جیہڑی اس تھاں ول منہ کرکے منگدے نیں تے ا سمان وچ اپنےرہن دی تھاں توں سن ۔ تے جدوں توں سنیں تاں رحم کر ²² . جے کوئی اپنے گوانڈھی نال برائی کرے تے اوہنوں حلف دین لئی اوہدے اتے سونہہ واجب ہووے تے اوہ حلف چکن لئی گھر وچ تیرےمذبحے دے سامنے آوے۔ ²³ ۔ تاں توں آسمان توں سن تے عمل کر ۔ تے اپنے بندیاں دے وچ انصاف کر ۔ پئی لچے نوں سزا دے تے اوہدے سبھا نوں اوہدے سر تے پا ۔ تے سچے نوں پاک کر تے اوہدی سچائی مطابق اوہنوں اجر دے ۔ ²⁴ ۔ تے جدوں تیرے لوک اسرائیل دے خلاف گناہ کرن دے کارن اپنے دشمناں کولوں ہار جان ۔ تاں اوہ پھرن تے تیرے ناں دا اقرار کرن ۔ تے ایس گھر وچ تیرے اگے دعا تے منت کرن ۔ ²⁵ ۔ تاں توں اسمان توں سن ۔ تے اپنی قوم اسرائیل دے گناہ معاف کر ۔ تے اوہناں نوں اوس دیس وچ موڑ کے لیا جیہڑا توں اوہناں نوں تے اوہناں دے پیو دادے نوں دتا ۔ ²⁶ ۔ اسمان بند ہو جاوے تے تیرے خلاف اوہناں دے گناہواں دے کارن مینہ نے وسے ۔ تے اوس تھاں ول منہ کر کے دعا کرن ۔ تے تیرے ناں دا اقرار کرن ۔ تے اپنے گناہواں توں پھرن ۔ جدوں توں اوہناں نوں مصیبت وچ پاویں ۔ ²⁷ ۔ تاں توں اسمان توں سن ۔ تے اپنے بندیاں تے اپنی قوم اسرائیل دے گناہ معاف فرما ۔ تے اوہناں نوں نیک راہ دی ہدایت دے پئی اوہ ایس تے چلن تے اوس زویں تے جیہڑی توں اپنی قوم نوں میراث لئی دتی مینہ گھل ۔ ²⁸ ۔ تے جدوں ملک وچ قحط یا وبا یا ساڑن آلی ہوا یا چیپا ( پھپھوندی) یا ٹڈی یا جھانجے ہوون ۔ تے جدوں اوہناں دے دشمن اوہناں دے شہراں وچ اوہناں نوں گھیر لین تے جدوں اوہ کسے مصیبت یا بماری وچ گھر جان ۔ ²⁹ ۔ تاں جیہڑی دعا یا منت بھاویں کسے اک بندے یا تیری ساری قوم اسرائیل ولوں ہووے ۔ جدوں ہر کوئی اپنی برائی تے مصیبت نوں پچھانے تے اپنے ہتھ ایس گھر ول اڈے ۔ ³⁰ ۔ تاں توں اپنے رہن دی تھاں اسمان توں سُن تے ماف کر ۔ تے ہر اک نوں اوہدے سبھا مطابق بدلہ دے ۔ جیویں کہ توں اوہدے دل نوں جاندا ایں ۔ کیوں جو توں ای کلا بنی آدم دے دلاں نوں جاندا ایں ۔ ³¹ ۔ تاں جو ایس دیس وچ جیہڑا توں ساڈے پیو دادے نوں دتا اوہناں ساریاں دناں وچ جنہاں وچ اوہ زندہ رہن تیتھوں ڈرن تے تیریاں راہواں تے چلن ۔ ³² ۔ جے کوئی اوپرا جیہڑا تیری قوم اسرائیل وچوں نہ ہووے تیرے عظیم ناں تے تیرے قدرت رکھن آلے ہتھ تے تیری ودھائی ہوئی بانہہ دے لئی دور دے دیس توں آوے ۔ تے ایس گھر ول منہ کرکے دعا منگے ۔ ³³ . تاں توں اسمان توں اپنے رہن دی تھاں توں سن ۔ تے سارا جو کچھ اُس اوپرے بندے نے تیتھوں اوہدے وچ منگیا ۔ اوہدے مطابق کر ۔ تاں جو زویں دیاں ساریاں قوماں تیرے ناں نوں پچھانن ۔ تے تیری قوم اسرائیل وانگوں تیتھوں ڈرن ۔ تے جانن پئی تیرا ناں اُس گھر وچ بلایا جاندا اے جنہوں میں بنایا ۔ ³⁴ ۔ تے جدوں تیری قوم اپنے دشمناں دے خلاف لڑائی لئی اُس راہ ول جاوے جس تے توں اوہناں نوں گھلیں ۔ تے اوہ تیرے کول اُس شہر ول جنہوں توں چن لتا تے ایس گھر ول منہ کرکے دعا منگے جس نوں میں تیرے ناں لئی بنایا ۔ ³⁵ ۔ تاں توں اسمان توں اوہناں دیاں دعاواں تے اوہناں دیاں منتاں سن ۔ تے اوہناں دا انصاف کر ۔ ³⁶ ۔ تے جدوں اوہ تیرے خلاف گناہ کرن ۔ کیوں جو کوئی انسان نہیں جیہڑا گناہ نہیں کردا تے توں اوہناں اتے غصے ہو ویں تے اوہناں نوں اوہناں دے دشمناں دے حوالے کریں ۔ تے اوہ اوہناں نوں کسے دور یا نیڑے دے دیس وچ بندی وان بنا کے لے جاون ۔ ³⁷ ۔ فیر اوس دیس وچ جس وچ اوہ بندی وان ہو کے گئے اوہناں دے دل بدل جاون ۔ تے اوہ اپنی بندی دے دیس وچ تائب ہوون ۔ تے تیرے ترلے کرن تے آکھن پئی اساں گناہ کیتا ۔ اساں شرارت کیتی تے اساں قصور کیتا ۔ ³⁸ ۔ تے اپنے سارے دلاں تے اپنی ساری جاناں نال اپنے بندی دے دیس وچ جس وچ اوہ بندی بنائے گئے تیرے کول آون ۔ تے تیرے دیس ول جیہڑا توں اوہناں دے پیو دادے نوں دتا تے اوہدے ول جس نوں توں چن لتا ۔ تے اس گھر ول منہ کر کے دعا کرن جیہڑا میں تیرے ناں لئی بنایا اے ۔ ³⁹ ۔ تاں توں اسمان یعنی اپنے رہن دی تھاں توں اوہناں دی دعا تے اوہناں دے ترلے سن تے اوہناں دا انصاف کر تے اپنی قوم نوں جس نے تیرا گناہ کیتا ماف فرما ۔ ⁴⁰ ۔ تے ہن اے میرے خدا ! ہر اک دعا جیہڑی اس تھاں تے کیتی جاوے ۔ اُس ول تیریاں اکھاں کھلیاں تے کن دھیان دین ۔ ⁴¹ ۔ ہن اے خدا وند خدا ۔ اپنی ارام کرن آلی تھاں ول جاون نوں اُٹھ ۔ توں تے تیری وڈیائی دا صندوق ۔ اے خدا وند خدا ۔ تیرے کاہن نجات توں ملبس ہون تے تیری پاک نیکی توں شاد ہوون ۔ ⁴² ۔ اے خدا وند خدا ۔ اپنے ممسوح دے منہ نوں نہ پھیر۔ تے اپنے بندے دائود تے کیتیاں مہربانیاں یاد کر۔ ⁴⁰ ۔ تے ہن اے میرے خدا ! ہر اک دعا جیہڑی اس تھاں تے کیتی جاوے ۔ اُس ول تیریاں اکھاں کھلیاں تے کن دھیان دین ۔ ⁴¹ ۔ ہن اے خدا وند خدا ۔ اپنی ارام کرن آلی تھاں ول جاون نوں اُٹھ ۔ توں تے تیری وڈیائی دا صندوق ۔ اے خدا وند خدا ۔ تیرے کاہن نجات توں ملبس ہون تے تیری پاک نیکی توں شاد ہوون ۔ ⁴² ۔ اے خدا وند خدا ۔ اپنے ممسوح دے منہ نوں نہ پھیر۔ تے اپنے بندے دائود تے کیتیاں مہربانیاں یاد کر۔