¹ ۔ تاں انج ہویا پئی جدوں رجعام دی بادشاہی قائم ہوئی۔ تے اوہ طاقت ور ہویا۔ تاں اوہنے تے اوہدے نال سارے اسرائیلؔ نے خدا وند دی شریعت نوں چھڈ دتا ۔ ² ۔ تے جدوں رجعام دی بادشاہی دا پنجواں ورھا ہویا۔ شاہ مصرشیشاق یروشلم اتے حملہ کیتا۔ کیوں جو اوہناں نے خدا وند دے خلاف گناہ کیتا سی۔ ³ ۔ اوہدے نال بارھاں سو گڈیاں تے سٹھ ہزار سوارسن۔ تے لوبیاں تے سکیاں تے کوشیاں وچوں جیہڑے لوک مصر توں اس دے نال آئے سن اوہناں دی گنتری حدوں ودھیک سی ۔ ⁴ ۔ اس نے حصین شہر جیہڑے یہوداؔہ وچ سن لے لتے ۔ تے یروشلیم تیکر پہنچیا۔ ⁵ ۔ تد شمع یاہ نبی رجعام تے یہودہ دے اوہناں رئیساں کول آیا جیہڑے شیشاق توں نس کے یروشلیم وچ کٹھے ہوئے سن ۔ تے اوہناں نوں آکھیا ۔ خدا وند انج فرماندا اے کہ تساں مینوں چھڈ دتا ۔ تے میں وی تہانوں شیشاق دے دے ہتھ وچ چھڈ دتا اے ۔ ⁶ ۔ تد اسرائیل دے رئیساں تے بادشاہواں نیں عاجزی کیتی تے آکھیا ۔ خدا وند نیاں کرن والا اے ۔ ⁷ ۔ جدوں خدا وند نے ویکھیا پئی اوہناں عاجزی کیتی ۔ تاں خدا وند شمع یاہ نال گل کیتی تے آکھیا ۔ پئی اوہناں عاجزی کیتی اے ۔ تاں میں اوہناں نوں ہلاک نہیں کراں گا ۔ سگوں تھوڑے چر نوں اوہناں نوں آزاد کر دیاں گا ۔ تے میرا قہر شیشاق دے ہتھوں یروشلیم تے نہیں لتھے گا ۔ ⁸ ۔ پر اوہ اوہدے سیوا کرن آلے ہون گے ۔ تاں جو اوہ د میری سیوا نوں دھرتی دی بادشاہیاں دی سیوا توں جان سکن۔ ⁹ ۔ ایس لئی شاہ مصر یروشلم اتے چڑھ آیا ۔ تے جو کچھ وی خدا دے گھر دے خزانے اتے بادشاہ دا خزانے وچّ سی لٹ لتا ۔ اتے سبھ کجھ لے گیا ۔ تے سونے دیاں ڈھالاں وی لے گیا جیہڑیاں سلمان نے بنوائیاں سن ۔ ¹⁰ ۔ تد رجعام بادشاہ نے اوہناں دی تھاں پتل دیاں ڈھالاں بنوائیاں تے پہرے داراں دے سرداراں دے ہتھ وچ دے دتیاں ۔ جیہڑے بادشاہ دے محل دے دروازیاں دی راکھی کردے سن ۔ ¹¹ ۔ اتے جدوں بادشاہ خدا وند دے گھر آؤندا پہرے دار آؤندے تے اوہناں نوں چکّ لیندے اتے پھیر اوہناں نوں پہریداراں دے سلاخ خانے وچ رکھ دیندے۔ ¹² ۔ تے ایس لئی کہ اوہناں عاجزی کیتی خدا وند دا قہر اوہناں اتوں پھر گیا ۔ اتے اوہناں نوں پوری طرح ہلاک نہ کیتا ۔ کیوں جو یہودہ وچوں چنگے عمل ختم نہیں سن ہوئے ۔ ¹³ ۔ سو رجعام بادشاہ یروشلیم وچ پکا ہویا تے حکومت کردا رہیا ۔ تے جس ویلے رجعام بادشاہ بنیا ۔ اوہدی عمر اکتالی ورھے سی ۔ تے اوہنے ستاہراں ورھے یروشلم وچ بادشاہی کیتی ۔ یعنی اُس شہر وچ جہنوں خدا وند اسرائیل دے سارے قبیلیاں وچوں چن لیا۔ تاں جو اپنا ناں اوتھے رکھے ۔ تے اوہدی ماں دا ناں نعمہ سی جیہڑی عمونی سی ۔ ¹⁴ ۔ تے اوہنے برائی کیتی ۔ کیوں جو اوہنے اپنا دل خدا وند دی بھال وچ نہ لایا۔ ¹⁵ ۔تے رجعام دا پہلا تے پچھلا حال ۔ کیہ ایہہ شمع یاہ نبی عدو غیب بین دی تاریخ وچ مسلسل درج نہیں ؟ تے رحبعام تے یار بعام وچ سدا لڑائیاں ہوندیاں رہیاں ۔ ¹⁶ ۔ تے رحبعام اپنے پیو دادا نال سوں گیا ۔ تے دائود دے شہر وچ دبیا گیا ۔ تے اوہدا پتر ابی یاہ اوہدی تھاں بادشاہ بنیا ۔ ¹⁵ ۔تے رجعام دا پہلا تے پچھلا حال ۔ کیہ ایہہ شمع یاہ نبی عدو غیب بین دی تاریخ وچ مسلسل درج نہیں ؟ تے رحبعام تے یار بعام وچ سدا لڑائیاں ہوندیاں رہیاں ۔ ¹⁶ ۔ تے رحبعام اپنے پیو دادا نال سوں گیا ۔ تے دائود دے شہر وچ دبیا گیا ۔ تے اوہدا پتر ابی یاہ اوہدی تھاں بادشاہ بنیا ۔