1
۔ تے رجعام شکم نوں گیا ۔ کیوں جو سار اسرائیل شکم وچ کٹھا ہویا سی ۔ کہ اوہنوں بادشاہ بناون ۔
2
۔ تے یار بعام بن نباط نے جیہڑا مصر وچ سی سنیا ۔ کیوں جو اوہ سلیمان بادشاہ کولوں نسیا ہویا سی ۔ تدوں یار بعام مصر توں مُڑ کے آیا ۔
3
۔ تے اوہناں اُس نوں سدیا ۔ تاں یاربعام تے سارے اسرائیل آئے ۔ تے اوہناں نے رجعام نوں مخاطب کر کے آکھیا ۔
4
۔ پئی تیرے پیو نے ساڈے ہل نوں بھارا کیتا ۔ تاں توں ہن اپنے پیو دی ڈاہڈی سیوا تے بھارے ہل نوں ہولا کر جیہڑا اوہنے ساڈے تے رکھیا سی ۔ تاں اسیں تیرے سیوا کرن آلے ہوواں گے ۔
5
۔ اوہنے اوہنوں آکھیا ۔ کہ تن دناں مگروں میرے کول فیر آئو ۔ تاں لوک تُر گئے۔
6
۔ تدوں رجعام بادشاہ نے اوہناں بزگاں نال صلاح کیتی جیہڑے اوہدے پیو سلیمان دے حضور اوہدی حیاتی وچ کھلوندے سن تے اوہناں نوں آکھیا ۔ تسیں مینوں کیہ صلاح دیندے او پئی میں اوہناں لوکاں نوں جواب دیاں ؟
7
۔ اوہناں جواب وچ آکھیا ۔ پئی جے توں اوہناں نال نرمی کریں ۔ تے اوہناں نوں راضی کریں تے اوہناں نال مہربانی دیاں گلاں کریں ۔ تاں اوہ سدا لئی تیرے خادم ہون گے ۔
8
۔ پر اوہنے اوہناں بزگاں دی صلاح نوں چھڈ دتا ۔ جنہاں نے اُس نوں صلاح دتی سی ۔ تے اوہناں جواناں نال صلاح کیتی جیہڑیاں نے اوہدے نال تربیت پائی سی تے جو اوہدے ساہمنے کھلوتے رہندے سن ۔
9
۔ تے اوہناں نوں آکھیا ۔ پئی تسیں مینوں کیہ صلاح دیندے او ؟ پئی میں اوہناں لوکاں نوں جواب دیاں ۔ جنہاں میرے نال گل کر کے آکھیا ۔ پئی ساڈے اُس ہل نوں ہولا کر جیہڑا تیرے پیو نے ساڈے تے رکھیا سی ۔
10
۔ تاں اوہناں جواناں نے جنہاں اوہدے نال سکھلائی کیتی سی اوہدے نال گل کر کے آکھیا پئی اوہناں لوکاں نوں جنہاں تیرے نال خطاب کر کے آکھیا ۔ پئی تیرے پیو نے ساڈا ہل بھارا کیتا ۔ تے توں اوہنوں ساڈے تے ہولا کر ۔ توں اوہناں نوں انج آکھ ۔ پئی میری چھوٹی انگل میرے پیو دے لک نالوں موٹی اے ۔
11
۔ میرے پیو نے تاں تہانوں بھارے ہل نال لدیا ۔ پر میں تہاڈے ہل نوں ہور وی بھارا کراں گا ۔ میرے پیو نے کوڑیاں نال تہانوں ادب اداب سکھائے پر میں (ٹھونیاں ) بچھواں نال سکھاواں گا۔
12
۔ تے تیجے دن یار بعام تے سارے لوکی رجعام دے ساہمنے آئے ۔ جیویں کہ بادشاہ نے اوہناں نال گل کر کے آکھیا سی پئی تیجے دن میرے کول فیر آئو ۔
13
۔ تاں بادشاہ نے اوہناں نوں ڈاہڈے سبھا نال جواب دتا ۔ تے رجعام بادشاہ نے بزرگاں دی صلاح نوں چھڈ دتا ۔
14
۔ تے جواناں دی صلاح مطابق اوہناں نوں جواب دے کے آکھیا ۔ پئی میرے پیو نے تہاڈا ہل بھارا کیتا پر میں اوہنوں ہور وی بھارا کراں گا میرے پیو نے تاں تہانوں ادب اداب کوڑیاں نال سکھایا پر میں بچھواں نال سکھاواں گا ۔
15
۔ تے بادشاہ نے لوکاں دی نہ سنی کیوں جو اوہدا کارن رب ولوں سی ۔ تاں جو خدا وند اپنے بول نوں پورا کرے جیہڑا اوہنے احی یاہ شیلونی دی زبان توں یار بعام بن نباط نوں فرمایا سی ۔
16
۔ جدوں سارے اسرائیل نے ویکھیا ۔ پئی بادشاہ نے اوہناں دی نہیں سنی ۔ تاں لوکاں نے بادشاہ نوں جواب دے کے آکھیا ۔۔ پئی دائود نال ساڈا کیہ حصہ اے تے یسی دے پتر نال کیہ میراث اے ؟ اے اسرائیل اپنے تنبواں ول چلو ۔ تے ہن اے دائود اپنے گھرانے نوں ویکھ ۔ تے سارے اسرائیل اپنے تنبواں ول چلے گئے ۔
17
۔ پر بنی اسرائیل جیہڑے یہودہ دے شہراں وچ رہندے سن اوہناں تے رجعا م بادشاہ ہویا ۔
18
۔ تے رجعام بادشاہ نے خراج دے دروغے ادونی رام نوں گھلیا تاں بنی اسرائیل نے اوہنوں سنگسار کیتا تے اوہ مر گیا ۔ تد رجعام بادشاہ چیتھی کر کے اپنی گڈی تے چڑھیا تے یرو شلیم نوں نس گیا ۔
19
۔ تے اسرائیل دائود دے گھرانے توں اج تیکر باغی نیں ۔
17
۔ پر بنی اسرائیل جیہڑے یہودہ دے شہراں وچ رہندے سن اوہناں تے رجعا م بادشاہ ہویا ۔
18
۔ تے رجعام بادشاہ نے خراج دے دروغے ادونی رام نوں گھلیا تاں بنی اسرائیل نے اوہنوں سنگسار کیتا تے اوہ مر گیا ۔ تد رجعام بادشاہ چیتھی کر کے اپنی گڈی تے چڑھیا تے یرو شلیم نوں نس گیا ۔
19
۔ تے اسرائیل دائود دے گھرانے توں اج تیکر باغی نیں ۔